G7 Summit 2023ରେ ସବୁଠୁ ଲୋକପ୍ରିୟ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

Updated: Sunday, May 21, 2023, 11:53 [IST]

G7 Summit 2023: ଜାପାନର ହିରୋସିମାଠାରେ ଚାଲିଛି G7 ଶିଖର ସମ୍ମିଳନୀ । ଏହି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବିଶ୍ୱର ବରିଷ୍ଠ ନେତାମାନେ ଯୋଗ ଦେଇଛନ୍ତି । G7 ଶିଖର ସମ୍ମିଳନୀରେ ଅଂଶଗ୍ରହଣ କରିଥିବା ନେତାଙ୍କ ଉପରେ ଏକ ସର୍ଭେ କରାଯାଇଥିଲା ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ଅନ୍ୟ ନେତାଙ୍କ ଅପେକ୍ଷା ଅଧିକ ବୋଲି ସ୍ପଷ୍ଟ ହୋଇଛି ।

ରିପୋର୍ଟ ଅନୁସାରେ, 22ଟି ଦେଶ ମଧ୍ୟରୁ କେବଳ ଚାରିଟି ଦେଶର ନେତାଙ୍କ ଅନୁମୋଦନ ମୂଲ୍ୟାୟନ 50 ପ୍ରତିଶତରୁ ଅଧିକ ଏବଂ ଏଥିରେ ଶୀର୍ଷରେ ରହିଛି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାଁ । ପିଏମ ମୋଦିଙ୍କ ଅନୁମୋଦନ ରେଟିଙ୍ଗ୍ 78 ପ୍ରତିଶତ ଅଟେ । ଦ୍ୱିତୀୟ ସ୍ଥାନରେ ରହିଛି ଅଷ୍ଟ୍ରେଲିଆର ପ୍ରଧାନମନ୍ତ୍ରୀଙ୍କ ନାମ । ଏହା ପରେ ସ୍ୱିଜରଲ୍ୟାଣ୍ଡର ରାଷ୍ଟ୍ରପତି ଏବଂ ମେକ୍ସିକୋର ରାଷ୍ଟ୍ରପତିଙ୍କ ନାମ ରହିଛି।

ମିଡିଆ ରିପୋର୍ଟ ଅନୁଯାୟୀ, ଆମେରିକୀୟ ଫାର୍ମ ମର୍ନିଂ କନ୍ସଲ୍ଟ ନିକଟରେ 22 ଟି ଦେଶ ଉପରେ ଏକ ସର୍ଭେ କରିଥିଲା । ଜାପାନର ହିରୋସିମାଠାରେ ଅନୁଷ୍ଠିତ ଜି -7 ଶିଖର ସମ୍ମିଳନୀରେ ଯୋଗ ଦେଇଥିବା ନେତାଙ୍କ ଲୋକପ୍ରିୟତାକୁ ନେଇ ସର୍ଭେ କରାଯାଇଥିଲା ।

ଆମେରିକୀୟ ଫାର୍ମ ମର୍ନିଂ କନ୍ସଲ୍ଟ ଏକ ସର୍ଭେ ମାଧ୍ୟମରେ ଦାବି କରିଛି ଯେ, ଆମେରିକା, ଜାପାନ, ଫ୍ରାନ୍ସ, ବ୍ରିଟେନ ଇତ୍ୟାଦି ଦେଶର ନେତା ମାନେ ନିଜ ଦେଶର ଲୋକଙ୍କର କ୍ରୋଧର ଶିକାର ହେଉଛନ୍ତି । ଏହି କାରଣରୁ ସେମାନଙ୍କ ଲୋକପ୍ରିୟତା ମଧ୍ୟ କମ୍ ରହିଛି ।

ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁମୋଦନ ହାର 78 ପ୍ରତିଶତ ରହିଛି। ଏଥି ସହିତ, 62% ସ୍ୱିସ୍ ରାଷ୍ଟ୍ରପତି ଆଲେନ୍ ବର୍ସେଟ, 62% ମେକ୍ସିକୋ ରାଷ୍ଟ୍ରପତି ଆଣ୍ଡ୍ରେସ ମାନୁଏଲ ଓବ୍ରାଡୋର, ଅଷ୍ଟ୍ରେଲିୟ ପ୍ରଧାନମନ୍ତ୍ରୀ ଆନ୍ଥୋନୀ ଆଲବାନେସର 53% ଏବଂ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ 49%।