ଅସ୍ତ୍ରବିରତି ପରେ ଗାଜା ଉପେର ଇଶ୍ରାଏଲର ଡ୍ରୋନ୍ ଆଟାକ୍ !

ଇସ୍ରାଏଲୀ ସେନା ରବିବାର ଗାଜା ଷ୍ଟ୍ରିପରେ ଚାରି ଜଣ ପାଲେଷ୍ଟାଇନୀଙ୍କୁ ହତ୍ୟା କରିଛି। "ଗାଜା ଷ୍ଟ୍ରିପର ଉତ୍ତରରେ ଥିବା ବେଇଟ୍ ହାନୌନ୍ ସହରରେ ସ୍ଥାନୀୟ ଲୋକଙ୍କ ଏକ ଗୋଷ୍ଠୀ ଉପରେ ଡ୍ରୋନ୍ ଆଟାକ୍ କରିଥିଲା । ଯେଉଁଥିରେ ଦୁଇଜଣ ପାଲେଷ୍ଟାଇନୀଙ୍କ ମୃତ୍ୟୁ ହୋଇଥିବା ନେଇ ଗାଜାସ୍ଥିତ ସ୍ୱାସ୍ଥ୍ୟ ଅଧିକାରୀମାନେ ଏକ ପ୍ରେସ୍ ବିବୃତ୍ତିରେ ସୂଚନା ଦେଇଛନ୍ତି ।

ଇସ୍ରାଏଲୀ ସୈନିକ ସାଧାରଣ ନାଗରିକଙ୍କ ପ୍ରତି ଯେକୌଣସି ସମ୍ଭାବ୍ୟ ବିପଦକୁ ଦୂର କରିବା ପାଇଁ ସାମରିକ ପ୍ରତିବଦ୍ଧତାକୁ ଦୋହରାଇଥିଲା। ସ୍ଥାନୀୟ ସୂତ୍ର ଏବଂ ପ୍ରତ୍ୟକ୍ଷଦର୍ଶୀମାନେ ବାୟୁସେନା ଆକ୍ରମଣ ଯୋଗୁଁ ବେଇଟ୍ ହାନୌନର ପୂର୍ବ ଅଞ୍ଚଳରୁ ଶହ ଶହ ପରିବାରର ବ୍ୟାପକ ସ୍ଥାନାନ୍ତର ହୋଇଥିବା ରିପୋର୍ଟ ରହିଛି ।

ଗାଜାସ୍ଥିତ ସ୍ୱାସ୍ଥ୍ୟ ଅଧିକାରୀଙ୍କ ଅନୁଯାୟୀ, ଦକ୍ଷିଣ ଗାଜାର ଖାନ ୟୁନିସର ପୂର୍ବରେ ଥିବା ଅଲ-ଫାରାହିନ ସହରରେ ଇସ୍ରାଏଲୀ ବୋମା ମାଡ଼ ପରେ ଏକ ପୃଥକ ଘଟଣାରେ, ଡାକ୍ତରୀ ଦଳ ଜଣେ ମହିଳାଙ୍କ ମୃତଦେହ ଉଦ୍ଧାର କରିଥିଲା ।

ଗାଜର ଖାନ ୟୁନିସରେ ଥିବା ୟୁରୋପୀୟ ହସ୍ପିଟାଲର ପାଲେଷ୍ଟାଇନୀ ଡାକ୍ତରୀ ସୂତ୍ର ଅନୁଯାୟୀ, ରାଫାରେ, ସହରର କେନ୍ଦ୍ରରେ ଥିବା ଜଣେ ଯୁବକଙ୍କୁ ତାଙ୍କ ଘର ଛାତ ଉପରେ ଠିଆ ହୋଇଥିବା ସମୟରେ ଗୁଳି କରି ହତ୍ୟା କରାଯାଇଥିଲା। ଖାନ ୟୁନିସ ଏବଂ ରାଫାରେ ଘଟିଥିବା ଘଟଣା ଉପରେ ଇସ୍ରାଏଲୀ ସେନା କୌଣସି ମନ୍ତବ୍ୟ ଦେଇନାହିଁ। ଇସ୍ରାଏଲ ଏବଂ ହମାସ ମଧ୍ୟରେ ପ୍ରଥମ ପର୍ଯ୍ୟାୟ ଅସ୍ତ୍ରବିରତି ଚୁକ୍ତିନାମା ଶେଷ ହେବାର ଗୋଟିଏ ଦିନ ପରେ ଏହି ଘଟଣା ଘଟିଛି। ଏହା ପରେ, ଦ୍ୱିତୀୟ ପର୍ଯ୍ୟାୟ ଉପରେ ଆଲୋଚନା ହେବ।