ମଧ୍ୟମ ବୟସରେ ବିବାହ କରି ଚର୍ଚ୍ଚାରେ ଦମ୍ପତି , ପଢନ୍ତୁ

ପାକିସ୍ତାନର ଜଣେ 56 ବର୍ଷିୟ ଜଣେ ମଧ୍ୟମ ବୟସ୍କ ବ୍ୟକ୍ତି ଜଣେ 29 ବର୍ଷୀୟା ଯୁବତୀଙ୍କୁ 9 ବର୍ଷ ତଳେ ବିବାହ କରିଥିଲେ । ଆଉ ବର୍ତ୍ତମାନ ସେମାନଙ୍କର ସୁଖି ବୈବାହିକ ଜୀବନ ବିଷୟର ସୋଶାଲ ମିଡିଆରେ ସେୟାର କରିଛନ୍ତି । ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି ।

Published: Wednesday, September 14, 2022, 15:50 [IST]

ଲାହୋର: କୁହାଯାଏ ପ୍ରେମ ଶାଶ୍ବତ, ଚିରନ୍ତନ । ସବୁଠାରୁ ପବିତ୍ର । ତେବେ ଆଜିକା ସମାଜରେ ପ୍ରେମର ପରିଭାଷାରେ ଦେଖା ଦେଲାଣି ପରିବର୍ତ୍ତନ । ପ୍ରେମ ପ୍ରତାରଣାର ମାମଲା ବଢିବାରେ ଲାଗିଥିବା ବେଳେ , ପାକିସ୍ତାନରେ ଦେଖିବାକୁ ମିଳିଛି ଶାଶ୍ବତ ପ୍ରେମର ନିଦର୍ଶନ। ଏହି ଘଟଣାକୁ ନେଇ ବର୍ତ୍ତମାନ ହେଉଛି ଚର୍ଚ୍ଚା । ପାକିସ୍ତାନର ଜଣେ 56 ବର୍ଷିୟ ଜଣେ ମଧ୍ୟମ ବୟସ୍କ ବ୍ୟକ୍ତି ଜଣେ 29 ବର୍ଷୀୟା ଯୁବତୀଙ୍କୁ 9 ବର୍ଷ ତଳେ ବିବାହ କରିଥିଲେ । ଆଉ ବର୍ତ୍ତମାନ ସେମାନଙ୍କର ସୁଖି ବୈବାହିକ ଜୀବନ ବିଷୟର ସୋଶାଲ ମିଡିଆରେ ସେୟାର କରିଛନ୍ତି । ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି ।

ପାକିସ୍ତାନ ରେଳବାଇରେ କାର୍ଯ୍ୟ କରୁଥିବା ଏହି ବ୍ୟକ୍ତିଙ୍କର 9 ବର୍ଷ ତଳେ ପ୍ରଥମ ସ୍ତ୍ରୀଙ୍କ ମୃତ୍ୟୁ ଘଟିଥିଲା । ଏହା ପରେ ସନ୍ତାନଙ୍କ ଦାୟୀତ୍ବ ନେଇ ଚିନ୍ତା ବଢିଥିଲା । ଫଳରେ ସେ ଦ୍ବିତୀୟ ବିବାହ ନେଇ ଚିନ୍ତା କରୁଥିଲେ । ଏଥିମଧ୍ୟରେ ଜଣେ 29 ବର୍ଷ ବୟସ୍କାଙ୍କ ବାବଦରେ ଜାଣିବାକୁ ପାଇଥିଲେ । ସେ ମଧ୍ୟ ପୂର୍ବରୁ ବିବାହ କରିଥିଲେ । ବିବାହ ବିଚ୍ଛେଦ ପରେ ସେ ନିଜ ପରିବାର ସହିତ ରହୁଥିଲେ । ସେ ସ୍ଥିର କରିଥିଲେ ଯେ, ଆଉ କେବେ ବିବାହ କରିବେ ନାହିଁ । କିନ୍ତୁ ବ୍ୟକ୍ତିଙ୍କ ପ୍ରସ୍ଥାବରେ ରାଜି ହୋଇଥିଲେ । ଆଉ ସେବେ ଠାରୁ ଦୁହିଁଙ୍କ ଜୀବନର ଦ୍ବିତୀୟ ଅଧ୍ୟାୟ ଆରମ୍ଭ ହୋଇଥିଲା ।

କିନ୍ତୁ ଦୁଃଖ ଥିଲା ଯେ, ବ୍ୟକ୍ତିଙ୍କର ପୂର୍ବରୁ ଥିବା ସନ୍ତାନମାନେ ଦ୍ବିତୀୟ ମାଆଙ୍କୁ ଗ୍ରହଣ କରିପାରିନଥିଲେ । ଅନେକ ଚେଷ୍ଟା ପରେ ଶେଷରେ ପିଲାଙ୍କ ହୃଦୟ ଜିତିବାରେ ସକ୍ଷମ ହେଲେ ଏହି ମହିଳା । ବର୍ତ୍ତମାନ ପୁରା ପରିବାର ଓ ସନ୍ତାନଙ୍କୁ ନେଇ ଖୁସିରେ ଦିନ ବିତୁଥିବା କହିଛନ୍ତି ଏହି ଦମ୍ପତି । ବ୍ୟକ୍ତିଙ୍କୁ ବର୍ତ୍ତମାନ 65 ବର୍ଷ ହୋଇଥିବା ବେଳେ ମହିଳାଙ୍କୁ 38 ବର୍ଷ । ବ୍ୟକ୍ତିଙ୍କ ବଡ ଝିଅ ବର୍ତ୍ତମାନ 25 ବର୍ଷ ହୋଇସାରିଥିବା ବେଳେ , ପିଲାଙ୍କ ଭବିଷ୍ୟତ ନେଇ ଉଭୟ ଚେଷ୍ଟା କରୁଥିବା ଦେଖିବାକୁ ମିଳିଛି । ନିଜ ପିଲା ଭଳି ଦ୍ବିତୀୟ ପତ୍ନୀ ପିଲାଙ୍କୁ ଆଦରି ନେବା ସହ ସମସ୍ତ ଦାୟିତ୍ବ ସମ୍ଭାଳୁଥିବା କହିଛନ୍ତି ବ୍ୟକ୍ତି । ତାଙ୍କର ପ୍ରେମ ପାଇଁ ସବୁ ସମ୍ଭବ ବୋଲି ସେ କହନ୍ତି । ଏତେ ବୟସରେ ମଧ୍ୟ ଶାଶ୍ବତ ପ୍ରେମକୁ ନେଇ ସବୁଆଡେ ଚର୍ଚ୍ଚା ।

Published On September 14, 2022