ପାକିସ୍ତାନରେ ଜଳ ପ୍ରଳୟ, ୪୦୦ରୁ ଅଧିକ ଲୋକ ନିଖୋଜ

ପାକିସ୍ତାନର ଖାଇବର ପଖ୍‍ତୁନଖ୍ୱା ଅଞ୍ଚଳରେ ପ୍ରବଳ ବର୍ଷା ଯୋଗୁଁ ପ୍ରଳୟଙ୍କରୀ ବନ୍ୟା ସୃଷ୍ଟି ହୋଇଛି । ଫଳରେ ସେଠାକାର ଚାଷଜମି ସମେତ ବାସଗୃହ ଓ ଅନେକ ଭିତ୍ତିଭୂମି ନଷ୍ଟ ହୋଇଥିବା ଖବର ମିଳିଛି । ଚଳିତମାସ ୧୫ ତାରିଖ ପରଠାରୁ ପ୍ରାକୃତିକ ବିପର୍ଯ୍ୟୟରେ ୪୦୦ରୁ ଅଧିକ ଲୋକ ନିଖୋଜ ଥିବା କୁହାଯାଇଛି ।

ବନ୍ୟାଜନିତ ବିଭୀଷିକା ପରେ ସେହି ଅଞ୍ଚଳରେ ଜଳବାହିତ ରୋଗ ଓ ଚର୍ମରୋଗ ବୃଦ୍ଧି ପାଇଛି । ସୂଚନା ମୁତାବକ ହଇଜା, ଗ୍ୟାଷ୍ଟ୍ରିକ୍‍, ଡେଙ୍ଗୁ ଏବଂ ମେଲେରିଆ ଭଳି ରୋଗ ବୃଦ୍ଧି ପାଇବାରେ ଲାଗିଛି । ପାକିସ୍ତାନ ସରକାର ଏବଂ ସ୍ୱେଚ୍ଛାସେବୀ ସଂସ୍ଥାଗୁଡ଼ିକ ପକ୍ଷରୁ ସେଠାରେ ସ୍ଥାପନ କରାଯାଇଥିବା ମେଡ଼ିକାଲ କ୍ୟାମ୍ପରେ ଅନେକ ଲୋକ ଚିକିତ୍ସିତ ହେଉଛନ୍ତି ।