କାନାଡା ପ୍ରଧାନମନ୍ତ୍ରୀ ପଦରୁ ଜଷ୍ଟିନ ଟ୍ରୁଡୋଙ୍କ ଇସ୍ତଫା, ଜାଣନ୍ତୁ କାରଣ

Justin Trudeau: ଦଳର ନେତୃତ୍ୱକୁ ନେଇ ବିବାଦ ଲାଗି ରହିଥିବା ବେଳେ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ନିଜ ପଦରୁ ଇସ୍ତଫା ଘୋଷଣା କରିଛନ୍ତି । ତାଙ୍କର ଅଧିକାଂଶ ଲିବରାଲ୍ ପାର୍ଟି ସାଂସଦଙ୍କ ବିରୋଧ ପରେ, ପୂର୍ବରୁ ଏକ ସଂଖ୍ୟାଲଘୁ ସରକାର ଚଳାଇବା ତାଙ୍କ ପାଇଁ କଷ୍ଟସାଧ୍ୟ ହୋଇପଡିଥିଲା।

ଗତ ମାସରେ ଟ୍ରୁଡୋ ସରକାର ଏକ ବଡ଼ ଧରଣର ଅସୁବିଧାର ସମ୍ମୁଖୀନ ହୋଇଥିଲେ ଯେତେବେଳେ ଏହାର ଅର୍ଥମନ୍ତ୍ରୀ କ୍ରିଷ୍ଟିଆ ଫ୍ରିଲାଣ୍ଡ ତାଙ୍କ ପଦରୁ ଇସ୍ତଫା ଦେଇଥିଲେ ଏବଂ ଏହା ପରେ ଇସ୍ତଫା ଦେବା ପାଇଁ ତାଙ୍କ ଉପରେ ପ୍ରବଳ ଚାପ ପଡିଥିଲା । ଜଷ୍ଟିନ ଟ୍ରୁଡୋ ୨୦୧୫ରୁ କାନାଡାର ପ୍ରଧାନମନ୍ତ୍ରୀ ଥିଲେ ।

ଲିବରାଲ୍ ପାର୍ଟିର ନୂତନ ନେତା ନିର୍ବାଚିତ ନହେବା ପର୍ଯ୍ୟନ୍ତ ସେ ପ୍ରଧାନମନ୍ତ୍ରୀ ରହିବାକୁ ଘୋଷଣା କରିଛନ୍ତି। ସେ କହିଛନ୍ତି, "ମୁଁ ଯୁଦ୍ଧରୁ ସହଜରେ ପଛଘୁଞ୍ଚା ଦେଇ ନାହିଁ, ବିଶେଷ କରି ଯେତେବେଳେ ଏହା ଆମ ଦଳ ତଥା ଆମ ଦେଶ ପାଇଁ ଗୁରୁତ୍ୱପୂର୍ଣ୍ଣ ସ୍ଥିତିରେ ରହିଥାଏ ।