ଦୁବାଇରେ ଆପାର୍ଟମେଣ୍ଟରେ ଭୟଙ୍କର ଅଗ୍ନିକାଣ୍ତ, ୪ ଭାରତୀୟ ମୃତ
ଦୁବାଇ: ଶନିବାର ଦୁବାଇର ଏକ ଆପାର୍ଟମେଣ୍ଟ ବ୍ଲକରେ ଭୟଙ୍କର ଅଗ୍ନିକାଣ୍ତ ଘଟିଛି । ଏହି ଅଗ୍ନିକାଣ୍ଡରେ ମୋଟ ୧୬ ଜଣଙ୍କର ମୃତ୍ୟୁ ହୋଇଥିବା ବେଳେ ୯ ଜଣ ଗୁରୁତର ଆହତ ହୋଇଛନ୍ତି । ଏନେଇ ସୂଚନା ଦେଇଛନ୍ତି ସରକାରୀ ଅଧିକାରୀ । ଶନିବାର ଅପରାହ୍ନ ୧୨.୩୫ରେ ଘଟିଥିବା ଏହି ଅଟ୍ଟାଳିକା ଅଗ୍ନିକାଣ୍ତରେ ମୃତ୍ୟୁବରଣ କରିଥିବା ୪ ଜଣ ଭାରତୀୟଙ୍କ ମଧ୍ୟରେ ଜଣେ କରଳୀ ଦମ୍ପତି ଅଛନ୍ତି ।
ଗଲ୍ଫ ନ୍ୟୁଜ୍ ରିପୋର୍ଟ ଅନୁସାରେ, ଆରବ ଏମିରେଟସ୍ ଅନ୍ତର୍ଗତ ଦୁବାଇର ସିଭିଲ୍ ଡିଫେନ୍ସ ଅପରେସନ୍ ରୁମ୍ ନିକଟରେ ଶନିବାର ଦିନ ୧୨.୨୩ ସମୟରେ ଦୁବାଇର ପୁରୁଣା ଅଟ୍ଟାଳିକାରେ ଭୟଙ୍କର ଅଗ୍ନିକାଣ୍ତ ଘଟିଛି । ମିଳିଥିବା ସୂଚନା ଅନୁସାରେ, ପ୍ରଥମେ କୋଠାର ଚତୁର୍ଥ ମହଲାରେ ନିଆଁ ଲାଗିବା ପରେ ଅନ୍ୟ ଅଞ୍ଚଳକୁ ବ୍ୟାପିଥିଲା ।
ଖବର ପାଇ ଦୁବାଇ ସିଭିଲ୍ ଡିଫେନସର ଏକ ଟିମ୍ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ସେହିପରି ପାର୍ଟ ସୟଦ ଫାୟାର୍ ଷ୍ଟେସନ୍ ଏବଂ ହାମରିୟା ଫାୟାର ଷ୍ଟେସନର ଏକ ଟିମ୍ ପହଁଞ୍ଚି ନିଆଁ ଲିଭାଇବା ସହ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ।
ସ୍ଥାୟିନିୟ ସମୟ ଅପରାହ୍ନ ୨.୨୪ରେ ନିଆଁ ଲିଭିଯାଇଥିବା ନେଇ ସୂଚନା ରହିଛି । ତେବେ ଏହି ଭୟଙ୍କର ଅଗ୍ନିକାଣ୍ତରେ ୪ ଭାରତୀୟଙ୍କର ମୃତ୍ୟୁ ହୋଇଛି । ଯେଉଁଥିରେ କେରଳୀ ଦମ୍ପତି ଥିବା ନେଇ ମଧ୍ୟ ସୂଚନା ରହିଛି । ଏହାଛଡା ୩ ପାକିସ୍ତାନୀ, ଜଣେ ନାଇଜେରିଆ ମହିଳାଙ୍କର ମଧ୍ୟ ମୃତ୍ୟୁ ହୋଇଛି ।
Click it and Unblock the Notifications
Sign in with Google