ନେପାଳ ବିମାନ ଦୁର୍ଘଟଣା: ବର୍ତ୍ତମାନ ପର୍ଯ୍ୟନ୍ତ ୪୨ ଯାତ୍ରୀଙ୍କ ମୃତଦେହ ଉଦ୍ଧାର

ନେପାଳ ବିମାନ ଦୁର୍ଘଟଣା: ବର୍ତ୍ତମାନ ପର୍ଯ୍ୟନ୍ତ ୪୨ ଯାତ୍ରୀଙ୍କ ମୃତଦେହ ଉଦ୍ଧାର । ୬୮ ଜଣ ଯାତ୍ରୀ ଏବଂ ୪ ଜଣ କ୍ରୁ ସଦସ୍ୟଙ୍କ ସମେତ ମୋଟ୍ ୭୨ ଜଣଙ୍କୁ ନେଇ ଯାଉଥିବା ବିମାନଟି ପୋଖରା ବିମାନବନ୍ଦର ନିକଟରେ ଦୁର୍ଘଟଣାଗ୍ରସ୍ତ ହୋଇଛି ।

Updated: Sunday, January 15, 2023, 16:03 [IST]

Nepal Plane Crash:ନେପାଳ ବିମାନ ଦୁର୍ଘଟଣା । ଦୁର୍ଘଟଣାଗ୍ରସ୍ତ ହୋଇଥିବା ୟେତି ଏୟାରଲାଇନ୍ସ ବିମାନରେ ୫ ଜଣ ଭାରତୀୟ ଯାତ୍ରୀ ଥିବା ନେଇ ସୂଚନା ରହିଛି । ୬୮ ଜଣ ଯାତ୍ରୀ ଏବଂ ୪ ଜଣ କ୍ରୁ ସଦସ୍ୟଙ୍କ ସମେତ ମୋଟ୍ ୭୨ ଜଣଙ୍କୁ ନେଇ ଯାଉଥିବା ବିମାନଟି ପୋଖରା ବିମାନବନ୍ଦର ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ରିପୋର୍ଟ ଅନୁଯାୟୀ, ବିମାନ ଦୁର୍ଘଟଣାରେ ଏପର୍ଯ୍ୟନ୍ତ ୪୨ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ ହୋଇଛି । ସେପଟେ କାଠମାଣ୍ତୁ ବିମାନବନ୍ଦରରେ ପହଁଚିଲେ ପ୍ରଧାନମନ୍ତ୍ରୀ ପ୍ରଚଣ୍ତ ।

Nepal PM Pushpa Kamal Dahal 'Prachanda', along with Home Minister Rabi Lamichhane to arrive in Pokhara today, in wake of the aircraft crash at Pokhara airport.

A five-member committee has been formed to investigate the reasons for the crash.

Visuals from the spot. pic.twitter.com/nOi5mTh7cF
— ANI (@ANI) January 15, 2023

ବିମାନରେ ଥିବା ପାଞ୍ଚ ଜଣ ଭାରତୀୟଙ୍କ ବିଷୟରେ ସୂଚନା ମିଳିଛି । ବିମାନରେ ଥିବା ପାଞ୍ଚ ଜଣ ଭାରତୀୟଙ୍କ ନାମ ସଞ୍ଜୟ ଜେସୱାଲ, ସୋନୁ ଜେସୱାଲ, ଅନିଲ କୁମାର ରାଜଭାର, ଅଭିଷେକ କୁଶୱା ଏବଂ ବିଶାଲ ଶର୍ମା ।

#WATCH | A passenger aircraft crashed at Pokhara International Airport in Nepal today. 68 passengers and four crew members were onboard at the time of crash. Details awaited. pic.twitter.com/DBDbTtTxNc
— ANI (@ANI) January 15, 2023

ବିମାନରେ ୫ ଜଣ ଭାରତୀୟ, ୪ ଜଣ ଋଷର ନାଗରିକ, ଜଣେ Irish ଏବଂ ୨ ଜଣ କୋରିଆ ନାଗରିକ ଥିଲେ । ଦୁର୍ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଜାରିରହିଛି । ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ, ବିମାନଟି ଖସିଯିବା ପରେ ଭୟଙ୍କର ଅଗ୍ନିକାଣ୍ଡ ଘଟିଥିଲା । ରିପୋର୍ଟ ଅନୁସାରେ ଏହା ୧୫ ବର୍ଷ ପୁରୁଣା ବିମାନ । ନେପାଳର ବେସାମରିକ ବିମାନ ଚଳାଚଳ ପ୍ରାଧିକରଣ (CAAN) ଅନୁଯାୟୀ, ୟେତି ଏୟାରଲାଇନ୍ସର ବିମାନ 9N-ANC-ATR-72 ସକାଳ ୧୦.୩୩ ରେ ରାଜଧାନୀ କାଠମାଣ୍ଡୁର ତ୍ରିଭୁବନ ବିମାନବନ୍ଦରରୁ ବାହାରିଥିଲା ଏହା ପୋଖରା ବିମାନ ବନ୍ଦରରେ ଅବତରଣ କରିବାର ଥିଲା । ପାଇଲଟ୍ ଏଟିସିରୁ ଅବତରଣ ଅନୁମତି ନେଇଥିଲେ। ପୋଖରା ଏଟିସିରୁ ଅବତରଣ ପାଇଁ ଓକେ ମଧ୍ୟ କୁହାଯାଇଥିଲା । ହେଲେ ଯାନ୍ତ୍ରୀକ ତ୍ରୁଟି ପାଇଁ ଦୁର୍ଘଟଣା ହୋଇଥାଇ ପାରେ ବୋଲି କର୍ତ୍ତୃପକ୍ଷ ପ୍ରକାଶ କରିଛନ୍ତି । ସୂଚନା ଅନୁସାରେ ଅବତରଣ ପୂର୍ବରୁ ବିମାନରେ ନିଆଁ ଲାଗିଯାଇଥିଲା । ଖରାପ ପାଗ ଯୋଗୁଁ ଏହି ଦୁର୍ଘଟଣା ଘଟିଛି ବୋଲି ମଧ୍ୟ ସନ୍ଦେହ କରାଯାଉଛି ।