ଚୀନ୍ ବୈଦେଶିକ ମନ୍ତ୍ରୀଙ୍କ ନିଖୋଜ ପଛରେ ପୁଟିନଙ୍କ ହାତ?

ଦିଲ୍ଲୀ:ଚୀନ୍ ଋଷ ମଧ୍ୟରେ ବନ୍ଧୁତ୍ୱର ସମ୍ପର୍କ ବିଷୟରେ ସାରା ବିଶ୍ୱ ପରିଚିତ । କିନ୍ତୁ ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଚୀନ୍‌ର ବୈଦେଶିକ ମନ୍ତ୍ରୀ କିନ୍ ଗ୍ୟାଙ୍ଗଙ୍କ ନିଖୋଜ ସମ୍ପର୍କରେ ଋଷ ବିରୋଧରେ ବଡ଼ ଅଭିଯୋଗ ହୋଇଛି । ଚୀନ୍ ବୈଦେଶିକ ମନ୍ତ୍ରୀଙ୍କ ନିଖୋଜ ପଛରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଅଛନ୍ତି ବୋଲି ସେ ଦାବି କରିଛନ୍ତି । ଦାବି କରାଯାଇଛି ଯେ ପୁଟିନଙ୍କ ଟିପ୍ପଣୀ ଯୋଗୁଁ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ତାଙ୍କ ବୈଦେଶିକ ମନ୍ତ୍ରୀଙ୍କୁ ଗାଏବ କରିବାକୁ ବାଧ୍ୟ ହୋଇଥିଲେ ।

ନିକ୍କେ ଏସିଆର ଏକ ରିପୋର୍ଟ ଅନୁଯାୟୀ ଚୀନ୍ ବୈଦେଶିକ ମନ୍ତ୍ରୀ କିନ୍ ଗ୍ୟାଙ୍ଗ ଋଷର ସ୍ପାଏ ୱାରର ଶିକାର ହୋଇଛନ୍ତି ବୋଲି ଆଶଙ୍କା କରାଯାଉଛି । ଗୋଟିଏ ପଟେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଋଷ ସହିତ ଦୃଢ଼ ଭାବରେ ଠିଆ ହୋଇଥିବାବେଳେ ଅନ୍ୟ ପଟେ କିନ୍ ଗ୍ୟାଙ୍ଗ ଚୀନ୍‌ର ବୈଦେଶିକ ନୀତିକୁ ଋଷଠାରୁ ୟୁକ୍ରେନ ସପକ୍ଷରେ ନେଉଛନ୍ତି । ଯେଉଁ କାରଣରୁ ପଟିନ କ୍ରେଧରେ ଜର୍ଜରିତ ହୋଇଥିଲେ ।

ଏହି ସବୁ ଘଟଣା ମେ ମାସରେ ଆରମ୍ଭ ହୋଇଥିଲା ଯେତେବେଳେ ଚାଇନାର ଏକ ପ୍ରତିନିଧୀ ଦଳ ୟୁକ୍ରେନ ଗସ୍ତରେ ଯାଇ ରାଷ୍ଟ୍ରପତି ଭୋଲେଦିମିର୍ ଜେଲେନସ୍କିଙ୍କ ସହ ସାକ୍ଷାତ କରିଥିଲେ । ଏହି ପ୍ରତିନିଧୀ ଦଳ ଋଷର ପୂର୍ବତନ ଚୀନ୍ ରାଷ୍ଟ୍ରଦୂତ ଲି ହୁଇଙ୍କ ଦ୍ୱାରା ପରିଚାଳିତ ହୋଇଥିଲା । ଏହା ୠଷ-ୟୁକ୍ରେନ ଯୁଦ୍ଧରେ ବେଜିଂ ନିଜର ଆଭିମୁଖ୍ୟ ବଦଳାଇବାର ପ୍ରଥମ ସଙ୍କେତ ଥିଲା । ଯେଉଁ କାରଣରୁ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ କ୍ରୋଧିତ ହୋଇଥିଲେ ।

ସେହି ବୈଠକର ଠିକ୍ ପରେ, ଚାଇନା ଜେଲେନସ୍କିଙ୍କୁ ଜି -୭ ବୈଠକ ପାଇଁ ଜାପାନକୁ ଯିବା ପାଇଁ ଚାଇନାର ବାୟୁସେନା ବ୍ୟବହାର କରିବାକୁ ଅନୁମତି ଦେଇଥିଲା । ସେହି ବୈଠକରେ ଜେଲେନସ୍କି ଋଷକୁ କଡ଼ା ଟାର୍ଗେଟ କରିଥିଲେ ଏବଂ ବିଶ୍ୱରୁର ଅଧିକ ସମର୍ଥନ ଏବଂ ସହାୟତା ପାଇଁ ନିବେଦନ କରିଥିଲେ । ଏହି ସମୟ ଥିଲା ଯେତେବେଳେ ଚାଇନା ଋଷ ଏବଂ ୟୁକ୍ରେନ ମଧ୍ୟରେ ମଧ୍ୟସ୍ଥତା କରିବାକୁ ଇଚ୍ଛା ପ୍ରକାଶ କରିଥିଲା । ଆଉ ଚାଇନାର ଏହି ରଣନୀତିରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ବିରକ୍ତ ପ୍ରକାଶ କରିଥିଲେ ।

ଆମେରିକା ସହିତ ଚୀନ୍ ବୈଦେଶିକ ମନ୍ତ୍ରୀ ଦାବି କରିଛନ୍ତି ଚୀନ୍‌ର ବୈଦେଶିକ ମନ୍ତ୍ରୀ କିନ୍‌ଙ୍କୁ କ୍ଷମତାରୁ ହଟାଇବା ପାଇଁ ଋଷ ସ୍ପାଏ ଏଜେନ୍ସି ସାହାଯ୍ୟ ନେଇଥିଲା । ଆଉ ପରେ କିନଙ୍କ ଆମେରିକା ସହିତ ଘନିଷ୍ଟ ସମ୍ପର୍କ ଥିବାର ସୂଚନା ଷ ବେଜିଂକୁ ଦେଇଥିଲା । ଆଉ ଏହି ଦାବିକୁ ସମର୍ଥନ କରି ଋଷ ଦୃଢ଼ ପ୍ରମାଣ ପ୍ରଦାନ କରିଥିଲା ଚିନ ସରକାରଙ୍କୁ , ଯାହା ସି ଜିନପିଙ୍ଗଙ୍କୁ ଠୋସ୍ ପଦକ୍ଷେପ ନେବାକୁ ବାଧ୍ୟ କରିଥିଲା । କିନ୍ତୁ ଋଷର ସ୍ପାଏ ଏଜେନ୍ସି ଚୀନ୍‌କୁ କେଉଁ ପ୍ରମାଣ ଦେଇଛି ତାହା ସ୍ପଷ୍ଟ ହୋଇନାହିଁ ।

English summary

Putin's hand behind the search for China's foreign minister? ଚୀନ୍ ଋଷ ମଧ୍ୟରେ ବନ୍ଧୁତ୍ୱର ସମ୍ପର୍କ ବିଷୟରେ ସାରା ବିଶ୍ୱ ପରିଚିତ । କିନ୍ତୁ ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଚୀନ୍‌ର ବୈଦେଶିକ ମନ୍ତ୍ରୀ କିନ୍ ଗ୍ୟାଙ୍ଗଙ୍କ ନିଖୋଜ ସମ୍ପର୍କରେ ଋଷ ବିରୋଧରେ ବଡ଼ ଅଭିଯୋଗ ହୋଇଛି