ଋଷ-ୟୁକ୍ରେନ ଯୁଦ୍ଧ: ଜାଣନ୍ତୁ, କାହା ସହ ଠିଆ ହୋଇଛି ଭାରତ ? ଆସିଲା ବୈଦେଶିକ ମନ୍ତ୍ରାଳୟର ପ୍ରଥମ ପ୍ରତିକ୍ରିୟା

ୟୁକ୍ରେନ ଉପରେ ଋଷର ଆକ୍ରମଣ ପରେ ଭାରତ ସରକାରଙ୍କ ପ୍ରଥମ ପ୍ରତିକ୍ରିୟା ଆସିଛି। ବୈଦେଶିକ ବ୍ୟାପାର ମନ୍ତ୍ରୀ ଡ. ରାଜକୁମାର ରଞ୍ଜନ ସିଂ କହିଛନ୍ତି ଯେ, ଶାନ୍ତିପୂର୍ଣ୍ଣ ସମାଧାନ ପାଇଁ ଭାରତ ଆଶା କରୁଛି ଏବଂ ଆମର ଆଭିମୁଖ୍ୟ ନିରପେକ୍ଷ।

Published: Thursday, February 24, 2022, 16:25 [IST]

ନୂଆଦିଲ୍ଲୀ: ୟୁକ୍ରେନ ଉପରେ ଋଷର ଆକ୍ରମଣ ପରେ ଭାରତ ସରକାରଙ୍କ ପ୍ରଥମ ପ୍ରତିକ୍ରିୟା ଆସିଛି। ବୈଦେଶିକ ବ୍ୟାପାର ମନ୍ତ୍ରୀ ଡ. ରାଜକୁମାର ରଞ୍ଜନ ସିଂ କହିଛନ୍ତି ଯେ, ଶାନ୍ତିପୂର୍ଣ୍ଣ ସମାଧାନ ପାଇଁ ଭାରତ ଆଶା କରୁଛି ଏବଂ ଆମର ଆଭିମୁଖ୍ୟ ନିରପେକ୍ଷ। ଭାରତର ଏହି ଆଭିମୁଖ୍ୟକୁ ସ୍ୱାଗତ କରିଛି ଋଷ ।

ଭାରତର ସ୍ଥିତି ନିରପେକ୍ଷ- ବୈଦେଶିକ ବ୍ୟାପାର ମନ୍ତ୍ରଣାଳୟ

ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ଭାରତ ସରକାର ପୁଣି ଥରେ ନିଜର ସରକାରୀ ଆଭିମୁଖ୍ୟ ପ୍ରକାଶ କରିଛନ୍ତି। ୟୁକ୍ରେନ-ଋଷ ସଙ୍କଟ ସମ୍ପର୍କରେ ଏକ ପ୍ରଶ୍ନ ଉପରେ ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ରାଜକୁମାର ରଞ୍ଜନ ସିଂ କହିଛନ୍ତି ଯେ, ଭାରତର ଆଭିମୁଖ୍ୟ ନିରପେକ୍ଷ ଏବଂ ଆମେ ଶାନ୍ତିପୂର୍ଣ୍ଣ ସମାଧାନର ଆଶା କରୁଛୁ।

ଋଷ ଭାରତର ସ୍ଥିତିକୁ ସ୍ୱାଗତ କରିଛି

ଏହାପୂର୍ବରୁ ବୁଧବାର ଦିନ ଋଷ ଭାରତର ଏହି ଆଭିମୁଖ୍ୟକୁ ସ୍ୱାଗତ କରିଥିଲା। ମିଳିତ ଜାତିସଂଘ ସୁରକ୍ଷା ପରିଷଦରେ ୟୁକ୍ରେନ ସଙ୍କଟ ଉପରେ ଭାରତର ଆଭିମୁଖ୍ୟ ଦୁଇ ଦେଶ ମଧ୍ୟରେ ସ୍ୱତନ୍ତ୍ର ତଥା ସୁବିଧାଜନକ ରଣନୀତିକ ଭାଗିଦାରୀକୁ ପ୍ରତିଫଳିତ କରିଛି ବୋଲି ଋଷ କହିଛି। ଋଷର ଡେପୁଟି ଚିଫ୍ ରୋମାନ୍ ବାବୁସ୍କିନ୍ କହିଛନ୍ତି ଯେ, ଭାରତ ଏକ ଦାୟିତ୍ୱପୂର୍ଣ୍ଣ ବିଶ୍ୱ ଶକ୍ତି ଭାବରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି ଏବଂ ବିଶ୍ୱ ବ୍ୟାପାରରେ ଏକ ମୁକ୍ତ ଏବଂ ସନ୍ତୁଳିତ ଆଭିମୁଖ୍ୟ ଗ୍ରହଣ କରୁଛି। ସେ ଆହୁରି ମଧ୍ୟ କହିଛନ୍ତି ଯେ, ଏହି ସଙ୍କଟ ପ୍ରତିରକ୍ଷା ସମେତ ଭାରତ-ଋଷ ସମ୍ପର୍କକୁ ପ୍ରଭାବିତ କରିବ ନାହିଁ ଏବଂ ଆସନ୍ତା ମାସରେ ଗୁଜରାଟରେ ହେବାକୁ ଥିବା ପ୍ରତିରକ୍ଷା ଏକ୍ସପୋରେ ଋଷର ବହୁ ଅଂଶଗ୍ରହଣ ହେବ।

ଏହି ସମୟ ମଧ୍ୟରେ ରୁଷ ଦ୍ୱାରା ଆକ୍ରମଣ ଘୋଷଣା ହେବା ପରଠାରୁ ଉଭୟ ପକ୍ଷର ଦାବି ଏବଂ ପ୍ରତିବାଦର ପ୍ରକ୍ରିୟା ଜାରି ରହିଛି । ଋଷ ସମର୍ଥିତ ବିଚ୍ଛିନ୍ନତାବାଦୀମାନେ ୟୁକ୍ରେନର ଦୁଇଟି ସହରକୁ ନିୟନ୍ତ୍ରଣ କରିବାକୁ ଦାବି କରିଛନ୍ତି। ଅନ୍ୟପକ୍ଷରେ, ରଏଟର୍ସ ରିପୋର୍ଟ ଅନୁଯାୟୀ ୟୁକ୍ରେନର ଆଭ୍ୟନ୍ତରୀଣ ବ୍ୟାପାର ମନ୍ତ୍ରଣାଳୟ କହିଛି ଯେ, ରାଜଧାନୀ କ୍ୱିଭରେ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି। ଅନ୍ୟପକ୍ଷରେ, ଅନ୍ୟ ଏକ ନ୍ୟୁଜ୍ ଏଜେନ୍ସିର ରିପୋର୍ଟ ଅନୁଯାୟୀ, ଋଷର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ, ୟୁକ୍ରେନର ବାୟୁସେନା ଏବଂ ସାମରିକ ଭିତ୍ତିଭୂମିକୁ ଆମେ ନଷ୍ଟ କରିସାରିଛୁ । ଉଲ୍ଲେଖନୀୟ କଥା ହେଉଛି, ପୁଟିନ ଆଜି ସକାଳେ ୟୁକ୍ରେନରେ ଯୁଦ୍ଧ ଘୋଷଣା କରିବା ପରଠାରୁ ଏହାର ରାଜଧାନୀ କିଭ୍ ଏବଂ ଅନ୍ୟାନ୍ୟ ଅଞ୍ଚଳରେ ପ୍ରବଳ ବିସ୍ଫୋରଣ ଦେଖିବାକୁ ମିଳିଛି ।

Published On February 24, 2022