ସ୍କୁଲ୍‌ରେ ଗୁଳିକାଣ୍ଡ , ୧୦ ମୃତ

ସ୍ବିଡେନ୍‌ରେ ଏକ ସ୍କୁଲରେ ଗୁଳିକାଣ୍ଡରେ ୧୦ ଜଣଙ୍କ ମୃତ୍ୟୁ ହୋଇଛି। ସ୍ଥାନୀୟ ଗଣମାଧ୍ୟମ ସୂଚନା ଅନୁସାରେ ମଙ୍ଗଳବାର ସକାଳୁ, ସ୍ବିଡେନ୍ ରାଜଧାନୀ ଷ୍ଟକହୋମ୍‌ରୁ ୨୦୦ କିଲୋମିଟର ଦୁର ଓରେବ୍ରୋ ସହରେ ଗୁଳିକାଣ୍ଡ ହୋଇଯାଇଛି। ଦିନ ଗୋଟାଏ ବେଳେ ସ୍କୁଲରେ ପଶି କିଛି ଦୁର୍ବୃତ୍ତ ଗୁଳିଚାଳନା କରିଥିଲେ। ସେତେବେଳେ ସ୍କୁଲରେ ଛାତ୍ରଛାତ୍ରୀ ଓ ଅଧିକାରୀ ଉପସ୍ଥିତ ଥିଲେ। ଘଟଣାରେ ୧୦ ଜଣଙ୍କ ମୃତ୍ୟୁ ହୋଇଥିବାବେଳେ କିଛି ଗୁରୁତର ଆହତ ହୋଇଛନ୍ତି।

ଗୁଳିକାଣ୍ଡ ଘଟିଥିବା ସ୍ଥାନ ଷ୍ଟକହୋମଠାରୁ ପ୍ରାୟ ୨୦୦ କିଲୋମିଟର ଦୂରରେ ଅବସ୍ଥିତ । ଗୁଳିକାଣ୍ଡ ସ୍କୁଲ ଭିତରେ ହୋଇଛି ନା ବାହାରେ, ତାହା ଜଣାପଡ଼ି ନାହିଁ । ଯେଉଁ ସ୍କୁଲରେ ଏହି ଘଟଣା ଘଟିଛି, ସେଠାରେ ୨୦ ବର୍ଷରୁ ଅଧିକ ବୟସର ପିଲାମାନେ ପାଠ ପଢ଼ନ୍ତି ।ସେପଟେ ଏହି ଘଟଣାକୁ ନେଇ ପ୍ରଧାନମନ୍ତ୍ରୀ ଉଲ୍ଫ କ୍ରିଷ୍ଟରସନଙ୍କ ବୟାନ ସାମ୍ନାକୁ ଆସିଛି । ସେ କହିଛନ୍ତି ଯେ 'ଆଜି ଆମେ ନିର୍ଦ୍ଦୋଷମାନଙ୍କ ବିରୋଧରେ ଭୟଙ୍କର ଏବଂ ମରଣାନ୍ତକ ହିଂସା ଦେଖିଲୁ । ଏହି ଆକ୍ରମଣ ପୂରା ଦେଶକୁ ଦୋହଲାଇ ଦେଇଛି । ଏହା ସମଗ୍ର ସ୍ୱିଡେନ ପାଇଁ ଅତ୍ୟନ୍ତ ଦୁଃଖଦ ଦିନ' ।