ପାକିସ୍ତାନରେ ଭୟଙ୍କର ବନ୍ୟା, ୧୦୦ ଲୋକଙ୍କ ମୃତ୍ୟୁ

ପାକିସ୍ତାନରେ ଭୟଙ୍କର ବନ୍ୟା ବିପତ୍ତି । ହଠାତ୍‍ ବନ୍ୟା ଯୋଗୁ ଶହ ଶହ ଲୋକ ପ୍ରାଣ ହରାଇଛନ୍ତି । କୁହାଯାଉଛି ଯେ ଅତି କମରେ ୨୦୦ଜଣଙ୍କର ମୃତ୍ୟୁ ହୋଇଛି । ପାକିସ୍ତାନର ଖୋବର ପଖତୁନଖ୍ୱାର ଅନେକ ଜିଲାରେ ଭୟଙ୍କର ବନ୍ୟା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି । ରାସ୍ତା, ପୋଲ, ଘର, ସ୍କୁଲ ସବୁ ଅଞ୍ଚଳ ପାଣିରେ ବୁଡିଯାଇଛି । ଏହାସହିତ ଭିତ୍ତିଭୂମି ମଧ୍ୟ ଅନେକ କ୍ଷତି ହୋଇଛି । ଏକ ରିପୋର୍ଟ ଅନୁସାରେ ଉତ୍ତର ଏବଂ ଉତ୍ତର-ପଶ୍ଚିମ ପାକିସ୍ତାନରେ ହଠାତ୍‍ ବନ୍ୟା ଯୋଗୁଁ ୨୪୩ଜଣଙ୍କର ମୃତ୍ୟୁ ହୋଇଛି । ଏଥିରେ କେବଳ ୧୫୭ଜଣ ହେଉଛନ୍ତି ବୁନେର ଜିଲାର ।

ସ୍ୱାତ, ବୁନେର, ଶାଙ୍ଗଲା, ବଜୌର, ଲୋୟର ଡିର, ବଟ୍ଟାଗ୍ରାମ ଏବଂ ମାନସେହରା ଜିଲାରେ ବନ୍ୟା ଯୋଗୁଁ ପ୍ରବଳ କ୍ଷୟକ୍ଷତି ହୋଇଛି । ଏହି ସବୁ ଅଞ୍ଚଳରେ ଉଦ୍ଧାର କାର୍ଯ୍ୟରେ ୧୧୨୨ଟି ଦଳ ନିୟୋଜିତ କରାଯାଇଛି । ବୁନେର ଜିଲାରେ ୨୦୭୧ରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଯେଉଁଥିରେ ୩୦୦ ସ୍କୁଲ ପିଲା ମଧ୍ୟ ରହିଛନ୍ତି । ବିପର୍ଯ୍ୟୟ ପ୍ରଭାବିତ ଅଞ୍ଚଳରେ ରିଲିଫ୍‍ କାର୍ଯ୍ୟ ଜାରି ରହିଥିବା ବେଳେ ସମଗ୍ର ଜିଲାରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି ।

English summary

Severe floods in Pakistan, 100 people killed