ଡ୍ରାଗନ ସେନା ଆଗରେ କେତେ ଦିନ ତିଷ୍ଠି ପାରିବ ତାଇୱାନ ସେନା: ଜାଣନ୍ତୁ, କାହାର କେତେ ଶକ୍ତି ?

ଯଦି ଚୀନ ଓ ତାଇୱାନ ମଧ୍ୟରେ ଯୁଦ୍ଧ ହୁଏ, ତେବେ କେଉଁ ଦେଶର ପଲ୍ଲା ଅଧିକ ଭାରି ରହିବ । ଚୀନ ତୁଳନାରେ ତାଇୱାନର ଶକ୍ତି କେତେ ରହିଛି, କେତେ ଅସ୍ତ୍ରଶସ୍ତ୍ର ଅଛି, କେତେ ଯୁଦ୍ଧ ବିମାନ ଅଛି ?

Taiwan China Conflict: ଚୀନ ଓ ତାଇୱାନ ମଧ୍ୟରେ ଯୁଦ୍ଧର ସ୍ଥିତି ସୃଷ୍ଟି ହୋଇଛି । ପୂର୍ବରୁ ଚୀନ ସବୁ ସମୟରେ ତାଇୱାନ ସୀମାରେ ଅନୁପ୍ରବେଶ କରୁଥିବା ଦେଖିବାକୁ ମିଳିଥିଲା । ତେବେ ପ୍ରଶ୍ନ ଉଠିଛି ଯେ ଯଦି ଚୀନ ଓ ତାଇୱାନ ମଧ୍ୟରେ ଯୁଦ୍ଧ ହୁଏ, ତେବେ କେଉଁ ଦେଶର ପଲ୍ଲା ଅଧିକ ଭାରି ରହିବ । ଚୀନ ତୁଳନାରେ ତାଇୱାନର ଶକ୍ତି କେତେ ରହିଛି, କେତେ ଅସ୍ତ୍ରଶସ୍ତ୍ର ଅଛି, କେତେ ଯୁଦ୍ଧ ବିମାନ ଅଛି, କେତୋଟି ଯୁଦ୍ଧପୋତ ଅଛି ତାହା ଆପଣଙ୍କୁ ଜଣାଇବାକୁ ଚାହୁଁଛୁ । ଯଦି ଯୁଦ୍ଧ ହୁଏ ତେବେ କଣ ତାଇୱାନ୍ ଚୀନକୁ କଡା ଟକ୍କର ଦେଇପାରିବ କି ? ଏ ପ୍ରଶ୍ନର ଉତ୍ତର ଆସନ୍ତୁ ଜାଣିବା ।

ତାଇୱାନ ପାଖରେ ମିସାଇଲର ଭଣ୍ଡାର:

କ୍ଷେତ୍ରଫଳ ଓ ଅସ୍ତ୍ରଶସ୍ତ୍ର ଦୃଷ୍ଟିରୁ ତାଇୱାନ ଚୀନ ଠାରୁ ଛୋଟ, କିନ୍ତୁ ତାର ଏକ ଶକ୍ତିଶାଳୀ ସେନା ମଧ୍ୟ ଅଛି । ତାଇୱାନର ୬୦ ପ୍ରତିଶତ ଅସ୍ତ୍ର ଆମେରିକାରୁ କିଣାଯାଇଛି । ଏହା ବ୍ୟତୀତ ତାଇୱାନ ନିଜର ଅସ୍ତ୍ର ଶିଳ୍ପକୁ ଭଲ ଭାବରେ ବିକଶିତ କରିଛି । ଏକ ଆକଳନ ଅନୁଯାୟୀ, କ୍ଷେତ୍ରଫଳ ଅନୁଯାୟୀ ଦୁନିଆର ଯେକୌଣସି ଦେଶ ଅପେକ୍ଷା ତାଇୱାନ ପାଖରେ ଅଧିକ କ୍ଷେପଣାସ୍ତ୍ର ଅଛି । ତାଇୱାନ ଆମେରିକାରୁ ପେଟ୍ରିୟାଟ ଏୟାର ଡିଫେନ୍ସ ସିଷ୍ଟମ କିଣିଛି । ଏହି ସିଷ୍ଟମ ଚୀନର ହାଇପରସୋନିକ୍ କ୍ଷେପଣାସ୍ତ୍ର ବ୍ୟତୀତ ସମସ୍ତ ପ୍ରକାରର ଏୟାର ଷ୍ଟ୍ରାଇକକୁ ରୋକିବାରେ ସକ୍ଷମ ଅଟେ ।

