ଶ୍ରୀନଗର ସୀମାରେ ସୈନ୍ୟବଳ ଠୁଳ କରୁଛି ପାକିସ୍ତାନ, ଆତଙ୍କୀସ୍ଥାନର ଯୋଜନା ପଣ୍ଡ କରିବା ଲାଗି ଭାରତ କରୁଛି......

ଭାରତର ଅପରେଶନ ସିନ୍ଦୁର ପରେ, ପାକିସ୍ତାନୀ ସେନାରେ ଆତଙ୍କ ଖେଳିଯାଇଛି। ଫଳରେ ସେମାନେ ସୀମାରେ ନିରନ୍ତର ଅସ୍ତ୍ରବିରତି ଉଲ୍ଲଂଘନ କରୁଛନ୍ତି। କେବଳ ଏତିକି ନୁହେଁ, ପାକିସ୍ତାନ ସୋସିଆଲ ମିଡିଆରେ ନିରନ୍ତର ମିଥ୍ୟା ପୋଷ୍ଟ କରି ଗୁଜବ ପ୍ରସାର କରିବାକୁ ଚେଷ୍ଟା କରୁଛି। ଗୋଟିଏ ପଟେ, ପାକିସ୍ତାନୀ ସେନା ଡ୍ରୋନ ଏବଂ ମିଶାଇଲ୍‌ ମାଧ୍ୟମରେ ଭାରତ ଉପରେ ଆକ୍ରମଣ କରିବାକୁ ନିରନ୍ତର ଚେଷ୍ଟା କରୁଛି, ଅନ୍ୟପଟେ ପାକିସ୍ତାନ ଶ୍ରୀନଗର ସମେତ ଅନେକ ସୀମାବର୍ତ୍ତୀ ଅଞ୍ଚଳରେ ସୈନ୍ୟ ଏବଂ ଟ୍ୟାଙ୍କରର ବିପୁଳ ଜମା ଆରମ୍ଭ କରିଛି। ଏହାର ଜବାବରେ ଭାରତ ନିଜର ବାୟୁ ପ୍ରତିରକ୍ଷା ବ୍ୟବସ୍ଥାକୁ ଆହୁରି ଦୃଢ଼ କରି ଆକାଶ ଏବଂ MRSAM ପରି ଭୂମିରୁ ଆକାଶକୁ ମାରକାତ୍ମକ ମିସାଇଲ ପ୍ରଣାଳୀକୁ ସୀମା ନିକଟରେ ମୁତୟନ କରିଛି।

ସୂତ୍ର ଅନୁସାରେ, ପାକିସ୍ତାନ ଗତ କିଛି ଦିନ ମଧ୍ୟରେ ଶ୍ରୀନଗର, ଜାମ୍ମୁ, ଅମୃତସର, ପଠାନକୋଟ ଏବଂ ଭୁଜ ସମେତ ଉତ୍ତର ଓ ପଶ୍ଚିମ ଭାରତର ଅନେକ ସୈନିକ ଅଡ଼ାକୁ ଡ୍ରୋନ ଓ ମିସାଇଲ ଦ୍ୱାରା ଟାର୍ଗେଟ କରିବାକୁ ଚେଷ୍ଟା କରିଛି। ଭାରତୀୟ ସେନା ଏହି ଆକ୍ରମଣକୁ ବିଫଳ କରି ନିଜର ଉନ୍ନତ ବାୟୁ ପ୍ରତିରକ୍ଷା ବ୍ୟବସ୍ଥାର ବ୍ୟବହାର କରିଛି। ବିଶେଷ କରି ସ୍ୱଦେଶୀ ଆକାଶ ମିସାଇଲ ସିଷ୍ଟମ ପାକିସ୍ତାନୀ ଡ୍ରୋନ ଓ ମିସାଇଲକୁ ନିଷ୍କ୍ରିୟ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।

ଶ୍ରୀନଗର ଏବଂ ଆଖପାଖ ଅଞ୍ଚଳରେ ଶୁକ୍ରବାର ରାତିରୁ ବିପୁଳ ସୈନିକ କାର୍ଯ୍ୟକଳାପ ଦେଖାଯାଇଛି। ସ୍ଥାନୀୟ ଲୋକେ ଶ୍ରୀନଗର ବିମାନବନ୍ଦର ନିକଟରେ ଅନେକ ବିସ୍ଫୋରଣର ଶବ୍ଦ ମଧ୍ୟ ଶୁଣିଥିବା ନେଇ ଦାବି କରିଛନ୍ତି। ଯାହା ପରେ ଏହି ଅଞ୍ଚଳରେ ବ୍ଲାକଆଉଟ ଲାଗୁ କରାଯାଇଛି। ଭାରତୀୟ ସେନା ନିଶ୍ଚିତ କରିଛି ଯେ ପାକିସ୍ତାନୀ ଡ୍ରୋନକୁ ନିଶାନା କରିବା ପାଇଁ କାଉଣ୍ଟର-ଡ୍ରୋନ ସିଷ୍ଟମ ଏବଂ ଭୂମିରୁ ଆକାଶକୁ ମାରକ କ୍ଷମତା ଥିବା ମିସାଇଲ ସକ୍ରିୟ କରାଯାଇଛି।

ପାକିସ୍ତାନ ସେନା ଦାବି କରିଛି ଯେସେମାନେ ଭାରତୀୟ ବାୟୁସେନାର ଜଣେ ମହିଳା ପାଇଲଟଙ୍କୁ ବନ୍ଦୀ କରିଛି। ଭାରତୀୟ ସେନା ନିରନ୍ତର ପାକିସ୍ତାନୀ ଆକ୍ରମଣର ଉଚିତ ଜବାବ ଦେଉଛି। ଭାରତୀୟ ବାୟୁ ପ୍ରତିରକ୍ଷା ପ୍ରଣାଳୀ ଦ୍ୱାରା ସେମାନଙ୍କର ଡ୍ରୋନ ଏବଂ ମିଶାଇଲକୁ ଆକ୍ରମଣକୁ ଆକାଶରେ ସମ୍ପୂର୍ଣ୍ଣ ଧ୍ୱଂସ କରାଯାଇଛି। ପାକିସ୍ତାନ ଏବେ କିଛି କରିପାରୁନାହିଁ, ସେ ନିଜ ଲୋକମାନଙ୍କୁ ମିଥ୍ୟା ପ୍ରତିଶ୍ରୁତି ଦେବା ପାଇଁ ସୋସିଆଲ ମିଡିଆ ମାଧ୍ୟମରେ ଭାରତୀୟ ମହିଳା ପାଇଲଟଙ୍କୁ ବନ୍ଦୀ କରିବାର ମିଥ୍ୟା ଖବର ଲଗାତାର ପ୍ରସାର କରୁଛି।