ରାଗରେ ଜର୍ଜରିତ ଇରାନ, ଦୁଇ ମାସରେ ୩୦୦ ଜଣଙ୍କୁ ଦେଲାଣି ଫାଶୀ, କାରଣ ଜାଣିଲେ ଆପଣ ବି ହେବେ ଆଶ୍ଚର୍ଯ୍ୟ
ଇସ୍ରାଏଲ ସହିତ ଯୁଦ୍ଧବିରତି ପରେ ଇରାନ ଏବେ ଦେଶ ମଧ୍ୟରେ ରହୁଥିବା ଶତ୍ରୁମାନଙ୍କୁ ବିଶେଷକରି ମୋସାଦ ଗୁପ୍ତଚରମାନଙ୍କୁ ଚିହ୍ନଟ କରି ଦଣ୍ଡଦେବା ଆରମ୍ଭ କରିଛି । ଇରାନ ଉପରେ ଇସ୍ରାଏଲର ଆକ୍ରମଣ ବେଳେ ଏହି ଗୁପ୍ତଚରମାନେ ଇରାନ ମଧ୍ୟରେ ରହି ଇରାନର ପରମାଣୁ ବିଜ୍ଞାନି ଓ ସେନା ଅଧିକାରୀମାନଙ୍କ ସମ୍ପର୍କିତ ସୂଚନା ପ୍ରଦାନ କରୁଥିଲେ ।
ନିକଟରେ ଗୋଟିଏ ଦିନ ମଧ୍ୟରେ ତିନି ଜଣଙ୍କୁ ଫାଶୀ ଦିଆଯାଇଥିଲା। ସେମାନଙ୍କ ଉପରେ ଇସ୍ରାଏଲୀ ଗୁଇନ୍ଦା ସଂସ୍ଥା ମୋସାଦ ପାଇଁ କାମ କରିବା ଏବଂ ଦେଶରେ ହତ୍ୟା ଷଡ଼ଯନ୍ତ୍ରରେ ସାମିଲ ଥିବା ଅଭିଯୋଗ ହୋଇଥିଲା। ଇରାନୀ ସମାଚାର ଏଜେନ୍ସି ମିଜାନ ଅନୁଯାୟୀ, ଏହି ଲୋକମାନେ ଇସ୍ରାଏଲକୁ ସମ୍ବେଦନଶୀଳ ଉପକରଣ ଚୋରା ଚାଲାଣ କରିଥିଲେ। ଗତ ଦୁଇ ମାସ ମଧ୍ୟରେ ମୋସାଦ ସହିତ ଜଡିତ ଅନେକ ଲୋକଙ୍କୁ ଗିରଫ କରାଯାଇଛି ଏବଂ ପ୍ରାୟ ୩୦୦ ଜଣଙ୍କୁ ମୃତ୍ୟୁଦଣ୍ଡ ଦିଆଯାଇଛି। ଇରାନୀ ମାନବାଧିକାର ସଂଗଠନଗୁଡ଼ିକ ଦାବି କରିଛନ୍ତି ଯେ ୨୦୨୪ ରେ ଏପର୍ଯ୍ୟନ୍ତ ୯୦୦ରୁ ଅଧିକ ଲୋକଙ୍କୁ ଫାଶୀ ଦିଆଯାଇଛି। ଏହି କାର୍ଯ୍ୟ ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଉତ୍ତେଜନାକୁ ପ୍ରତିଫଳିତ କରେ। ତଥାପି, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଇ ଦେଶ ମଧ୍ୟରେ ଯୁଦ୍ଧବିରତି ଘୋଷଣା କରିଥିଲେ।
Click it and Unblock the Notifications
Sign in with Google