ବାଂଲାଦେଶ ପରେ ଥାଇଲାଣ୍ଡରେ ହଲଚଲ, ପ୍ରଧାନମନ୍ତ୍ରୀଙ୍କୁ ପଦରୁ ହଟାଇଲେ କୋର୍ଟ

ନୂଆଦିଲ୍ଲୀ : ବାଂଲାଦେଶ ପରେ ଥାଇଲାଣ୍ଡର ରାଜନୀତି ଏବେ ହଲଚଲ୍‌ ହୋଇଛି । ପ୍ରଧାନମନ୍ତ୍ରୀ ପଦରୁ ତାଙ୍କ ପଦରୁ ହଟାଇଛନ୍ତି ଥାଇଲାଣ୍ଡ ସାମ଼୍ବିଧାନିକ କୋର୍ଟ । ଏକ ନୈତିକତା ମାମଲାର ଶୁଣାଣି କରି କୋର୍ଟ ପ୍ରଧାନମନ୍ତ୍ରୀ ଶ୍ରେଥା ଥାଭିସିନ୍‌ ପଦ ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି । ଯାହାକୁ ନେଇ ଥାଇଲାଣ୍ଡ ରାଜନୀତି ସରଗରମ ହୋଇଛି ।

ଜଜ୍‌ ଏନେଇ କହିଛନ୍ତି ଯେ ଶ୍ରେଥା ଥାଭିସିନ୍‌ ତାଙ୍କ ମନ୍ତ୍ରିମଣ୍ଡଳରେ ଜଣେ ଅପରାଧୀ ଓକିଲଙ୍କୁ ନିଯୁକ୍ତ କରି ନିୟମର ଉଲଂଘନ କରିଛନ୍ତି । ଥାଇଲାଣ୍ଡର ପୂର୍ବ ସରକାରଙ୍କ ଦ଼୍ବାରା ନିଯୁକ୍ତ ପୂର୍ବତନ ସାଂସଦ ସମୂହଙ୍କ ଦ଼୍ବାରା ଏହି ମାମଲା ରୁଜୁ କରାଯାଇଥିବା ଜଣାପଡ଼ିଛି । ବ୍ୟାଙ୍କକରେ ଥିବା ସାମ୍ବିଧାନିକ କୋର୍ଟ ବୁଧବାର ଦିନ ରାୟ ଦେଇଛନ୍ତି ଯେ ଶ୍ରେଥାଙ୍କର ଜଣେ ସମ୍ପର୍କୀୟଙ୍କୁ କ୍ୟାବିନେଟରେ ସ୍ଥାନ ଦିଆଯାଇଛି |

ଏହାର ଏକ ସପ୍ତାହ ପୂର୍ବରୁ କୋର୍ଟ ମୁଖ୍ୟ ବିରୋଧୀ ଦଳକୁ ଭଙ୍ଗ କରିଦେଇଥିଲେ। କୋର୍ଟଙ୍କ ନିର୍ଦ୍ଦେଶ ଥାଇ ରାଜନୀତିରେ ଆଲୋଡ଼ନ ସୃଷ୍ଟି କରିଛି। ଜଣେ କ୍ୟାବିନେଟ ସଦସ୍ୟଙ୍କ ନିଯୁକ୍ତିକୁ ନେଇ ସାମ୍ବିଧାନିକ ଖଣ୍ଡପୀଠ ଦୋଷୀ ସାବ୍ୟସ୍ତ ହୋଇଥିଲେ ଯିଏ କୋର୍ଟର ଜଣେ ଅଧିକାରୀଙ୍କୁ ଲାଞ୍ଚ ନେଇ ଜେଲରେ ଥିଲେ।

ଯେଉଁ ବ୍ୟକ୍ତିଙ୍କୁ ନିଯୁକ୍ତ କରାଯାଇଛି ସେହି ବ୍ୟକ୍ତି ଜେଲରେ ଦଣ୍ଡ ଭୋଗୁଥିଲେ ଏବଂ ଜଣେ ଓକିଲ ଥିଲେ। କୋର୍ଟ ଏହି ମାମଲାକୁ ନୈତିକତା ନିୟମର ଉଲ୍ଲଂଘନ ବୋଲି କହିଛନ୍ତି। କୋର୍ଟର ୯ ଜଣ ବିଚାରପତିଙ୍କ ମଧ୍ୟରୁ ୫ ଜଣ ଶ୍ରେଥା ଏବଂ ତାଙ୍କ କ୍ୟାବିନେଟକୁ ବରଖାସ୍ତ କରିବାକୁ ମତ ଦେଇଥିଲେ।

କୋର୍ଟ କହିଛନ୍ତି ଯେ ପ୍ରଧାନମନ୍ତ୍ରୀ 'ଭଲଭାବେ ଜାଣିଥିଲେ ଯେ ସେ ଜଣେ ବ୍ୟକ୍ତିଙ୍କୁ ନିଯୁକ୍ତ କରିଛନ୍ତି ଯାହାର ନୈତିକ ଅଖଣ୍ଡତା ଅଭାବ ରହିଛି।' କୋର୍ଟଙ୍କ ଏହି ନିଷ୍ପତ୍ତି ପରେ ଦେଶରେ ରାଜନୈତିକ ଅସ୍ଥିରତା ଦେଖାଦେଇଛି। ରିପୋର୍ଟ ଅନୁଯାୟୀ, ଏକ ସପ୍ତାହ ପୂର୍ବରୁ କୋର୍ଟ ମୁଖ୍ୟ ବିରୋଧୀ ଦଳ ମୁଭ୍ ଫରୱାର୍ଡ ପାର୍ଟି (MFP)କୁ ଭଙ୍ଗ କରିବାକୁ ନିର୍ଦ୍ଦେଶ ଦେଇଥିଲେ।

ଏଥିସହ ଏହାର ପୂର୍ବତନ ନେତାଙ୍କୁ ୧୦ ବର୍ଷ ପର୍ଯ୍ୟନ୍ତ ରାଜନୀତିରୁ ବାରଣ କରାଯାଇଥିଲା। ଏବେ ଏକ ସପ୍ତାହ ପରେ କୋର୍ଟ ନିଜେ ପ୍ରଧାନମନ୍ତ୍ରୀଙ୍କୁ ହଟାଇ ଦେଇଛନ୍ତି।