ଜଷ୍ଟିନ୍ ଟ୍ରୁଡୋଙ୍କ ଇସ୍ତଫା ପରେ ଟ୍ରମ୍ଫଙ୍କ ବଡ଼ ବୟାନ, କହିଲେ କାନାଡାକୁ USAର ୫୧ତମ ରାଜ୍ୟ

ନୂଆଦିଲ୍ଲୀ : କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ ନିକଟରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଯାହା ପରେ କାନାଡ଼ାକୁ ନେଇ ଏକ ବଡ଼ ବୟାନ ଦେଇଛନ୍ତି ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ । କହିଲେ କାନାଡ଼ାକୁ ଆମେରିକାର ୫୧ତମ ରାଜ୍ୟ କରିବାକୁ ଆମେ ସ୍ଥିର କରିଛୁ । ଏଭଳି ହେଲେ ଆମେରିକା ଓ କାନାଡ଼ା ଦୁଇ ଦେଶ ମିଶି ଏକ ମହାନ ଦେଶରେ ପରିଣତ ହେବେ । ଟ୍ରମ୍ଫଙ୍କ ଏଭଳି ବୟାନରେ ପରେ ଟ୍ରୁଡୋରାଗିଯାଇଛନ୍ତି ।

ମଙ୍ଗଳବାର ଟ୍ରମ୍ପ ତାଙ୍କ ଟ୍ରୁଥ ମିଡିଆରେ ଆମେରିକାର ଦୁଇଟି ମାନଚିତ୍ର ସେୟାର କରିଛନ୍ତି ଯେଉଁଥିରୁ ଗୋଟିଏରେ ସେ କାନାଡାକୁ ଆମେରିକାର ଅଂଶ ଭାବରେ ଦର୍ଶାଇଛନ୍ତି। ଆଉ ଏକ ମାନଚିତ୍ରରେ କାନାଡାକୁ ନେଇ ସେ ତାଙ୍କର ଉଦ୍ଦେଶ୍ୟ କ'ଣ ତାହା ପ୍ରକାଶ କରିଛନ୍ତି। ଏହାକୁ ନେଇ ବିବାଦ ଆରମ୍ଭ ହୋଇଛି।

ଟ୍ରମ୍ପ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଦୁଇଟି ମାନଚିତ୍ର ସେୟାର କରିଛନ୍ତି। ଏହି ମାନଚିତ୍ରଗୁଡିକ ମଧ୍ୟରୁ ଗୋଟିଏରେ ସେ ଆମେରିକାରେ କାନାଡା ଦେଖାଇଥିବାବେଳେ ଅନ୍ୟ ମାନଚିତ୍ରରେ ସେ କାନାଡା ସମ୍ବନ୍ଧରେ ନିଜର ଉଦ୍ଦେଶ୍ୟ ପ୍ରକାଶ କରିଛନ୍ତି, ଯାହା ବିଷୟରେ ବର୍ତ୍ତମାନ ବିବାଦ ଆରମ୍ଭ ହୋଇଛି ଏବଂ କାନାଡାର ନେତାମାନେ ଟ୍ରମ୍ପଙ୍କୁ ଉତ୍ତର ଦେବା ଆରମ୍ଭ କରି ଦେଇଛନ୍ତି।

ଟ୍ରମ୍ପ 'ଗ୍ରେଟର ଆମେରିକା' ମିଶନରେ କାମ କରୁଛନ୍ତି ବୋଲି କୁହାଯାଇଛି। କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଇସ୍ତଫା ତାଙ୍କ ମିଶନର ପ୍ରଥମ ସଫଳତା ବୋଲି ଅନୁମାନ କରାଯାଉଛି। ସେପଟେ ଟ୍ରମ୍ପଙ୍କ ଏଭଳି ମାନଚିତ୍ର ସେୟାର କରିବାକୁ ନେଇ ରାଗି ଯାଇଛନ୍ତି ଜଷ୍ଟିନ୍‌ ଟ୍ରୁଡୋ। ସେ ମଧ୍ୟ ଆକ୍ରମଣାତ୍ମକ ହୋଇପଡିଛନ୍ତି ଟ୍ରମ୍ପଙ୍କୁ ସେ ଏହାର ଦୃଢ ଜବାବ ଦେଇଛନ୍ତି।

ଏହାର ଦୃଢ଼ ଜବାବରେ ଟ୍ରୁଡୋ କହିଛନ୍ତି, କାନାଡା କେବେବି ସଂଯୁକ୍ତ ରାଷ୍ଟ୍ର ଅମେରିକାରେ ଅଂଶ ହେବ ନାହିଁ । କାନାଡା ହେଉଛି ଏକ ମଜଭୁତ ଦେଶ । ଏହାର ଅର୍ଥବ୍ୟବସ୍ଥା ଓ ଏଠାକାର ଲୋକମାନେ ବେଶ୍‌ ମଜଭୁତ । ଅନ୍ୟପକ୍ଷରେ କେବଳ କାନାଡ଼ା ନୁହେଁ ଟ୍ରମ୍ପ ପାନାମା କେନାଲକୁ ମଧ୍ୟ ନିୟନ୍ତ୍ରଣ କରିବାକୁ ଚାହୁଁଛନ୍ତି । ସେ ଏହା ହାସଲ କରିବା ପାଇଁ ସାମରିକ ଅପରେସନକୁ ମଧ୍ୟ ମନା କରି ନାହାଁନ୍ତି । ଏଭଳି ହେଲେ ତେବେ କ୍ଷେତ୍ର ଦୃଷ୍ଟିରୁ ଆମେରିକା ବିଶ୍ୱର ସବୁଠାରୁ ବଡ଼ ଦେଶ ହେବ ।