କାହିଁକି ଲିଜ ଟ୍ରସ୍ ଦେଲେ ଇସ୍ତଫା, ପଢନ୍ତୁ
ନିଜ ପଦରୁ ଇସ୍ତଫା ଦେଲେ ବ୍ରିଟେନ ପ୍ରଧାନମନ୍ତ୍ରୀ। ଲିଜ୍ ଟ୍ରସ୍ ବ୍ରିଟେନର ସବୁଠାରୁ କମ ସେବା କରୁଥିବା ପ୍ରଧାନମନ୍ତ୍ରୀ ଭାବରେ ଗଣା ହେବେ।
ଲଣ୍ଡନ: ଆଜି ବ୍ରିଟେନ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ଲିଜ୍ ଟ୍ରସ୍ । ବ୍ରିଟେନର ସବୁଠାରୁ କମ ସମୟ କାର୍ଯ୍ୟରତ ପ୍ରଧାନମନ୍ତ୍ରୀ ଭାବେ ତାଙ୍କର ନାମ ଇତିହାସରେ ରହିବ । ମାତ୍ର 45 ଦିନ କାର୍ଯ୍ୟ କରିବା ପରେ ଲିଜ୍ ଇସ୍ତଫା ପ୍ରଦାନ କରିଛନ୍ତି । ଚଳିତ ବର୍ଷ ସେପ୍ଟେମ୍ବର 6 ତାରିଖରେ କାର୍ଯ୍ୟଭାର ଗ୍ରହଣ କରିଥିଲେ ଏବଂ ଆଜି ଅର୍ଥାତ ଅକ୍ଟୋବର 20, 2022 ରେ ଇସ୍ତଫା ଦେଲେ ।
ଇସ୍ତଫାର କାରଣ
ସୂଚନା ଅନୁସାରେ, କଞ୍ଜରଭେଟିଭ ଦଳ ଆସନ୍ତା ସପ୍ତାହେ ଭିତରେ ନୂଆ ପ୍ରଧାନମନ୍ତ୍ରୀ ଚୟନ କରିବେ । ଜୁଲାଇ ମାସରେ ବୋରିସ ଜନସନଙ୍କ ଇସ୍ତଫା ପରେ ଲିଜ ପ୍ରଧାନମନ୍ତ୍ରୀ ଭାର ସମ୍ଭାଳିଥିଲେ । ନିର୍ବାଚନ ପ୍ରଚାର ସମୟରେ ଲିଜ୍ ଟ୍ରସ ଟିକସ ହ୍ରାସ କରିବା ନେଇ ଦାବି କରିଥିଲେ । କିନ୍ତୁ ନିକଟରେ ସଂସଦରେ ଲିଜ ଟ୍ରସ ଆଣିଥିବା ମିନି ବଜେଟରେ ଟିକସ କମିବା ପରିବର୍ତ୍ତେ ବୃଦ୍ଧି ନେଇ ପଦକ୍ଷେପ ନେଇଥିଲେ । ଯାହାକୁ ନେଇ ଦେଖାଦେଇଥିଲା ଦଳରେ ଅସନ୍ତୋଷ। ଫଳ ସ୍ବରୂପ ଲିଜ୍ ଟ୍ରସ ନିଜ 45 ଦିନର କାର୍ଯ୍ୟକାଳ ଭିତରେ ଆଜି ଇସ୍ତଫା ଦେଇଛନ୍ତି ।
Click it and Unblock the Notifications
Sign in with Google