ଆଫଗାନିସ୍ତାନବାସୀଙ୍କୁ ଦେଶ ଛାଡିବାକୁ ନିର୍ଦ୍ଦେଶ ଦେଲା ପାକିସ୍ତାନ
Pakistan News: ନିକଟରେ ପାକିସ୍ତାନ ଘୋଷଣା କରିଛି ଯେ, ଦେଶରେ ରହୁଥିବା ସମସ୍ତ ବେଆଇନ ଆଫଗାନିସ୍ତାନ ଶରଣାର୍ଥୀଙ୍କୁ ଅକ୍ଟୋବର 31 ସୁଦ୍ଧା ଦେଶରୁ ବହିଷ୍କାର କରାଯିବ, ଯାହା ପରେ ଆଫଗାନିସ୍ତାନରେ ଚହଳ ସୃଷ୍ଟି ହୋଇଛି । ରିପୋର୍ଟ ଅନୁସାରେ, ପ୍ରାୟ 17 ଲକ୍ଷ ବେଆଇନ ଆଫଗାନିସ୍ତାନ ଶରଣାର୍ଥୀ ପାକିସ୍ତାନରେ ବସବାସ କରିଆସୁଛନ୍ତି ଏବଂ ଅକ୍ଟୋବର 31 ରେ ପାକିସ୍ତାନ ସେମାନଙ୍କୁ ଦେଶ ଛାଡିବାକୁ ନିର୍ଦ୍ଦେଷ ଦେଇଛି ।
ପାକିସ୍ତାନର ମଧ୍ୟବର୍ତ୍ତୀକାଳୀନ ସରକାର ଘୋଷଣା କରିଛନ୍ତି ଯେ ଅକ୍ଟୋବର 31 ସୁଦ୍ଧା ଯଦି କୌଣସି ଆଫଗାନିସ୍ତାନ ଶରଣାର୍ଥୀ ଦେଶ ଛାଡି ନାହାଁନ୍ତି, ତେବେ ନଭେମ୍ବର 1ରେ ସେମାନଙ୍କର ସମସ୍ତ ସମ୍ପତ୍ତି ଜବତ କରାଯିବ ଏବଂ ସେମାନଙ୍କୁ ଦେଶ ଛାଡିବା ପାଇଁ ବାଧ୍ୟ କରାଯିବ । ଏଥି ସହିତ ତାଲିବାନ ନିଜ ନାଗରିକମାନଙ୍କୁ ପାକିସ୍ତାନର ଅର୍ଥନୀତିକୁ ନଷ୍ଟ କରିବାକୁ ଆହ୍ୱାନ ଦେଇଛି ।
ପାକିସ୍ତାନର ନୂତନ ଶରଣାର୍ଥୀ ନୀତିର ରିପୋର୍ଟ ପ୍ରକାଶ ପାଇବା ପରେ ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରୀ ପଡୋଶୀ ଦେଶ ଉପରେ ବର୍ଷିଛନ୍ତି । ଆଫଗାନିସ୍ତାନ ପାକିସ୍ତାନ ସରକାରଙ୍କ ଏହି କାର୍ଯ୍ୟକୁ ବର୍ବରତା ବୋଲି କହିଛି। ପାକିସ୍ତାନ ସରକାରଙ୍କ ରିପୋର୍ଟ ଅନୁଯାୟୀ, ପାକିସ୍ତାନରେ ପ୍ରାୟ 13 ଲକ୍ଷ ଆଫଗାନିସ୍ତାନ ଶରଣାର୍ଥୀ ପଞ୍ଜିକୃତ ହୋଇଛନ୍ତି ଏବଂ 8 ଲକ୍ଷ 80 ହଜାର ଶରଣାର୍ଥୀଙ୍କର ପାକିସ୍ତାନରେ ରହିବାକୁ ଆଇନଗତ ମାନ୍ୟତା ରହିଛି। ଯେଉଁଠାରେ 17 ଲକ୍ଷ ଶରଣାର୍ଥୀ ଦେଶରେ ବେଆଇନ ଭାବେ ବାସ କରୁଛନ୍ତି, ସେମାନଙ୍କୁ ଅକ୍ଟୋବର 31 ସୁଦ୍ଧା ଦେଶରୁ ବିତାଡିତ କରାଯିବ।
