ପାକିସ୍ତାନରେ ଆତଙ୍କୀ ହମଲା:୯ ମୃତ, ୧୮ ଜଣ ଆହତ

ପୋଲିସ ମୁଖ୍ୟାଳୟରେ ଆତଙ୍କୀ ହମଲା । କିଛି ଅଜଣା ସଶସ୍ତ୍ର ଆତଙ୍କବାଦୀ ପୋଲିସ କାର୍ଯ୍ୟାଳୟ ଉପରେ ଆକ୍ରମଣ କରିଥିଲେ । ଜଣେ ପୋଲିସ କର୍ମୀ ସମେତ ୪ ସାଧାରଣ ଲୋକ ନିହତ ।

ପାକିସ୍ତାନ:ପାକିସ୍ତାନ କରାଚିରେ ଥିବା ପୋଲିସ ମୁଖ୍ୟାଳୟରେ ଆତଙ୍କୀ ହମଲା । କିଛି ଅଜଣା ସଶସ୍ତ୍ର ଆତଙ୍କବାଦୀ ପୋଲିସ କାର୍ଯ୍ୟାଳୟ ଉପରେ ଆକ୍ରମଣ କରିଥିଲେ । ଜଣେ ପୋଲିସ କର୍ମୀ ସମେତ ୪ ସାଧାରଣ ଲୋକ ନିହତ । ସେହିପରି ପୋଲିସ ଗୁଳିରେ ୫ ଆତଙ୍କବାଦୀ ନିପାତ ହୋଇଛନ୍ତି । ଆତଙ୍କବାଦୀଙ୍କ ଅତର୍କିତ ଗୁଳିରେ ୧୮ ଜଣ ଆହତ ହୋଇଛନ୍ତି ।

ସୂଚନା ଅନୁସାରେ, ଶୁକ୍ରବାର ପ୍ରାୟ ସଂଧ୍ୟା ୭ଟା ବେଳେ କରାଚିର ଶରାହ-ଏ-ଫେସଲ ଅଞ୍ଚଳରେ ଏହି ଆକ୍ରମଣ ହୋଇଥିଲା । କରାଚି ପୋଲିସ ମୁଖ୍ୟାଳୟ ଉପରୁ ହଠାତ୍ ଆତଙ୍କବାଦୀ ମାନେ ଆକ୍ରମଣ କରିଥିଲେ । କେହି କିଛି ବୁଝିବା ପୂର୍ବରୁ ଆତଙ୍କୀ ମାନେ ପୋଲିସ ମୁଖ୍ୟାଳୟ ଭିତରକୁ ପ୍ରବେଶ କରି ଗୁଳି ଚାଳନା ଆରମ୍ଭ କରିଦେଇଥିଲେ । ଆତଙ୍କବାଦୀଙ୍କ ପାଖରେ ଗ୍ରେନେଡ ଏବଂ ଅଟୋମେଟିକ୍ ଗନ୍ ଥିବା ନେଇ ସୂଚନା ରହିଛି । ଅନ୍ୟପକ୍ଷରେ ପାକିସ୍ତାନ ରେଞ୍ଜର୍ସ ଏବଂ ପୋଲିସ ବାହିନୀ ମୁଖ୍ୟାଳୟର ଚାରିପଟରୁ ଘେରି ପରିସ୍ଥିତି ଆୟତ କରିବା ପାଇଁ ଚେଷ୍ଟା କରିଥିଲେ । ଯାହା ପରେ ରାତି ପ୍ରାୟ ୧୧ଟା ସୁଦ୍ଧା ଏହି ଅପରେସନ୍ ଶେଷ ହୋଇଥିଲା । ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣରେ ବିସ୍ପୋରକ ଅସ୍ତ୍ରଶସ୍ତ୍ର ଜଗତ କରାଯାଇଥିଲା । ଏହି ଆକ୍ରମଣ ପାଇଁ ପାକିସ୍ତାନରେ ଥିବା ତାଲିବାନୀ ଆତଙ୍କୀ ସଙ୍ଗଠନ ନିଜକୁ ଦାୟୀ କରିଛି ।

English summary

Terror attack in Pakistan: 9 dead, 18 injured.