ଗାଜାର ଇସଲାମିକ୍ ବିଶ୍ୱବିଦ୍ୟାଳୟ ଉପରେ ଇସ୍ରାଏଲର ରକେଟ୍ ମାଡ଼

ଇସ୍ରାଏଲ-ହମାସ ଯୁଦ୍ଧ: ଅନେକ ମାନବ ଅଧିକାର ସଂଗଠନ ବିଶେଷ କରି ଇସଲାମ ଦେଶରେ ଗାଜା ଷ୍ଟ୍ରିପକୁ ବିଶ୍ୱର ସର୍ବବୃହତ ଖୋଲା ଜେଲ ବୋଲି କୁହାଯାଇଛି। ଏବଂ ବର୍ତ୍ତମାନ ଇସ୍ରାଏଲ ଗାଜାର ସେହି ସ୍ଥାନରେ ଆକ୍ରମଣ କରୁଛି । ସ୍ରାଏଲ ଉପରେ ହମାସର ଗୁପ୍ତ ଆକ୍ରମଣ ପରେ ଇସ୍ରାଏଲ୍ ସୈନ୍ୟବାହିନୀ ପ୍ରାୟ 21 ଲକ୍ଷ ଜନସଂଖ୍ୟା ବିଶିଷ୍ଟ ଗାଜାରେ ପ୍ରବଳ ବୋମା ବିସ୍ଫୋରଣ କରିଛନ୍ତି। ପାଞ୍ଚ ଦିନ ମଧ୍ୟରେ 900 ଲୋକଙ୍କର ମୃତ୍ୟୁ ଘଟିଛି ଏବଂ ପ୍ରାୟ 2,60,000 ଲୋକ ଭୂମିହୀନ ହୋଇଯାଇଥିବା ନେଇ ସୂଚନା ରହିଛି ।

Hamas transformed an institute of knowledge into an institute of destruction.

A short while ago, the IDF struck an important Hamas operational, political and military center in Gaza—the Islamic University.

Hamas transformed a university into a training camp for weapons… pic.twitter.com/pWKxR8Dhmd

— Israel Defense Forces (@IDF) October 11, 2023

ଇସ୍ରାଏଲ୍ ଯବାନମାନେ କୋଠା, ବିଦ୍ୟାଳୟ, ଡାକ୍ତରଖାନା ଏବଂ ମସଜିଦକୁ ଟାର୍ଗେଟ କରିଛନ୍ତି ଏବଂ ଏହି କୋଠାଗୁଡ଼ିକ ଧ୍ୱଂସ ହୋଇଯାଇଛି। ଦୁଇ ଦିନ ପୂର୍ବେ ଇସ୍ରାଏଲ୍ ସେନା ପାଲେଷ୍ଟାଇନୀୟମାନଙ୍କୁ ଗାଜା ଛାଡି ପଳାଇଯିବା ପାଇଁ ନିର୍ଦ୍ଦେଶ ଦେଇଥିଲେ । ଗାଜା ଷ୍ଟ୍ରିପ୍ ରୁ ଇସ୍ରାଏଲ୍ ଏକମାତ୍ର ମାର୍ଗ ବନ୍ଦ କରି ଦେଇଛି। ତେବେ ଯେତେବେଳେ ଇସ୍ରାଏଲ୍ ଏୟାର ଷ୍ଟ୍ରାଇକ୍ ଜାରି ରଖିଛି ସେତେବେଳେ ଗାଜାନମାନେ ସେହି ସ୍ଥାନରୁ ଅନ୍ୟ କେଉଁଠିକୁ ଯିବା ପାଇଁ ବାଟ ପାଉ ନାହାଁନ୍ତି।

ସେହିପରି ଇସ୍ରାଏଲ ବାୟୁସେନା ପକ୍ଷରୁ ମିଳିଥିବା ସୂଚନା ଅନୁସାରେ, ଗାଜାରେ ଥିବା ଇସଲାମ ବିଶ୍ୱବିଦ୍ୟାଳୟ ଉପରେ ରକେଟ୍ ମାଡ଼ କରାଯାଇଛି । ତେବେ ଏହି ବିଶ୍ୱବିଦ୍ୟାଳୟ ହମାସ ଆତଙ୍କବାଦୀ ସଙ୍ଗଠନର ଇଞ୍ଜିନିୟରଙ୍କ ଆଡ୍ଡା ସ୍ଥଳ ଥିବା ବୋଲି ଖବର ରହିଛି । ଏଠାରେ ହମାସ ନିଜ ଇଞ୍ଜିନିୟର ମାନଙ୍କୁ ଟ୍ରେନିଂ ଦେଉଥିଲା ।

ତେବେ ଏହି ବିଶ୍ୱବିଦ୍ୟାଳ ଭିତରେ ରହି ଯୁଦ୍ଧ ପରିଚାଳନା କରୁଥିବା ନେଇ ସୂଚନା ପାଇବା ପରେ ଇସ୍ରାଏଲ ସେହି ସ୍ଥାନରେ ଆକ୍ରମଣ କରିଥିଲା । ଏନେଇ ଇସ୍ରାଏଲ ସେମା ନିଜର ଅଫିସିଆଲ୍ ଏକ୍ସ ଆକାଉଣ୍ଟରେ ଏକ ଭିଡିଓ ସେୟାର କରି ସୂଚନା ଦେଇଛି । ଯେଉଁଥିରେ ବୋମା ବିସ୍ଫୋରଣ ହେଉଥୁବାର ଦେଖିବା ପାଇଁ ମିଳୁଛି । ଯାହା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

English summary

Rocket Attack by Israel on Gaza's Islamic University