ପାକିସ୍ତାନ ଦାବି କରିଛି ଯେ, ଏହି ବେଆଇନ ଆଫଗାନିସ୍ତାନ ଶରଣାର୍ଥୀମାନେ ପାକିସ୍ତାନରେ ହୋଇଥିବା ଆତଙ୍କବାଦୀ ଆକ୍ରମଣ ପାଇଁ ଦାୟୀ ଏବଂ ସେମାନେ ଆତଙ୍କବାଦୀଙ୍କୁ ସାହାଯ୍ୟ କରୁଛନ୍ତି । ତେଣୁ ସମସ୍ତ ଆଫଗାନିସ୍ତାନକୁ ବାସୀଙ୍କୁ ଦେଶରୁ ବିତାଡିତ କରାଯିବ । ଅନ୍ୟପଟେ ବିଶେଷଜ୍ଞମାନେ କହିଛନ୍ତି ଯେ ଶରଣାର୍ଥୀଙ୍କୁ ବହିଷ୍କାର କରି ପାକିସ୍ତାନ ଅନ୍ତର୍ଜାତୀୟ ସମ୍ପ୍ରଦାୟର ଦୃଷ୍ଟି ଆକର୍ଷଣ କରିବା ପାଇଁ ଚାହୁଁଛି । ଯାହା ପରେ ଆଫଗାନିସ୍ତାନବାସୀଙ୍କୁ ଦେଶରେ ରଖିବା ପାଇଁ ନିବେଦନ କରାଯାଉ ଏବଂ ଏଭଳି ପରିସ୍ଥିତିରେ ପାକିସ୍ତାନ ଆର୍ଥିକ ସହାୟତା ମାଗିବାର ଆଉ ଏକ ବାଟପାଉ ।
ଆଫଗାନିସ୍ତାନର ଇସଲାମିକ ଏମିରେଟର କାର୍ଯ୍ୟକାରୀ ପ୍ରତିରକ୍ଷା ମନ୍ତ୍ରୀ ମୌଲଭୀ ମହମ୍ମଦ ୟାକୁବ ମୁଜାହିଦ୍ ଗୁରୁବାର ଦିନ କାବୁଲରେ କହିଛନ୍ତି ଯେ, ନଭେମ୍ବର 1 ସୁଦ୍ଧା ପାକିସ୍ତାନ ଆଫଗାନିସ୍ତାନ ଶରଣାର୍ଥୀଙ୍କୁ ଦେଶରୁ ବିତାଡିତ କରିବ ବୋଲି ନିଷ୍ପତ୍ତି ନିଆଯାଇଛି। " ତାଲିବାନ ପ୍ରତିରକ୍ଷା ମନ୍ତ୍ରୀ ପାକିସ୍ତାନକୁ ନିବେଦନ କରି କହିଛନ୍ତି, "ଏହି ନିଷ୍ଠୁରତା ଏବଂ ବର୍ବରତାକୁ ବନ୍ଦ କର, ଏହି ନିଷ୍ପତ୍ତି ଦୁଇ ଦେଶ ମଧ୍ୟରେ ପରିସ୍ଥିତିକୁ ଆହୁରି ଖରାପ କରିବ ।
ଏହି ନିଷ୍ଠୁରତା ଏବଂ ବର୍ବରତା ସହିତ ଆମେ ଜାରି ରଖି ପାରିବୁ ନାହିଁ ଏବଂ ମିଳିତ ଜାତିସଂଘ ତଥା ଅନ୍ୟାନ୍ୟ ମାନବାଧିକାର ସଂଗଠନକୁ ଏହି କ୍ଷେତ୍ରକୁ ଆସି ପାକିସ୍ତାନ ହାତରେ ଏହି ବର୍ବରତାକୁ ବନ୍ଦ କରିବାକୁ ଅନୁରୋଧ କରୁଛୁ। ତାଲିବାନ ଅଧିକାରୀ ପାକିସ୍ତାନର କାର୍ଯ୍ୟକଳାପକୁ ବର୍ବର ବୋଲି ବର୍ଣ୍ଣନା କରି କହିଛନ୍ତି ଯେ ଏହା କୌଣସି ପରିସ୍ଥିତିରେ ଗ୍ରହଣ କରାଯିବ ନାହିଁ ।
Click it and Unblock the Notifications
Sign in with Google