ପାକିସ୍ତାନ ପାଖରେ ନାହିଁ ପର୍ଯ୍ୟାପ୍ତ ଗୋଳାବାରୁଦ,ମାତ୍ର ୪ ଦିନରେ....

ଭାରତର ପ୍ରସ୍ତୁତି ଦେଖି ଛାନିଆ ପାକିସ୍ତାନ,ତଥାପି ମୁହଁଟାଣ କମିନି । ପ୍ରତି ମୁହୂର୍ତ୍ତରେ ଭାରତକୁ ଦେଉଛି ଫମ୍ପା ଧମକ । ଏହା ଭିତରେ ପାକିସ୍ତାନକୁ ନେଇ ଆସିଛି ବଡ଼ ଖବର । ମିଳିଥିବା ସୂଚନା ଅନୁସାରେ, ପାକିସ୍ତାନ ପାଖରେ ବେଶି ଅସ୍ତ୍ରଶସ୍ତ୍ର ନାହିଁ । ବଡ଼ ଧରଣର ଯୁଦ୍ଧାସ୍ତ୍ର ଅଭାବ ଥିବା ସୂଚନା ମିଳୁଛି । କେବଳ ୪ ଦିନ, ଅର୍ଥାତ ୯୬ ଘଣ୍ଟା ପର୍ଯ୍ୟନ୍ତ ଲଢ଼ିବା ପରି ଯୁଦ୍ଧାସ୍ତ୍ର ରହିଛି ପାକିସ୍ତାନ ପାଖରେ ।

ଗୋଟିଏ ପଟେ ପାକିସ୍ତାନର ନେତାମାନେ ଭାରତକୁ ଯୁଦ୍ଧ ପାଇଁ ଧମକ ଦେଉଛନ୍ତି। ଅନ୍ୟପକ୍ଷରେ ପାକିସ୍ତାନର ସାମରିକ ପ୍ରସ୍ତୁତି ଉପରେ ଗମ୍ଭୀର ପ୍ରଶ୍ନ ଉଠାଯାଉଛି। କାରଣ ପାକିସ୍ତାନ ଗୋଳାବାରୁଦର ଘୋର ଅଭାବର ସମ୍ମୁଖୀନ ହେଉଛି। ଏକ ରିପୋର୍ଟ ଅନୁଯାୟୀ, ପାକିସ୍ତାନ ସେନା କେବଳ ୪ ଦିନ ପାଇଁ ଯୁଦ୍ଧ ଲଢ଼ିବାର କ୍ଷମତା ରଖିଛି। ଏହା ପରେ ତାଙ୍କ ସେନା ଗୋଳାବାରୁଦର ଅଭାବ ଯୋଗୁ ପୂର୍ବ ପରି ଆତ୍ମସମର୍ପଣ କରିବେ। ସେହିଭଳି ଭାରତର ସାମରିକ ଶକ୍ତି ସହ ପାକିସ୍ତାନର ତୁଳନା ନାହିଁ ବୋଲି ବିଶେଷଜ୍ଞ ମତ ରଖୁଛନ୍ତି।