ପାକିସ୍ତାନ ମତଦାନ ବେଳେ ଆତଙ୍କବାଦୀ ଆକ୍ରମଣ:୫ ପୋଲିସ କର୍ମୀ ମୃତ, ୨ ଆହତ
Pakistan Election: ପାକିସ୍ତାନରେ ସାଧାରଣ ନିର୍ବାଚନା ପାଇଁ ଭୋଟିଂ ଜାରି ରହିଥିବା ବେଳେ ଆତଙ୍କବାଦୀ ଆକ୍ରମଣ । ଏକ ପୋଲିସ ଗାଡ଼ି ଉପରେ ପ୍ରଥମେ ଆଇଡି ବିସ୍ଫୋରଣ ଏବଂ ପରେ ଆଖିବୁଜା ଗୁଳିମାଡ଼ରେ ହୋଇଥିଲା । ଯେଉଁଥିରେ ୫ ଜଣ ପୋଲିସ କର୍ମୀଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ମତଦାନ ଜାରି ରହିଥିବା ବେଳେ ଖୈବର ପଖତୁନଖୱାର ଡେରା ଇସ୍ମାଇଲ ଜିଲ୍ଲାର କୁଲାଚିରେ ଆତଙ୍କବାଦୀମାନେ ଏକ ପୋଲିସ ଗାଡ଼ି ଉପରେ ଆକ୍ରମଣ କରିଥିଲେ । ଯାହାଫଳରେ ଘଟଣାସ୍ଥଳରେ ହିଁ ୫ ଜଣ ପୋଲିସ କର୍ମୀଙ୍କର ମୃତ୍ୟୁ ହୋଇଥିଲା ଏବଂ ୨ ଜଣ ଗୁରୁତର ଆହତ ହୋଇଥିଲେ । ଆକ୍ରମଣ ପରେ ସାରା ଅଞ୍ଚଳରେ ଚହଶ ସୃଷ୍ଟି ହୋଇଛି ।
ସେହିପରି NA-59 ଚାକୱାଲ ନିର୍ବାଚନମଣ୍ଡଳୀରେ ଏକ ରାଜନୈତିକ ଦଳର ନିର୍ବାଚନ ଶିବିରରେ ଦୁଇ ଗୋଷ୍ଠୀ ମଧ୍ୟରେ ହୋଇଥିବା ସଂଘର୍ଷରେ ଅତି କମରେ ଚାରି ଜଣ ଆହତ ହୋଇଥିବା ନେଇ ସୂଚନା ରହିଛି । ନିର୍ବାଚନା ସମୟରେ ସୁରକ୍ଷାକୁ ଦୃଷ୍ଟିରେ ରଖି ଦେଶରେ ଇଣ୍ଟନେଟ୍ ସେବା ବନ୍ଦ କରାଯାଇଛି ।
ନିର୍ବାଚନର ଗୋଟିଏ ଦିନ ପୂର୍ବରୁ ମଧ୍ୟ ଆତଙ୍କବାଦୀ ଆକ୍ରମଣ ହୋଇଥିଲା । ବେଲୁଚିସ୍ତାନରପ୍ରାନ୍ତରେ ବିସ୍ଫୋରଣରେ ପାଖାପାଖି ୫୦ ଜଣ ଲୋକଙ୍କର ମୃତ୍ୟୁ ହୋଇଥିବା ନେଇ ସୂଚନା ରହିଥିଲା ।
Click it and Unblock the Notifications
Sign in with Google