ବାଂଲାଦେଶ ନୋଟରୁ ହଟିଲେ ଶେଖ୍ ମୁଜିବୁର ରହମାନ, ନୂଆ ନୋଟ ମାଧ୍ୟରେ ହିନ୍ଦୁଙ୍କୁ ଖୁସି କରିବାକୁ ଯୋଜନା

ବାଂଲାଦେଶର ଅନ୍ତରୀଣ ସରକାର ନୂଆ ବ୍ୟାଙ୍କ ନୋଟ୍ ପ୍ରଚଳନ କରିଛନ୍ତି। ଏହି ନୋଟ୍‌ରେ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ବାପା ତଥା ବାଂଲାଦେଶର ଜନକ ଭାବେ ପରିଚିତ ଶେଖ୍ ମୁଜିବୁର ରହମନଙ୍କ ଫଟୋ ସ୍ଥାନ ପାଇନାହିଁ; ବରଂ ଦେଶର ବିଭିନ୍ନ ଐତିହ୍ୟ ସ୍ଥଳ ଓ ପାରମ୍ପରିକ ପ୍ରମୁଖ ସ୍ଥାନ, ହିନ୍ଦୁ ଓ ବୌଦ୍ଧ ଧର୍ମପୀଠ, ପ୍ରସିଦ୍ଧ ଚିତ୍ରକର ଜୈନୁଲ ଆବେଦିନଙ୍କ ଦ୍ୱାରା ଅଙ୍କିତ ବ୍ରିଟିଶ ଶାସନ କାଳର ବେଙ୍ଗଲ ଦୁର୍ଭିକ୍ଷର ଚିତ୍ରପଟ, ସ୍ୱାଧୀନତା ସଂଗ୍ରାମ ସହିଦଙ୍କ ସ୍ମାରକୀର ଫଟୋ ଆଦି ମୁଦ୍ରିତ ହୋଇଛି। ନୂଆ ଡିଜାଇନ୍ ହୋଇଥିବା ବିଭିନ୍ନ ନୋଟ୍‌ରେ କୌଣସି ବ୍ୟକ୍ତିଙ୍କ ଫଟୋ ଛପା ହୋଇନାହିଁ।

ଇତିହାସ ପାଲଟିଲେ ଶେଖ୍ ମୁଜିବୁର ରହମାନ

ବାଂଲାଦେଶର ମୁଦ୍ରା ନୋଟରେ ଶେଖ୍ ମୁଜିବୁର ରହମାନଙ୍କ ଚିତ୍ର ଏବେ ଇତିହାସ ପାଲଟିଛି। ରବିବାର ବାଂଲାଦେଶ ବ୍ୟାଙ୍କ ପକ୍ଷରୁ ନୂତନ ନୋଟ୍ ଜାରି କରାଯାଇଛି। ଏହି ନୋଟଗୁଡ଼ିକରେ ମୁଜିବୁର ରହମାନଙ୍କ ନାମ ନାହିଁ, ଯିଏ କି ୧୯୭୧ ମସିହାରେ ଦେଶ ଗଠନ ହେବା ପରଠାରୁ ମୁଦ୍ରାରେ ସ୍ଥାନିତ ହୋଇଆସୁଥିଲେ । ସେ ପୂର୍ବତନ ପ୍ରଧାନମନ୍ତ୍ରୀ ଶେଖ ହାସିନାଙ୍କ ପିତା ମଧ୍ୟ ଥିଲେ। ଗତବର୍ଷ ବାଂଲାଦେଶରେ ହୋଇଥିବା ବିଦ୍ରୋହ ପରେ ଶେଖ ହାସିନାଙ୍କୁ କ୍ଷମତାରୁ ଓହରି ଯିବାକୁ ପଡିଥିଲା ଏବଂ ତା'ପରେ ସେ ଦେଶ ଛାଡି ଚାଲିଯାଇଥିଲେ ଶେଖ୍ ହସିନା । ଶେଖ ହାସିନା ପଦ ଛାଡିବା ପରେ, ମହମ୍ମଦ ୟୁନୁସ୍ ମଧ୍ୟବର୍ତ୍ତୀକାଳୀନ ସରକାରଙ୍କ ମୁଖ୍ୟ ଭାବରେ ନେତୃତ୍ୱ ନେଉଛନ୍ତି। ତାଙ୍କ ସରକାର ସମୟରେ ମଧ୍ୟ ବାଂଲାଦେଶରେ ବ୍ୟାପକ ହିଂସା ଘଟିଛି।

