ଶ୍ରୀଲଙ୍କାରେ ଦିତୱା ତାଣ୍ଡବ; ମୃତ୍ୟୁ ସଂଖ୍ୟା ୪୧୦କୁ ବୃଦ୍ଧି

ଘୂର୍ଣ୍ଣିଝଡ଼ ଦିଟୱା ପ୍ରଭାବିତ ଶ୍ରୀଲଙ୍କାରେ ମୃତ୍ୟୁ ସଂଖ୍ୟା ୪୧୦କୁ ବୃଦ୍ଧି ପାଇଛି । ୩୧୦ ଜଣ ଏବେ ମଧ୍ୟ ନିଖୋଜ ଅଛନ୍ତି । ୨୫ଟି ଜିଲ୍ଲାରେ ୧୪ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଥିବା ଶ୍ରୀଲଙ୍କା ବିପର୍ଯ୍ୟୟ ପରିଚାଳନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ପରିସ୍ଥିତିକୁ ଦୃଷ୍ଟିରେ ରଖ୍ ଅପରେସନ୍ ସାଗରବନ୍ଧୁ ଅଧୀନରେ ଭାରତ ମନବୀୟ ସହାୟତାକୁ ଅଧ‌ିକ ତ୍ବରାନ୍ବିତ କରିଛି ।

ଭାରତୀୟ ବାୟୁସେନା ହେଲିକପ୍ଟର ଗୁଡ଼ିକ ମନ୍ଦାରାମ୍ ନୂଆରାକୁ ୨ ହଜାର କିଲୋଗ୍ରାମ ସହାୟତା ସାମଗ୍ରୀ ଯୋଗାଇ ଦେଇଥିବା ବେଳେ ଇରୁଙ୍ଗୁୱାଟାରୁ ଜଣେ ହୃଦ୍‌ରୋଗୀଙ୍କ ସମେତ ଜଣଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଛନ୍ତି ।