ଶ୍ରୀଲଙ୍କା ହିଂସା: ରାଷ୍ଟ୍ରପତି ଭବନରୁ ଆନ୍ଦୋଳନକାରୀଙ୍କ ହାତରେ ଲାଗିଲା ବିପୁଳ ଟଙ୍କା
ରାଷ୍ଟ୍ରପତି ଭବନରେ ପ୍ରବେଶ କରି ସମଗ୍ର ଅଟ୍ଟାଳିକାକୁ ନିୟନ୍ତ୍ରଣକୁ ନେଇଛନ୍ତି ଆନ୍ଦୋଳନକାରୀ । ଆନ୍ଦୋଳନକାରୀଙ୍କ ହାତରେ ଲାଗିଛି ବିପୁଳ ଟଙ୍କା ।
କଲୋମ୍ବୋ: ଶ୍ରୀଲଙ୍କରେ ବଢୁଛି ପ୍ରତିବାଦ ଓ ହିଂସା । ଗତକାଲି ରାଷ୍ଟ୍ରପତି ଗୋଟାବାୟା ରାଜପାକ୍ସେ ବାସଭବନ ଛାଡି ପଳାୟନ କରିଥିବା ବେଳେ ପ୍ରଧାନମନ୍ତ୍ରୀ ରାନିଲ ବିକ୍ରମସିଙ୍ଘେ ମଧ୍ୟ ପଦରୁ ଇସ୍ତଫା ଦେଇସାରିଛନ୍ତି । ରାଷ୍ଟ୍ରପତି ଭବନରେ ପ୍ରବେଶ କରି ସମଗ୍ର ଅଟ୍ଟାଳିକାକୁ ନିୟନ୍ତ୍ରଣକୁ ନେଇଛନ୍ତି ଆନ୍ଦୋଳନକାରୀ । ଆନ୍ଦୋଳନକାରୀଙ୍କ ହାତରେ ଲାଗିଛି ବିପୁଳ ଟଙ୍କା ।
ଅନ୍ୟ ରାଜନେତା ଓ ଜନ ପ୍ରତିନିଧିମାନେ ପ୍ରାଣ ଭୟରେ ଆତ୍ମଗୋପନ କରିବାକୁ ବାଧ୍ୟ ହୋଇଛନ୍ତି । କିଛି ନିର୍ବାଚିତ ଜନ ପ୍ରତିନିଧି ମଧ୍ୟ ଆନ୍ଦୋଳନକାରୀଙ୍କ ଆକ୍ରମଣରୁ ରକ୍ଷା ପାଇପାରି ନାହାନ୍ତି । ବର୍ତ୍ତମାନ ନିୟନ୍ତ୍ରଣ ବାହାରେ ସ୍ଥିତି, ସେନା ଓ ପୋଲିସ ସ୍ଥିତି ନିୟନ୍ତ୍ରଣ କରିବାରେ ବିଫଳ ହୋଇଛି । ରାଜଧାନୀ କଲୋମ୍ବୋ ସମେତ ଦେଶର ଅନ୍ୟ କିଛି ପ୍ରମୁଖ ସହରରେ ପ୍ରତିବାଦ ଏବେ ଗୃହଯୁଦ୍ଧ ମୁହାଁ ହୋଇଛି ।
ଆନ୍ଦୋଳନକାରୀ ରାଷ୍ଟ୍ରପତି ଗୋଟୋବାୟାଙ୍କ ବାସଭବନରେ ପଶି ଭଙ୍ଗାରୁଜା କରିବା ସହ ରାଷ୍ଟ୍ରପତି ଭବନର ସୁଇମିଂ ପୁଲ ଓ କିଚେନରେ ମଧ୍ୟ ଉପଦ୍ରବ କରିଥିଲେ । ଯାହାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ପ୍ରତିବାଦକାରୀମାନେ ଶ୍ରୀଲଙ୍କା ସଙ୍କଟ ପାଇଁ ସରକାରଙ୍କ ଭୁଲ ଅର୍ଥନୀତିକୁ ଦାୟୀ କରିଛନ୍ତି ।
ଆନ୍ଦୋଳନକାରୀଙ୍କୁ ଶାନ୍ତି ବଜାୟ ରଖିବା ସହ ଆଇନ ଶୃଙ୍ଖଳା ସ୍ଥିତି ବଜାୟ ରଖିବାରେ ସେନାକୁ ସହଯୋଗ କରିବା ପାଇଁ ନିବେଦନ କରିଛନ୍ତି ଶ୍ରୀଲଙ୍କା ପ୍ରତିରକ୍ଷା ପ୍ରମୁଖ୍ୟ ଜେନେରାଲ ସିଲଭା ।
Click it and Unblock the Notifications
Sign in with Google