ବାଂଲାଦେଶ ଫାୟାର ଟ୍ରାଜେଡି: 14 ମୃତ, 450 ଆହତ

ବାଲାଂଦେଶ ଚିତ୍ତଗଙ୍ଗ ସିତାକୁଣ୍ଡ ଠାରେ ଥିବା ଏକ ଘରୋଇ କଣ୍ଟେନର ଡିପୋରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ 14 ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ 450 ଜଣ ଆହତ ହୋଇଛନ୍ତି ।

ଢାକା: ବାଲାଂଦେଶ ଚିତ୍ତଗଙ୍ଗ ସିତାକୁଣ୍ଡ ଠାରେ ଥିବା ଏକ ଘରୋଇ କଣ୍ଟେନର ଡିପୋରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ 14 ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ 450 ଜଣ ଆହତ ହୋଇଛନ୍ତି । ଶନିବାର ବିଳମ୍ବିତ ରାତିରେ କୌଣସି ରାସାୟନିକ ପଦାର୍ଥ ଯୋଗୁଁ ନିଆଁ ଲାଗି ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି ।

ଘଟଣା ସମ୍ପର୍କରେ ଖବର ପାଇବା ପରେ ଅଗ୍ନିଶମ ବାହିନୀ ପହଞ୍ଚିଥିଲା। କିନ୍ତୁ ସେତେବେଳକୁ ନିଆଁ ଭୀଷଣ ଅଗ୍ନିକାଣ୍ଡର ରୂପ ନେଇସାରିଥିଲା । ଶନିବାର ରାତି ପ୍ରାୟ 9ଟା ବେଳେ ଏହି ଅଗ୍ନିକାଣ୍ଡ ଘଟିଥିଲା । ଏହାପରେ ରାତି 11ଟା 45ମିନିଟ ସମୟରେ ଏହି ଅଗ୍ନିକାଣ୍ଡ ଭୟଙ୍କର ରୂପ ନେଇଥିଲା । କଣ୍ଟେନରରେ ରାସାୟନିକ ପଦାର୍ଥ ଥିବାରୁ ଗୋଟିଏ କଣ୍ଟେନରୁ ଏନ୍ୟ କଣ୍ଟେନରକୁ ନିଆଁ ଲାଗିଥିଲା । ଚିତ୍ତଗଙ୍ଗ ସ୍ବାସ୍ଥ୍ୟ ସେବା ବିଭାଗର ମୁଖ୍ୟ ଇସ୍ତାକୁଲ ଇସଲାମଙ୍କ କହିବାନୁସାରେ ହସ୍ପିଟାଲରେ ପ୍ରାୟ 450 ଜଣ ଆହତ ହୋଇଛନ୍ତି ।

ଘଟଣାସ୍ଥଳରେ ପ୍ରାୟ 19ଟି ଦମକଳ ଗାଡ଼ି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିବା ବେଳେ ଆହତଙ୍କୁ ଡାକ୍ତରଖାନାକୁ ନେବାକୁ 6ଟି ଆମ୍ବୁଲାନ୍ସ ମଧ୍ୟ ରହିଥିଲା । ଚିକିତ୍ସିତ ଆହତଙ୍କ ଅବସ୍ଥା ଗୁରୁତର ଥିବା ଜଣାପଡିଛି। ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ଅଗ୍ନିଶମ ବିଭାଗର ଅଧିକାରୀ କହିଛନ୍ତି ।

English summary

A major accident took place in Chittagong, Bangladesh last night. In fact, at least 16 people have been killed and more than 450 injured in the fire in the container depot here. According to the information received, this is a private depot, which is located in Sitakunda Upazila.