ଦୁର୍ଘଟଣାଗ୍ରସ୍ତ ହେଲା ସେନା ବିମାନ: ୬୫ ମୃତ
Russian Plane Crash: ଦୁର୍ଘଟଣାଗ୍ରସ୍ତ ହେଲା ଋଷର ଏକ ସେନା ବିମାନ । ଯାହା ୟୁକ୍ରେନ୍ ସୀମା ନିକଟରେ କ୍ରାଶ ହୋଇଛି ଯେଉଁଥିରେ ୬୫ ଜଣଙ୍କ ମୃତ୍ୟୁ ହୋଇଛି । ଏନେଇ ଋଷ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ୬୫ ଜଣ ୟୁକ୍ରେନ୍ ଯବାନଙ୍କୁ କଏଦ କରି ବବେଲଗ୍ରୁଡ୍ ଅଞ୍ଚଳକୁ ଏହି ବିମାନ ଯୋଗେ ପଠାଯାଉଥିଲା ।
ରଏଟର୍ସ ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ଋଷ ସେନା ବିମାନ ଆଇଏଲ-76 ଟ୍ରାନ୍ସପୋର୍ଟ ବିମାନ ୟୁକ୍ରେନ ସୀମା ନିକଟରେ ଥିବା ପଶ୍ଚିମ ବେଲଗ୍ରୁଡ ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଛି । ଏହି ବିମାନରେ ୟୁକ୍ରେନର ଯୁଦ୍ଧବନ୍ଦୀ କରାଯାଇଥିବା ୬୫ ଜଣ ୟୁକ୍ରେନ୍ ଯବାନ ଥିଲେ । ଯେଉଁ ମାନଙ୍କୁ କଏଦ କରି ବବେଲଗ୍ରୁଡ୍ ଅଞ୍ଚଳକୁ ବିମାନ ଯୋଗେ ପଠାଯାଉଥିଲା ।
ଋଷ ରକ୍ଷା ମନ୍ତ୍ରାଳୟର ରିପୋର୍ଟ ଅନୁସାରେ, ବିମାନରେ ୬୫ ଜଣ ୟୁକ୍ରେନ୍ ସେନା ଥିଲେ । ଯେଉଁମାନଙ୍କୁ ଯୁଦ୍ଧ ସମୟରେ ବନ୍ଦି କରାଯାଇଥିଲା ଏବଂ ଏହି ଯବାନ ମାନଙ୍କୁ ଏକ୍ସଚେଞ୍ଜ ପାଇଁ ବବେଲଗ୍ରୁଡ ଅଞ୍ଚଳକୁ ପଠାଯାଉଥିଲା । ୬୫ ସୈନିକଙ୍କ ସହ ବିମାନରେ ୬ ଜଣ କ୍ରୁ ମେମ୍ବର, ୩ ଜଣ ଏସ୍କର୍ଟ ମଧ୍ୟ ସାମିଲ ଥିଲେ । ଏହି ଦୁର୍ଘଟଣାରେ ସମସ୍ତଙ୍କର ମୃତ୍ୟୁ ହୋଇଥିବା ନେଇ ରିପୋର୍ଟ ଋଷ ପକ୍ଷରୁ ଜାରି କରାଯାଇଛି ।
ସୋସିଆଲ ମିଡିଆରେ ବିମାନ ଦୁର୍ଘଟଣାର ଏକ ଭିଡିଓ ମଧ୍ୟ ଭାଇରାଲ ହେଉଛି । ଯେଉଁ ଭିଡିଓରେ ସ୍ପଷ୍ଟ ଦେଖିବା ପାଇଁ ମିଳୁଛି ଯେ,ବିମାନଟି ଖୁବ୍ ଦ୍ରୁତ ଗତିରେ ଆସି ତଳେ ପଡିଯାଉଛି । ତେବେ ପାଇଲଟ ନିୟନ୍ତ୍ରଣ ହରାଇବା ଫଳରେ ଏପରି ଦୁର୍ଘଟଣା ଘଟିଛି ବୋଲି ସନ୍ଦେହ କରାଯାଉଛି ।
Click it and Unblock the Notifications
Sign in with Google