ଇଣ୍ଡୋନେସିଆରେ ଶକ୍ତିଶାଳୀ ଭୂମିକମ୍ପ ଝଟକା , ରିକ୍ଟର ସ୍କେଲ୍ରେ ତୀବ୍ରତା ୬.୧
ଇଣ୍ଡୋନେସିଆରେ ଶକ୍ତିଶାଳୀ ଭୂମିକମ୍ପ ଝଟକା । ରିକ୍ଟର ସ୍କେଲ୍ରେ ଏହାର ତୀବ୍ରତା ୬.୧ ରହିଛି । ଏହାର କେନ୍ଦ୍ରସ୍ଥଳ ଉତ୍ତର ସୁଲାୱେସି ପ୍ରଦେଶ ନିକଟସ୍ଥ ଉପକୂଳରେ ଥିଲା। USGS ଏଜେନ୍ସି ଅନୁଯାୟୀ, ଭୂମିକମ୍ପଟି ବୁଧବାର ସକାଳ ୬.୫୫ରେ ୧୦ କିଲୋମିଟର (୬.୨ ମାଇଲ) ଗଭୀରତାରେ ଆସିଥିଲା। ଆଶ୍ୱସ୍ତିର କଥା ହେଉଛି ଏହା ଦ୍ୱାରା ସୁନାମିର କୌଣସି ବିପଦ ନାହିଁ। ରାଜ୍ୟ ଭୂତତ୍ତ୍ୱ ସର୍ଭେ କହିଛି ଯେ କ୍ଷୟକ୍ଷତି କିମ୍ବା ମୃତାହତର କୌଣସି ରିପୋର୍ଟ ମିଳିନାହିଁ।
ଇଣ୍ଡୋନେସିଆ 'ରିଙ୍ଗ୍ ଅଫ୍ ଫାୟାର'ରେ ଅବସ୍ଥିତ
ଇଣ୍ଡୋନେସିଆ 'ରିଙ୍ଗ୍ ଅଫ୍ ଫାୟାର' ନାମକ ଏକ ସ୍ଥାନରେ ଅବସ୍ଥିତ। ଯେଉଁଠାରେ ପୃଥିବୀର ଅନେକ ଟେକ୍ଟୋନିକ୍ ପ୍ଲେଟ୍ ମିଳିତ ହୁଅନ୍ତି। ଏହି କାରଣରୁ, ଏହି ଅଞ୍ଚଳକୁ ଭୂମିକମ୍ପ ଏବଂ ଜ୍ୱାଳାମୁଖୀ କାର୍ଯ୍ୟକଳାପ ପାଇଁ ଅତ୍ୟନ୍ତ ସମ୍ବେଦନଶୀଳ ବୋଲି ବିବେଚନା କରାଯାଏ।
ଭୂମିକମ୍ପ ଏବଂ ସୁନାମି କ୍ଷୟକ୍ଷତି ଘଟାଇଛି
ଆପଣଙ୍କୁ କହି ରଖୁଛୁ ଯେ, ଜାନୁଆରୀ ୨୦୨୧ରେ ସୁଲାୱେସିରେ ହୋଇଥିବା ୬.୨ ତୀବ୍ରତାର ଭୂମିକମ୍ପରେ ୧୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା ଏବଂ ହଜାର ହଜାର ଲୋକ ବାସହୀନ ହୋଇଯାଇଥିଲେ। ପୂର୍ବରୁ ୨୦୧୮ ମସିହାରେ ସୁଲାୱେସିର ପାଲୁରେ ୭.୫ ତୀବ୍ରତାର ଭୂମିକମ୍ପ ଏବଂ ପରବର୍ତ୍ତୀ ସୁନାମିରେ ୨,୨୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା। ୨୦୦୪ ମସିହାରେ, ଆଚେ ପ୍ରଦେଶରେ ୯.୧ ତୀବ୍ରତାର ଏକ ଭୂମିକମ୍ପ ହୋଇଥିଲା, ଯାହା ଫଳରେ ସୁନାମି ଆସିଥିଲା ଏବଂ ଇଣ୍ଡୋନେସିଆରେ ୧୭୦,୦୦୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା।
Click it and Unblock the Notifications
Sign in with Google