ସ୍ବଦେଶ ଫେରିବେ ଗୋଟବାୟା ରାଜପକ୍ସେ
ନିଜ ଦେଶକୁ ଫେରିବେ ଶ୍ରୀଲଙ୍କାର ପୂର୍ବତନ ତଥା ପଳାତକ ରାଷ୍ଟ୍ରପତି ଗୋଟାବାୟ ରାଜପକ୍ସେ । ଆର୍ଥିକ ସଙ୍କଟ ଯୋଗୁଁ ଦେଶରେ ଆକ୍ରୋଶ ଦେଖାଦେବା ପରେ ଦେଶ ଛାଡିଥିଲେ ରାଷ୍ଟ୍ରପତି ।
କଲମ୍ବୋ: ସ୍ବଦେଶ ଫେରିବେ ଶ୍ରୀଲଙ୍କାର ପୂର୍ବତନ ତଥା ପଳାତକ ରାଷ୍ଟ୍ରପତି ଗୋଟାବାୟ ରାଜପକ୍ସେ । ଆସନ୍ତାକାଲି ସେ ଥାଇଲ୍ୟାଣ୍ଡରୁ ଶ୍ରୀଲଙ୍କା ଫେରିବା ନେଇ ଜଣେ ବରିଷ୍ଠ ପ୍ରତିରକ୍ଷା ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି । ବର୍ତ୍ତମାନ ରାଜପକ୍ସେ ଥାଇଲ୍ୟାଣ୍ଡର ବ୍ୟାଙ୍ଗକକ୍ରେ ଅଛନ୍ତି । ଆର୍ଥିକ ସଙ୍କଟ ଯୋଗୁଁ ଦେଶରେ ଆକ୍ରୋଶ ଦେଖାଦେବା ପରେ ଦେଶ ଛାଡିଥିଲେ ରାଷ୍ଟ୍ରପତି ।
ପ୍ରଥମେ ମାଲଦ୍ବୀପ , ଏହାପରେ ସିଙ୍ଗାପୁର ଯାଇ ଆତ୍ମଗୋପନ କରିଥିଲେ । ଏହାପରେ ସେ ନିଜ ପଦରୁ ଇସ୍ତଫା ଦେଇଥିଲେ । ଭିସା ଅବଧି ବୃଦ୍ଧି ନ ହେବାରୁ ପୁଣିଥରେ ଗୋଟାବାୟା ବ୍ୟାଙ୍ଗକକ୍ ଚାଲିଯାଇଥିଲେ । ସେବେ ଠାରୁ ବ୍ୟାଙ୍କକକ୍ ରେ ଥିଲେ ଗୋଟବାୟା। ଆସନ୍ତାକାଲି ତାଙ୍କ ଫେରିବା ବେଳେ କଡା ସୁରକ୍ଷା ପ୍ରଦାନ କରାଯିବ । ଏନେଇ ନୂଆ ସୁରକ୍ଷା ଡିଭିଜନ ଗଠନ କରାଯାଇଛି ।
ଗୋଟବାୟାଙ୍କ ସାନଭାଇ ଗତ ମାସରେ ରାଷ୍ଟ୍ରପତି ରନିଲ ବିକ୍ରମସିଙ୍ଘେଙ୍କୁ ସାକ୍ଷାତ କରି ଗୋଟାବାୟାଙ୍କୁ ସ୍ବଦେଶ ଫେରିବାକୁ ଅନୁମତି ଦେବା ସଙ୍ଗେ ସଙ୍ଗେ ସୁରକ୍ଷା ଯୋଗାଇବାକୁ ନିବେଦନ କରିଥିଲେ । ଗୋଟବାୟାଙ୍କୁ ଅଙ୍ଗରକ୍ଷୀ ଏବଂ ଗାଡି ମଧ୍ୟ ପ୍ରଦାନ କରାଯିବ ।
Click it and Unblock the Notifications
Sign in with Google