ପୁଣି ଗାଜା ଡାକ୍ତରଖାନା ଉପରେ ଏୟାରଷ୍ଟ୍ରାଇକ୍, ଆମେରିକା ରାଷ୍ଟ୍ରପତି ବାଇଡେନଙ୍କୁ ଦାୟୀ କଲା ହମାସ

Israel Storms Gaza Hospita Again: ଭୟଙ୍କର ହେଉଛି ଇସ୍ରାଏଲ-ହମାସ ଯୁଦ୍ଧ । ଏହାରି ମଧ୍ୟରେ ପୁଣି ଥରେ ଇସ୍ରାଏଲ ଗାଜାର ସବୁଠାରୁ ବଡ଼ ହସ୍ପିଟାଲ ଉପରେ ଏୟାରଷ୍ଟ୍ରାଇକ୍ କରିଛି । ଏନେଇ ବୁଧବାର ସକାଳେ ଇସ୍ରାଏଲ୍ ସୈନ୍ୟବାହିନୀ ପକ୍ଷରୁ ସୂଚନା ଦିଆଯାଇଛି । ଇସ୍ରାଏଲ ଯବାନ ଗାଜା ସହରର ସବୁଠୁ ବଡ ଡାକ୍ତରଖାନା ଅଲ-ଶିଫାର ଏକ ନିର୍ଦ୍ଦିଷ୍ଟ ଅଂଶରେ ପ୍ରବେଶ କରିଛନ୍ତି। ଇସ୍ରାଏଲ୍ ପ୍ରତିରକ୍ଷା ବାହିନୀ (IDF) ଦାବି କରିଛି ଯେ ହମାସ୍ ଆତଙ୍କବାଦୀ ଗୋଷ୍ଠୀ ଡାକ୍ତରଖାନା ଭିତରେ ଏକ କମାଣ୍ଡ ସେଣ୍ଟର ଲୁଚି ରହିଛି । ତେବେ ଏହି ଆକ୍ରମଣରେ କେତେ ଜଣଙ୍କ ମୃତ୍ୟୁ ହୋଇଛି ସେନେଇ କୌଣସି ସୂଚନା ନାହିଁ ।

ଇସ୍ରାଏଲ୍ ପ୍ରତିରକ୍ଷା ବାହିନୀ କହିଛି ଯେ, ଏହି ସାମରିକ ଅପରେସନ ଗୁପ୍ତଚର ସୂଚନା ଏବଂ କାର୍ଯ୍ୟକ୍ଷମ ଆବଶ୍ୟକତା ଉପରେ ଆଧାରିତ। ଏହି ଅପରେସନ ହସ୍ପିଟାଲ ରୋଗୀ, ମେଡିକାଲ କର୍ମଚାରୀ କିମ୍ବା ସାଧାରଣ ନାଗରିକଙ୍କୁ କ୍ଷତି ପହଞ୍ଚାଇବା ଉଦେଶ୍ୟେରେ କରାଯାଇ ନାହିଁ ବୋଲି ଇସ୍ରାଏଲ ସେନା ପକ୍ଷରୁ ସୂଚନା ଦିଆଯାଇଛି ।

ଆଇଡିଏଫ୍ ଆହୁରି କହିଛି ଯେ, ଅପରେସନ୍ ପୂର୍ବରୁ ରୋଗୀ ଏବଂ ଆଶ୍ରୟସ୍ଥଳୀକୁ ହସ୍ପିଟାଲରୁ ବାହାର କରିବା ପାଇଁ ଉଦ୍ୟମ କରାଯାଇଥିଲା ଏବଂ ଏକ ସ୍ୱତନ୍ତ୍ର କୋରିଅର ମଧ୍ୟ ଖୋଲା ଯାଇଥିଲା। ଆଇଡିଏଫ୍ କମ୍ପାଉଣ୍ଡରେ ପ୍ରବେଶ କରିବା ପୂର୍ବରୁ ଅଲ-ଶିଫା ହସ୍ପିଟାଲର ପରିଚାଳନାକୁ ସଚେତନ କରାଯାଇଥିଲା ବୋଲି ସେନା ପକ୍ଷରୁ କୁହାଯାଇଛି। ଆଇଡିଏଫ୍ ନିଶ୍ଚିତ କରିଛି ଯେ ଅପରେସନ୍ ପରେ ଇନକ୍ୟୁବେଟର, ଚିକିତ୍ସା ଉପକରଣ ଏବଂ ଶିଶୁ ଖାଦ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯିବ। ସେହିରରି ଡାକ୍ତରଖାନାରେ ଲୁଚି ରହିଥିବା ହମାସ ଆତଙ୍କବାଦୀଙ୍କୁ ଆତ୍ମସମର୍ପଣ କରିବାକୁ ମଧ୍ୟ କୁହାଯାଇଛି ।

ଅଲ-ଶିଫା ହସ୍ପିଟାଲ ବର୍ତ୍ତମାନ 2023 ଇସ୍ରାଏଲ-ହାମାସ ଯୁଦ୍ଧର ଏକ କେନ୍ଦ୍ର ସାଜିଛି, ଯାହା ଅକ୍ଟୋବର 7 ରେ ଇସ୍ରାଏଲ ଉପରେ ହମାସ ଆକ୍ରମଣରୁ ଆରମ୍ଭ ହୋଇଥିଲା । ଯେଉଁଥିରେ ଦକ୍ଷିଣ ଇସ୍ରାଏଲରେ 1200 ରୁ ଅଧିକ ଲୋକ ପ୍ରାଣ ହରାଇଥିଲେ। ଯେଉଁଥିରେ ସାଧାରଣ ନାଗରିକ ମଧ୍ୟ ଥିଲେ ଏବଂ 11,000 ରୁ ଅଧିକ ଲୋକଙ୍କ ଜୀବନ ନେଇ ଗାଜା ଷ୍ଟ୍ରିପ ଉପରେ ଏୟାର ଷ୍ଟ୍ରାଇକ୍ ଏବଂ କ୍ଷେପଣାସ୍ତ୍ର ଆକ୍ରମଣ କରି ଇସ୍ରାଏଲ ଏହାର ପ୍ରତିଶୋଧ ନେଇଥିଲା ।

ଇସ୍ରାଏଲ-ଆମେରିକା ଦାବି କରିଛି ଯେ, କମାଣ୍ତ ଓ ବନ୍ଧକମାନଙ୍କୁ ଲୁଚାଇବା ପାଇଁ ହମାସ ସଦସ୍ୟମାନେ ଅଣ୍ତରଗ୍ରାଉଣ୍ତ ଟନେଲ ଦରିଆରେ ଗାଜା ସ୍ଥିତ ଡାକ୍ତରଖାନାର ବ୍ୟବହାର କରାଯାଉଛି । ସେହିପରି ଜାତିସଂଘ ଆକଳନ କରିଛି ଯେ, ଅତି କମରେ 2300ରୋଗୀ, କର୍ମଚାପୀ ଏବଂ ବିସ୍ଥାପିକ ସାଧାରଣ ନାଗରିକ ଡାକ୍ତରଖାନା ମଧ୍ୟରେ ରହିଛନ୍ତି । ଅନ୍ୟପକ୍ଷରେ ଡାକ୍ତରଖାନାରେ ହୋଇଥିବା ଏୟାରଷ୍ଟ୍ରାଇକ ପାଇଁ ଆମେରିକା ରାଷ୍ଟ୍ରପତି ଜୋ.ବାଇଡେନଙ୍କୁ ଦାୟି କରିଛି ହମାସ ।

English summary

Israel Storms Gaza Hospita Again.