ୟୁକ୍ରେନରେ ଆଂଶିକ ଅସ୍ତ୍ରବିରତି ଘୋଷଣା କଲା ଋଷ
ଋଷ ଯୁଦ୍ଧ ମଧ୍ୟରେ ଏକ ବଡ଼ ଘୋଷଣା କରିଛି ପ୍ରତିପକ୍ଷ ଋଷ । ସାଧାରଣ ନାଗରିକଙ୍କୁ ସୁରକ୍ଷା ଦେବା ପାଇଁ ଋଷ ସରକାର ଆଂଶିକ ଅସ୍ତ୍ରବିରତି ଘୋଷଣା କରିଛନ୍ତି ।
ମସ୍କୋ: ୟୁକ୍ରେନ-ଋଷ ଯୁଦ୍ଧ ମଧ୍ୟରେ ଏକ ବଡ଼ ଘୋଷଣା କରିଛି ପ୍ରତିପକ୍ଷ ଋଷ । ସାଧାରଣ ନାଗରିକଙ୍କୁ ସୁରକ୍ଷା ଦେବା ପାଇଁ ଋଷ ସରକାର ଆଂଶିକ ଅସ୍ତ୍ରବିରତି ଘୋଷଣା କରିଛନ୍ତି । ଋଷ ସ୍ଥାନୀୟ ସମୟ ସକାଳ 6 ଟା ଠାରୁ ୟୁକ୍ରେନରେ ଅସ୍ତ୍ରବିରତି ଘୋଷଣା କରିଛି । ଏହି ଅସ୍ତ୍ର ବିରତି ସମୟରେ ଲୋକମାନେ ସୁରକ୍ଷିତ ସ୍ଥାନକୁ ଯିବା ପାଇଁ ସୁଯୋଗ ପାଇବେ। ବିଶେଷ କରି ମହିଳା, ଛୋଟ ପିଲା ଓ ଗର୍ଭବତୀଙ୍କୁ ସୁରକ୍ଷିତ ସ୍ଥାନକୁ ଚାଲି ଯିବା ପାଇଁ କୁହାଯାଇଛି। ଯୁଦ୍ଧ ବିରତି ଶେଷ ହେବା ପରେ ରୁଷ ପୁଣିଥରେ ତା'ର ଉଗ୍ର ରୂପ ଦେଖାଇବ।
ଶନିବାର ଦିନ ଋଷର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ, ୟୁକ୍ରେନର ମାରିଅପୋଲ ଏବଂ ବୋଲନୋଭାଖାରେ ସାଧାରଣ ନାଗରିକଙ୍କ ସୁରକ୍ଷା ପାଇଁ ଋଷ ଆଂଶିକ ଅସ୍ତ୍ରବିରତି ଘୋଷଣା କରିଛି।
ଶୁକ୍ରବାର ଦିନ ଋଷ ଏବଂ ୟୁକ୍ରେନର ପ୍ରତିନିଧୀଙ୍କ ମଧ୍ୟରେ ଏକ ବୈଠକ ହୋଇଥିଲା। ଯେଉଁଥିରେ ସାଧାରଣ ନାଗରିକଙ୍କ ସ୍ଥାନାନ୍ତର ପାଇଁ ନିରାପଦ କରିଡର ନିର୍ମାଣ ଏବଂ ସହାୟତା ପ୍ରଦାନ କରିବାକୁ ଉଭୟ ପକ୍ଷ ସହମତ ହୋଇଥିଲେ। ବେଲା ଋଷରେ ଆୟୋଜିତ ଏହି ବୈଠକରେ, ଯେଉଁଠାରେ ସୁରକ୍ଷିତ କରିଡର ନିର୍ମାଣ ହେବ ସେହି ଅଞ୍ଚଳରେ ଅସ୍ତ୍ରବିରତି ପାଇଁ ଉଭୟ ପକ୍ଷ ସହମତ ହୋଇଥିଲେ । ଏହା ପରେ ଆଜି ଋଷ ଦ୍ୱାରା ଦୁଇଟି ସହରରେ ଅସ୍ତ୍ରବିରତି ଘୋଷଣା କରାଯାଇଛି ।
ଫେବୃଆରୀ 24 ରେ, ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ତାଙ୍କ ସେନାକୁ ୟୁକ୍ରେନରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁମତି ଦେଇଥିଲେ। ଏହା ପରେ ଋଷର ସୈନ୍ୟମାନେ କ୍ରମାଗତ ଭାବରେ ୟୁକ୍ରେନ ସହରରେ ଆକ୍ରମଣ କରୁଛନ୍ତି । ଋଷର ସୈନ୍ୟମାନେ ମଧ୍ୟ ୟୁକ୍ରେନର ରାଜଧାନୀ କିଭ୍ କୁ ଘେରି ରହିଛନ୍ତି। ଏହି କାରଣରୁ ସାଧାରଣ ନାଗରିକମାନେ କ୍ରମାଗତ ଭାବରେ ମୃତ୍ୟୁ ମୁଖରେ ପଡୁଛନ୍ତି । ବିଦେଶରୁ ଅନେକ ଲୋକ ମଧ୍ୟ ୟୁକ୍ରେନରେ ଫସି ରହିଛନ୍ତି।
Click it and Unblock the Notifications
Sign in with Google