ସାମୁଦ୍ରିକ ଝଡ଼ 'ଡାନିଏଲ୍' ତାଣ୍ତବ: ୨ ହଜାର ମୃତ
Libya Storm Deniel Over 2000 Feared Dead: ଉତ୍ତର ଆଫ୍ରିକା ଲିବ୍ୟାରେ ସାମୁଦ୍ରିକ ଝଡ଼ 'ଡାଲିଏଲ୍' ତାଣ୍ତବ । ପ୍ରବଳ ବର୍ଷା ଯୋଗୁଁ ଉପୁଜିଲା ବନ୍ୟା ସ୍ଥିତି । ୨ ହଜାର ଲୋକଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି । ସେହିପରି ଘର ଭଙ୍ଗିଯିବା ସହ ପାଣି ପସିଯିବା କାରଣରୁ ହଜାରରୁ ଅଧିକ ଲୋକ ନିଖୋଜ ଅଛନ୍ତି ।
ପ୍ରଧାନମନ୍ତ୍ରୀ ଓସାମା ହେମାଦ୍ କହିଛନ୍ତି ଯେ, ଡର୍ନା ସହରରେ 2,000ରୁ ଅଧିକ ଲୋକଙ୍କର ମୃତ୍ୟୁ ହେବାର ଆଶଙ୍କା ରହିଛି ଏବଂ ହଜାର ହଜାର ଲୋକ ନିଖୋଜ ଥିବା ନେଇ ସୂଚନା ରହିଛି । ଲିବିଆରେ ପ୍ରଧାନମନ୍ତ୍ରୀ ତିନି ଦିନ ଶୋକ ଘୋଷଣା କରିଛନ୍ତି। ଏହି ଅବଧି ମଧ୍ୟରେ ସାରା ଦେଶରେ ପତାକା ଅଧା ନଇଁ ରହିବା ନେଇ ସୂଚନା ରହିଛି ।
ସୂଚନା ଅନୁସାରେ, ବର୍ତ୍ତମାନ ଲିବିଆର ସ୍ଥିତି ଭୟାଭୟ ରହିଛି । ସୋସିଆଲ ମିଡିଆରେ ଭିଡିଓରେ ଭାଇରାଲ ହେଉଥିବା ଭିଡିଓରେ ଜଳମଗ୍ନ କାର, ଭୁଶୁଡ଼ି ପଡ଼ିଥିବା ଘର ଏବଂ ରାସ୍ତାରେ ଜଳ ପ୍ରବାହିତ ହେଉଥିବାର ଦେଖିବାର ମିଳୁଛି । ଘୂର୍ଣ୍ଣିବଳୟ ଡାନିଏଲ ସହରରେ ଅନେକ ଘର ନଷ୍ଟ କରିଦେଇଛି। ଦୁଇଟି ପୁରୁଣା ବନ୍ଧ ଭାଙ୍ଗିବା ପରେ ଦୁଇଟି ସହର ସମ୍ପୂର୍ଣ୍ଣ ଜଳମଗ୍ନ ହୋଇଯାଛି ।
Click it and Unblock the Notifications
Sign in with Google