ଲସ୍ ଆଞ୍ଜେଲସ୍‌ ଜଙ୍ଗଲରେ ଭୟଙ୍କର ନିଆଁ: ଗଲାଣି ୫ ଜୀବନ, ଅନେକ ସେଲିବ୍ରିଟିଙ୍କ ଘର ହେଲାଣି ନଷ୍ଟ

Los Angeles Wildfire: ଲସ୍ ଆଞ୍ଜେଲସ୍‌ରେ ଜଙ୍ଗଲରେ ଭୟଙ୍କର ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି । ଏହି ଭୟଙ୍କର ଅଗ୍ନିକାଣ୍ତରେ 5 ଜଣ ମୃତ୍ୟୁ ଘଟିଥିବା ବେଳେ ଶହ ଶହ ଘର ନଷ୍ଟ ହୋଇଥିବା ନେଇ ସୂଚନା ରହିଛି । ବର୍ତ୍ତମାନ ସେଲିବ୍ରିଟିମାନଙ୍କ ମହଙ୍ଗା ଏବଂ ବିଳାସପୂର୍ଣ୍ଣ ଘରଗୁଡ଼ିକ ମଧ୍ୟ ନଷ୍ଟ ହେବାର ସମ୍ଭାବନା ରହିଛି । ଅନେକ ହଲିଉଡ ଷ୍ଟାର ବର୍ତ୍ତମାନ ନିଜ ଘର ଛାଡୁଛନ୍ତି ।

ହଲିଉଡ୍ ଷ୍ଟାର ଏବଂ ମହଙ୍ଗା ଘର ପାଇଁ ଜଣାଶୁଣା Pacific Palisades ଅଞ୍ଚଳରେ ଜାନୁଆରୀ 7 ତାରିଖରେ ଅଗ୍ନିକାଣ୍ଡ ଘଟିଥିଲା। ଏହି ସ୍ଥାନରେ ଅନେକ ହଲିଉଡ କଳାକାରଙ୍କ ଘର ରହିଛି । ତିନୋଟି ସ୍ଥାନରେ ଅଗ୍ନିଶମ କର୍ମଚାରୀମାନେ ନିରନ୍ତର ନିଆଁ ଲିଭାଇବାକୁ ଚେଷ୍ଟା କରୁଛନ୍ତି, କିନ୍ତୁ ପ୍ରବଳ ପବନ ଯୋଗୁଁ ନିଆଁ ଆୟତ କରିବା କଷ୍ଟକର ହୋଇ ପଡିଛି ।

ଜାନୁଆରୀ ୭ ତାରିଖ ସକାଳ ୧୦:୩୦ ସମୟରେ ଆରମ୍ଭ ହୋଇଥିବା ଏହି ଅଗ୍ନିକାଣ୍ଡ ଏପର୍ଯ୍ୟନ୍ତ ୪୨ ବର୍ଗ ମାଇଲ ଅର୍ଥାତ୍ ପ୍ରାୟ ୧୦୮ ବର୍ଗ କିଲୋମିଟର ଅଞ୍ଚଳକୁ ବ୍ୟାପି ସାରିଛି । ଏହା ସାନ ଫ୍ରାନ୍ସିସ୍କୋ ଭଳି ଏକ ପ୍ରମୁଖ ସହର ସହ ସମାନ ଅଞ୍ଚଳକୁ ଧ୍ୱଂସ କରିଦେଇଥିଲା। ଧୂଆଁ ଏତେ ଘନ ଥିଲା ଯେ 10 କିଲୋମିଟର ଦୂର ଭେନିସ୍ ବିଚ୍ ପର୍ଯ୍ୟନ୍ତ ସ୍ପଷ୍ଟ ଭାବରେ ଦୃଶ୍ୟମାନ ହେଉଛି।

ଏହି ଅଗ୍ନିକାଣ୍ଡ ପାଇଁବର୍ତ୍ତମାନ ପ୍ରାୟ ୭୦,୦୦୦ ଲୋକଙ୍କୁ ସେମାନଙ୍କ ଘର ଛାଡିବା ପାଇଁ ନିର୍ଦ୍ଦେଶ ଦିଆଯାଇଛି । ମାର୍କ ହାମିଲ୍, ମାଣ୍ଡି ମୁର୍, ଜେମ୍ସ ଉଡ୍ସ ଏବଂ ଅନ୍ୟମାନଙ୍କ ପରି ସେଲିବ୍ରିଟିମାନଙ୍କୁ ମଧ୍ୟ ନିଜ ଘର ଛାଡିବାକୁ ପଡିଛି ।

ଐତିହାସିକ ବଙ୍ଗଳା ଗୁଡିକ ମଧ୍ୟ ଜଳି ପୋଡି ପାଉଁଶ ହୋଇଯାଇଛି । ହଲିଉଡ୍ କିମ୍ବଦନ୍ତୀ ୱିଲ୍ ରୋଜର୍ସଙ୍କ ଐତିହାସିକ ରାଞ୍ଚ ହାଉସ୍ ଏବଂ ୧୯୨୯ ମସିହାର ଟୋପାଙ୍ଗା ରାଞ୍ଚ ମୋଟେଲ ମଧ୍ୟ ଅଗ୍ନିକାଣ୍ଡର ଜଳି ଯାଇଛି। ଲସ୍ ଆଞ୍ଜେଲସ୍ ଅଗ୍ନିଶମ କର୍ମଚାରୀମାନେ ନିଆଁକୁ ନିୟନ୍ତ୍ରଣ କରିବା ପାଇଁ ଦିନରାତି ପରିଶ୍ରମ କରୁଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି। ଅଗ୍ନିଶମ କର୍ମଚାରୀଙ୍କ କଠିନ ପରିଶ୍ରମ ଏବଂ ଲୋକଙ୍କ ସାହସକୁ ଦେଖି ଲାଗୁଛି ଖୁବ୍ ଶୀଘ୍ର ସ୍ଥିତି ନିୟନ୍ତ୍ରଣକୁ ଆସିବ।