ଏପରିକି ଧାନମୋଣ୍ଡିରେ ଶେଖ ମୁଜିବୁର ରହମାନଙ୍କ ପ୍ରତି ଉତ୍ସର୍ଗୀକୃତ ସ୍ମାରକୀରେ ମଧ୍ୟ ନିଆଁ ଲଗାଇ ଦିଆଯାଇଥିଲା। ଏହା ବ୍ୟତୀତ ଶେଖ ହାସିନାଙ୍କ ଘର ମଧ୍ୟ ପୋଡ଼ି ଦିଆଯାଇଥିଲା। ଏବେ ଯେଉଁ ବାଂଲାଦେଶରେ ନୂଆ ନୋଟ ଜାରି କରାଯାଇଛି, ସେଥିରେ କୌଣସି ନେତାଙ୍କ ଫଟୋ ରହି ନାହିଁ। ଏହା ବଦଳରେ, ଜାତୀୟ ସହିଦ ସ୍ମାରକୀ ପାଇଁ ସ୍ଥାନ ଦିଆଯାଇଛି । କେବଳ ଏତିକି ନୁହେଁ, ଏହି ନୋଟଗୁଡ଼ିକରେ ବାଂଲାଦେଶର କିଛି ଐତିହାସିକ ସ୍ଥାନକୁ ମଧ୍ୟ ଚିତ୍ରିତ କରାଯାଇଛି । ଏହି ସ୍ଥାନଗୁଡ଼ିକରେ ହିନ୍ଦୁ ଏବଂ ବୌଦ୍ଧ ମନ୍ଦିର ମଧ୍ୟ ଅନ୍ତର୍ଭୁକ୍ତ। ବାଂଲାଦେଶ ବ୍ୟାଙ୍କର ମୁଖପାତ୍ର ଆରିଫ୍ ହୁସେନ୍ ଖାନ କହିଛନ୍ତି ଯେ ନୂତନ ସିରିଜର ନୋଟର ଡିଜାଇନ୍ ପୂର୍ବ ନୋଟଗୁଡ଼ିକଠାରୁ ବହୁତ ଭିନ୍ନ। ଏବେ ଏହି ନୋଟଗୁଡ଼ିକରେ କୌଣସି ଲୋକଙ୍କ ଫଟୋ ଚିତ୍ର ଦେଖାଯିବ ନାହିଁ ବରଂ, ଏହା ବାଂଲାଦେଶର ପ୍ରାକୃତିକ ସୌନ୍ଦର୍ଯ୍ୟ ଏବଂ ପରମ୍ପରାକୁ ଚିତ୍ରଣ କରେ।

ଏପର୍ଯ୍ୟନ୍ତ ବାଂଲାଦେଶର ମୁଦ୍ରାରେ ଶେଖ ମୁଜିବୁର ରହମାନଙ୍କୁ ଦେଖାଯାଉଥିଲା। ସେ ୧୯୭୧ ମସିହାରେ ବାଂଲାଦେଶ ସ୍ୱାଧୀନତା ଯୁଦ୍ଧର ନେତୃତ୍ୱ ନେଇଥିଲେ ଏବଂ ୧୯୭୫ ମସିହାରେ ଏକ ବିଦ୍ରୋହ ସମୟରେ ତାଙ୍କୁ ହତ୍ୟା କରାଯାଇଥିଲା। ବାଂଲାଦେଶର ନୂତନ ନୋଟର ଡିଜାଇନ୍ ଚିତ୍ରଶିଳ୍ପୀ ଜୈନୁଲ ଆବେଦିନ୍ ପ୍ରସ୍ତୁତ କରିଛନ୍ତି। ଏଥିରେ ବଙ୍ଗ ଦୁର୍ଭିକ୍ଷକୁ ମଧ୍ୟ ଚିତ୍ରିତ କରାଯାଇଛି।

ବାଂଲାଦେଶରେ ଏହା ପ୍ରଥମ ଥର ନୁହେଁ ଯେ କରେନ୍ସି ନୋଟର ଡିଜାଇନ୍ ପରିବର୍ତ୍ତନ କରାଯାଇଛି ଏବଂ ଏହା ରାଜନୈତିକ କାରଣରୁ କରାଯାଇଛି। ନୋଟରେ ପ୍ରଥମ ପରିବର୍ତ୍ତନ ୧୯୭୨ ମସିହାରେ କରାଯାଇଥିଲା। ସେହି ସମୟରେ ନୋଟରେ ବାଂଲାଦେଶର ମାନଚିତ୍ର ମୁଦ୍ରିତ ହେଉଥିଲା ଏବଂ ଏହାକୁ ମୁଜିବୁର ରହମାନଙ୍କ ଫଟୋ ଦ୍ୱାରା ବଦଳାଯାଉଥିଲା। ଆୱାମୀ ଲିଗ୍ ସରକାର ସମୟରେ ଏହା ପ୍ରାୟତଃ ଘଟୁଥିଲା। ତା'ପରେ ଯେତେବେଳେ ବି ବାଂଲାଦେଶରେ ଖାଲିଦା ଜିଆଙ୍କ ବିଏନପି କ୍ଷମତାକୁ ଆସିଲା, ନୋଟରେ ଐତିହାସିକ ସ୍ମାରକୀଗୁଡ଼ିକୁ ସ୍ଥାନ ମିଳୁଥିଲା ।