ସୋମାଲିଆରେ ସିରିଜ ବିସ୍ଫୋରଣରେ 100 ମୃତ,3ଶହ ଆହତ

ସୋମାଲିଆର ରାଜଧାନୀରେ ସିରିଜ ବିସ୍ଫୋରଣ । ରାଜଧାନୀ ମୋଗାଦିଶୁରେ ହୋଇଛି ସିରିଜ ବିସ୍ପୋରଣରେ 100 ଜଣଙ୍କ ମୃତ୍ୟୁ ଘଟିଥିବା ବେଳେ 3ଶହ ଜଣ ଆହତ ହୋଇଛନ୍ତି।

Published: Sunday, October 30, 2022, 16:39 [IST]

ମୋଗାଦିଶୁ: ସୋମାଲିଆର ରାଜଧାନୀରେ ସିରିଜ ବିସ୍ଫୋରଣ । ରାଜଧାନୀ ମୋଗାଦିଶୁରେ ହୋଇଛି ସିରିଜ ବିସ୍ପୋରଣରେ 100 ଜଣଙ୍କ ମୃତ୍ୟୁ ଘଟିଥିବା ବେଳେ 3ଶହ ଜଣ ଆହତ ହୋଇଛନ୍ତି। ଶନିବାର ମୋଗାଦିଶୁର ଦୁଇଟି ଭିନ୍ନ ସ୍ଥାନରେ ହୋଇଛି ଏହି ସିରିଜ ବିସ୍ଫୋରଣ। ଏନେଇ ସୋମାଲିଆ ରାଷ୍ଟ୍ରପତି ହସନ ଶେଖ ସୂଚନା ଦେଇଛନ୍ତି।

ସ୍ଥାନୀୟ ଗଣମାଧ୍ୟମ ଅନୁସାରେ, ଦୁଇ କାର ବିସ୍ଫୋରଣ ସୋମାଲିଆର ଶିକ୍ଷା ମନ୍ତ୍ରଣାଳୟକୁ ଟାର୍ଗେଟ କରାଯାଇଥିଲା । ଏହି ବିସ୍ଫୋରଣର ଦୃଶ୍ୟ ସୋଶାଲ ମିଡିଆରେ ଏବେ ଭାଇରାଲ ହେବାରେ ଲାଗିଛି । ତେବେ ଏହି ବିସ୍ଫୋରଣ ପଛରେ ଅଲ-ଶବାବ ଏହା ପଛରେ ରହିଥିବା ନେଇ ଅନୁମାନ କରାଯାଉଛି। ଏନେଇ ବର୍ତ୍ତମାନ ଯାଞ୍ଚ କରାଯାଉଛି।

ଏହାପୂର୍ବରୁ ସୋମବାର କିସ୍ମାୟୁରେ 9 ଜଣ ସାଧାରଣ ନାଗରିକ ଆତଙ୍କବାଦୀ ଆକ୍ରମଣର ଶିକାର ହୋଇଥିଲେ । ସୁରକ୍ଷାକର୍ମୀଙ୍କ ଦ୍ବାରା ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏଥିସହିତ ଜୁବଲ୍ୟାଣ୍ଡର ସୁରକ୍ଷାମନ୍ତ୍ରୀ ୟୁସୁଫ ହୁସୈନନ ଗଣମାଧ୍ୟମକୁ କହିଛନ୍ତି ଏହି ବିସ୍ଫୋରଣରେ ଛାତ୍ର ଏବଂ ନାଗରିକଙ୍କ ସମେତ 9 ଜଣଙ୍କର ମୃତ୍ୟୁ ଘଟିଥିବା ବେଳେ 47 ଜଣ ଆହତ ହୋଇଥିଲେ।

Published On October 30, 2022