ବ୍ରିଟେନର ନୂଆ ପ୍ରଧାନମନ୍ତ୍ରୀ ଭାବେ ନିଯୁକ୍ତ ହେଲେ ଋଷି ସୁନକ

ବ୍ରିଟେନର ନୂଆ ପ୍ରଧାନମନ୍ତ୍ରୀ ଭାବେ ନିଯୁକ୍ତ ହେଲେ ଋଷି ସୁନକ । କିଙ୍ଗସ ଚାର୍ଲ୍ସ ତୃତୀୟ ଦ୍ବାରା ବିଦ୍ଧିବଧ ଭାବେ ଦାୟିତ୍ବ ନେଲେ ସୁନକ।

Published: Tuesday, October 25, 2022, 18:57 [IST]

ଲଣ୍ଡନ: ବ୍ରିଟେନରେ ପ୍ରଥମ ଭାରତୀୟ ବଂଶୋଦ୍ଭବ ନାଗରିକ ଭାବେ ପ୍ରଧାନମନ୍ତ୍ରୀ ଭାବେ ନିଯୁକ୍ତ ହେଲେ ଋଷି ସୁନକ । ସେ ବ୍ରିଟେନର ସର୍ବ କନିଷ୍ଠ ରାଜନେତା ଭାବେ ପ୍ରଧାନମନ୍ତ୍ରୀ ହୋଇ ରେକର୍ଡ ସୃଷ୍ଟି କରିଛନ୍ତି । ସେ ବ୍ରିଟେନର ସର୍ବକନିଷ୍ଠ ରାଜନେତା ଭାବେ ପ୍ରଧାନମନ୍ତ୍ରୀ ହେବାର ରେକର୍ଡ କରିଛନ୍ତି।

ଆଜି ପିଏମ ଭାବେ ଦାୟିତ୍ବ ନେବା ପରେ ସୁନକ ନିଜର ପ୍ରଥମ ଅଭିଭାଷଣରେ ଦେଶବାସୀଙ୍କୁ ଦେଇଛନ୍ତି ଅନେକ ପ୍ରତିଶୃତି । ଦେଶରେ ଲାଗି ରହିଥିବା ଅର୍ଥନୈତିକ ସମସ୍ୟାକୁ ଦୂର କରିବା ପାଇଁ ସେ ସୂଚନା ଦେଇଛନ୍ତି । ଏନଇ ସେ କିଛି ଯୋଜନା ମଧ୍ୟ ପ୍ରସ୍ତୁତ କରିଥିବା କହିଛନ୍ତି ।

ସୁନକଙ୍କ କହିବା ଅନୁସାରେ, "ବର୍ତ୍ତମାନ ଆମ ଦେଶ ବଡ ଅର୍ଥନୀତିକ ସମସ୍ୟା ଦେଇ ଗତି କରୁଛି । ୟୁକ୍ରେନର ଯୁଦ୍ଧ ଦେଶକକୁ ଦୋହଲାଇ ରଖି ଦେଇଛି । ପୂର୍ବ ପ୍ରଧାନମନ୍ତ୍ରୀ ଲିଜ ଟ୍ରସ ଅର୍ଥନୀତିକୁ ସଜାଡିବା ପାଇଁ ଚେଷ୍ଟା କରିଥିଲେ। ତାଙ୍କର ଚେଷ୍ଟାକୁ ମୁଁ ପ୍ରଶଂସା କରୁଛି । ବର୍ତ୍ତମାନ ମୁଁ ଦେଶକୁ କଥାରେ ନୁହେଁ କାର୍ଯ୍ୟରେ ଠିକ୍ କରିବି । ସୁରକ୍ଷିତ ରାସ୍ତା, ସେନା ବାହିନୀ ସମର୍ଥନ ଓ ନିଯୁକ୍ତି ସୃଷ୍ଟି ଉପରେ ଦିଆଯାଇଥିବା ପ୍ରତିଶୃତିକୁ ପାଳନ କରିବୁ ବୋଲି ସୁନକ କହିଛନ୍ତି ।

ସୁନକ ଅର୍ଥମନ୍ତ୍ରୀ ଥିବା ବେଳେ ଦେଶର ବ୍ୟବସାୟ ଓ ଲୋକଙ୍କ ସୁରକ୍ଷା ପାଇଁ ଲୋକଙ୍କ ପାଇଁ ସବୁ କରିଥିଲେ ବୋଲି କହିଛନ୍ତି । ଆଗକୁ ଆହୁରି ଯୋଜନା କାର୍ଯ୍ୟକାରୀ କରିବେ ବୋଲି ପ୍ରତିଶୃତି ଦେଇଛନ୍ତି।

Published On October 25, 2022