ଚୀନ ଏବଂ ତାଇୱାନ ସଶସ୍ତ୍ର ବାହିନୀ:

ସେନା	ଚୀନ୍	ତାଇୱାନ
ସମୁଦାୟ ସକ୍ରିୟ ଫୋର୍ସ	2,035,000	169,000
ଗ୍ରାଉଣ୍ଡ ଫୋର୍ସ	965,000	94,000
ନୌସେନା	260,000	40,000
ବାୟୁସେନା	395,000	35,000
ରିଜର୍ଭସ	510,000	1,657,000
ଟ୍ୟାଙ୍କ	5,400	650
ଏୟାରକ୍ରାପ୍ଟ	3,227+	504+
ସବମାରିନ୍ସ	59	4
ନୌସେନା ଜାହାଜ	86	26
ଆର୍ଟିଲିରି	9,834+	2,093

ଚୀନ ମଧ୍ୟ ଶକ୍ତିରେ କମ୍ ନୁହେଁ:

ସାମରିକ ଶକ୍ତି ଦୃଷ୍ଟିରୁ ଚୀନ ବିଶ୍ୱରେ ତୃତୀୟ ସ୍ଥାନରେ ରହିଛି । ଗ୍ଲୋବାଲ ଫାୟାର ଇଣ୍ଡେକ୍ସରେ ୧୪୨ ଦେଶ ତାଲିକାରେ ଚୀନ ତୃତୀୟ ସ୍ଥାନରେ ଥିବାବେଳେ ତାଇୱାନ ୨୧ ନମ୍ବରରେ ରହିଛି । ଚାଇନା ପାଖରେ ବିଶ୍ୱର ସବୁଠୁ ବଡ଼ ନୌସେନା ରହିଛି । ଚୀନର ବାୟୁସେନା ଓ ସେନା ମଧ୍ୟ ତାଇୱାନ ଅପେକ୍ଷା ବହୁତ ବଡ଼ ଓ ଶକ୍ତିଶାଳୀ । କିନ୍ତୁ, ଚୀନ ଅନେକ ଦିଗରୁ ଶତ୍ରୁମାନଙ୍କ ଦ୍ୱାରା ଘେରି ରହିଛି । ଏପରି ପରିସ୍ଥିତିରେ, ସେ ଚାହିଁଲେ ମଧ୍ୟ କେବଳ ତାଇୱାନକୁ ଧ୍ୱଂସ କରିବା ପାଇଁ ନିଜର ସମଗ୍ର ନୌସେନାକୁ ବ୍ୟବହାର କରିପାରିବେ ନାହିଁ । ସମ୍ପ୍ରତି ଋଷ-ୟୁକ୍ରେନ ଯୁଦ୍ଧରୁ ଚୀନ୍ ନିଶ୍ଚିତ ଭାବରେ ଶିକ୍ଷା ଲାଭ କରିଛି ଯେ ଏକ ଦୁର୍ବଳ ଦେଶ ମଧ୍ୟ ଏକ ଶକ୍ତିଶାଳୀ ଦେଶକୁ ଦୀର୍ଘ ସମୟ ଧରି ଯୁଦ୍ଧରେ ଟକ୍କର ଦେଇପାରିବ ।

English summary

Taiwan China Conflict: Know all about Taiwan and China Army Strength