ଭୂକମ୍ପରେ ଥରିଲା ନ୍ୟୁଜିଲାଣ୍ଡ , ରିକ୍ଟର ସ୍କେଲରେ ତୀବ୍ରତା ୬.୮ରେକର୍ଡ

ନ୍ୟୁଜିଲାଣ୍ଡର ରିଭରଟନ ଉପକୂଳରେ ମଙ୍ଗଳବାର 6.8 ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ (USGS) ଏକ ପୋଷ୍ଟ ମାଧ୍ୟମରେ ଭୂମିକମ୍ପ ବିଷୟରେ ସୂଚନା ଶେୟାର କରିଛି। ରିଭରଟନର ପଶ୍ଚିମ-ଦକ୍ଷିଣପଶ୍ଚିମ (WSW) ୧୫୯ କିଲୋମିଟର ଦୂରରେ ଭୂମିକମ୍ପ ଅନୁଭୂତ ହୋଇଥିଲା।

ଏହାର କେନ୍ଦ୍ରସ୍ଥଳ ଭୂମିଠାରୁ ୧୦ କିଲୋମିଟର (୬.୨୧ ମାଇଲ) ଗଭୀରତାରେ ଥିଲା। ଭୂକମ୍ପ ଅନୁଭୂତ ହେବା କ୍ଷଣି ଲୋକେ ଘରୁ ଦୌଡିଥିଲେ। ବର୍ତ୍ତମାନ ପର୍ଯ୍ୟନ୍ତ, ଭୂମିକମ୍ପ ଯୋଗୁ କୌଣସି କ୍ଷୟକ୍ଷତିର ରିପୋର୍ଟ ମିଳିନାହିଁ।

ନ୍ୟୁଜିଲାଣ୍ଡର ଇତିହାସର ସବୁଠାରୁ ବଡ଼ ଭୂମିକମ୍ପ ୧୯୩୧ ମସିହାରେ ହକ୍ସ ବେ ଅଞ୍ଚଳରେ ହୋଇଥିଲା, ଯାହାର ତୀବ୍ରତା ୭.୮ ଥିଲା ଏବଂ ଏଥିରେ ୨୫୬ ଜଣଙ୍କର ମୃତ୍ୟୁ ହୋଇଥିଲା। ଏହି ଭୂମିକମ୍ପ ନ୍ୟୁଜିଲାଣ୍ଡର ଇତିହାସର ସବୁଠାରୁ ଭୟଙ୍କର ଭୂମିକମ୍ପ ମଧ୍ୟରୁ ଗୋଟିଏ, ଯାହା ଦେଶରେ ଭୂମିକମ୍ପ ସୁରକ୍ଷାର ଗୁରୁତ୍ୱକୁ ଦର୍ଶାଏ।