ବିମାନ ଦୁର୍ଘଟଣାରେ ମାଲାୱିର ଉପରାଷ୍ଟ୍ରପତି ମୃତ
ନୂଆଦିଲ୍ଲୀ: ବିମାନ ଦୁର୍ଘଟଣାରେ ଇରାନ ରାଷ୍ଟ୍ରପତିଙ୍କ ମୃତ୍ୟ ପରେ ଏବେ ପୁଣି ଏକ ଦେଶର ଉପରାଷ୍ଟ୍ରପତିଙ୍କ ବିମାନ ନିଖୋଜ ହୋଇଥିଲା । ଏହି ରାଷ୍ଟ୍ରନେତାଜଣକ ହେଉଛନ୍ତି ଦକ୍ଷିଣ ପୂର୍ବ ଆଫ୍ରିକୀୟ ଦେଶ ମଲାୱିର ଉପରାଷ୍ଟ୍ରପତି ସୌଲୌସ କ୍ଲସ୍ ଚିଲିମା । ଆଉ ଏହାଙ୍କୁ ନେଇ ଆସିଛି ଏକ ବଡ଼ ଖବର ।
ବିମାନ ଦୁର୍ଘଟଣାରେ ମାଲାୱିର ଉପରାଷ୍ଟ୍ରପତି ସାଲ୍ୟୁଲସ ଚିଲିମା ମୃତ ହୋଇଥିବା ଖବର ସାମ୍ନାକୁ ଆସିଛି । ତାଙ୍କ ସହ ବିମାନରେ ଥିବା ଆଉ ୯ ଜଣ ମୃତ୍ୟୁବରଣ କରିଛନ୍ତି । ଉପରାଷ୍ଟ୍ରପତିଙ୍କ ମୃତ୍ୟୁ ସଂପର୍କରେ ମାଲୱିର ରାଷ୍ଟ୍ରପତି ଲାଜାରୁସ ଚାକୱେରା ନିଜ ଦେଶବାସୀଙ୍କୁ ସମ୍ବୋଧିନ କରିବା ଅବସରରେ ଘୋଷଣା କରିଛନ୍ତି ।
ସୁଚନା ଯୋଗ୍ୟ ଯେ, ଚିଲିମା ପ୍ରତିରକ୍ଷା ବିଭାଗର ଏକ ବିମାନରେ ଗତକାଲି ପୂର୍ବାହ୍ନ ୯ଟା୧୭ରେ ରାଜଧାନୀ ଲିଲଙ୍ଗୱେ ଏୟାରପୋର୍ଟରୁ ମୁଜୁଜ ଅଭିମୁଖେ ଯାଉଥିଲେ । ତାଙ୍କ ସହ ଉକ୍ତ ବିମାନରେ ଆଉ ୯ ଜଣ ବି ଥିଲେ । ମାତ୍ର ଖରାପ ପାଗ ଯୋଗୁ ବିମାନଟି ଲ୍ୟାଣ୍ଡ କରି ପାରି ନ ଥିବା ବେଳେ ତାହାକୁ ଫେରିଯିବାକୁ ନିର୍ଦ୍ଦେଶ ଦିଆଯାଇଥିଲା ।
ଏହାର କିଛି ସମୟ ପରେ ବିମାନଟି ରାଡାରରୁ ଗାଏବ ହୋଇ ଯାଇଥିଲା । ବିମାନ ଅଧିକାରୀଙ୍କ ଦ୍ୱାରା ଏଥିନିମନ୍ତେ ବହୁ ପ୍ରଚେଷ୍ଟା କରାଯିବା ସତ୍ତ୍ୱେ ଯୋଗାଯୋଗ ସମ୍ଭବ ହୋଇ ପାରି ନ ଥିଲା । ଆଉ ବର୍ତ୍ତମାନ ତାଙ୍କ ମୃତ୍ୟୁଖବର ଏବେ ସାମ୍ନାକୁ ଆସିଛି ।
Click it and Unblock the Notifications
Sign in with Google