ଯୁଦ୍ଧ ଭିତରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ କଥା ହେଲେ ଟ୍ରମ୍ପ, କହିଲେ ଆଲୋଚନା...
ଯୁଦ୍ଧ ସ୍ଥିତିକୁ ନେଇ କଥା ହେଲେ ଟ୍ରମ୍ପ-ପୁଟିନ। ମଧ୍ୟପ୍ରାଚ୍ୟ ଯୁଦ୍ଧ ସହ ରୁଷ-ୟୁକ୍ରେନ ଯୁଦ୍ଧ ପ୍ରସଂଗରେ କଥା ହେଲେ ଦୁଇ ସୁପର ପାୱାର । ପ୍ରାୟ ଏକ ଘଣ୍ଟା ଧରି କଥାବାର୍ତ୍ତା ହୋଇଛନ୍ତି ଦୁଇ ନେତା । ଉଭୟ ରୁଷ ଏବଂ ଆମେରିକା ପକ୍ଷରୁ ଏହି ସୂଚନା ଦିଆଯାଇଛି । ନିଜେ ଟ୍ରମ୍ପ ଏ ନେଇ ଗଣମାଧ୍ୟମକୁ ସୂଚନା ଦେଇଛନ୍ତି । ଉଭୟଙ୍କ ମଧ୍ୟରେ ସକାରାତ୍ମକ ଆଲୋଚନା ହୋଇଥିବା କହିଛନ୍ତି ଟ୍ରମ୍ପ ।
ଗତ ଡିସେମ୍ବର ପରେ ଏହା ଦୁଇ ନେତାଙ୍କ ମଧ୍ୟରେ ପ୍ରଥମ କଥାବାର୍ତ୍ତା । ଇରାନ ଯୁଦ୍ଧର ତୁରନ୍ତ ଅବସାନ ପାଇଁ ପୁଟିନ ଏକ ପ୍ରସ୍ତାବ ଦେଇଛନ୍ତି । ଟ୍ରମ୍ପ ପୁଟିନଙ୍କୁ କହିଥିଲେ, ଆପଣ ୟୁକ୍ରେନ ଯୁଦ୍ଧ ଶେଷ କରି ଦିଅନ୍ତୁ । ବିଶ୍ବପାଇଁ ଏହା ସବୁଠୁ ବଡ଼ ସହାୟତା ହେବ । ଏ ଦିଗରେ ସହଯୋଗ କରିବାକୁ ପୁଟିନ ପ୍ରସ୍ତୁତ ଥିବା ଟ୍ରମ୍ପ ସୂଚନା ଦେଇଛନ୍ତି ।
ରୁଷୀୟ ସମାଚାର ଏଜେନ୍ସି TASS ଅନୁଯାୟୀ, ଉଷାକୋଭ କହିଛନ୍ତି, "ଆଜି ରାତିରେ ରୁଷୀୟ ଏବଂ ଆମେରିକୀୟ ରାଷ୍ଟ୍ରପତି ଏକ ଫୋନ୍ ଆଲୋଚନା କରିଥିଲେ। ଆଲୋଚନାଟି ବ୍ୟବହାରିକ, ଖୋଲା ଏବଂ ଗଠନମୂଳକ ଥିଲା, ଯେପରି ସାଧାରଣତଃ ରୁଷୀୟ ଏବଂ ଆମେରିକୀୟ ନେତାମାନଙ୍କ ମଧ୍ୟରେ ଯୋଗାଯୋଗ କ୍ଷେତ୍ରରେ ହୋଇଥାଏ।" ଉଷାକୋଭଙ୍କ ଅନୁଯାୟୀ, ପୁଟିନ ଏବଂ ଟ୍ରମ୍ପ ପ୍ରାୟ ଏକ ଘଣ୍ଟା ଧରି କଥା ହୋଇଥିଲେ। ଟ୍ରମ୍ପ ରୁଷ ଏବଂ ୟୁକ୍ରେନ ମଧ୍ୟରେ ଦୀର୍ଘକାଳୀନ ବିବାଦର ଏକ ଦୀର୍ଘକାଳୀନ ସମାଧାନ ସୁନିଶ୍ଚିତ କରିବା ପାଇଁ ଆମେରିକାର ପ୍ରତିବଦ୍ଧତାକୁ ଦୋହରାଇଥିଲେ। ଉଷାକୋଭ ଆହୁରି କହିଛନ୍ତି ଯେ ପୁଟିନ ତାଙ୍କ ପ୍ରଶାସନର ନିରନ୍ତର ମଧ୍ୟସ୍ଥତା ପ୍ରୟାସ ପାଇଁ ଟ୍ରମ୍ପଙ୍କୁ ଧନ୍ୟବାଦ ଜଣାଇଛନ୍ତି।
Click it and Unblock the Notifications
Sign in with Google