ପାକିସ୍ତାନରେ ଇଣ୍ଟରନେଟ୍ ସେବା ବନ୍ଦ, ପାକିସ୍ତାନ ଆଭ୍ୟନ୍ତରୀଣ ବ୍ୟାପାର ମନ୍ତ୍ରଣାଳୟ ପକ୍ଷରୁ ନିଷ୍ପତ୍ତି
ପାକିସ୍ତାନ ସରକାର ଇସଲାମବାଦ ଏବଂ ରାୱଲପିଣ୍ଡିରେ ମୋବାଇଲ ଇଣ୍ଟରନେଟ ସେବାକୁ ବନ୍ଦ କରିଦିଆଯାଇଛି । ପାକିସ୍ତାନରେ 3G/4G ଇଣ୍ଟରନେଟ୍ ସେବା ବନ୍ଦ ହୋଇଛି । ପାକିସ୍ତାନ ଆଭ୍ୟନ୍ତରୀଣ ବ୍ୟାପାର ମନ୍ତ୍ରଣାଳୟ ପକ୍ଷରୁ ନିଷ୍ପତ୍ତି ନିଆଯାଇଛି । ତେହେରିକ୍-ଏ-ଲବୈକ୍ ପାକିସ୍ତାନ(TLP)ର ବିକ୍ଷୋଭ ନେଇ ବନ୍ଦ ରହିଛି ସେବା । ରାଜଧାନୀ ଇସ୍ଲାମାବାଦକୁ ସଂଯୋଗ କରୁଥିବା ବିଭିନ୍ନ ରାସ୍ତା ସିଲ୍ କରାଯାଇଛି । ପୋଲିସ ଓ ଆନ୍ଦୋଳନକାରୀ ମୁହାଁମୁହିଁ, ଅଣାୟତ୍ତ ସ୍ଥିତି ହୋଇପଡିଛି ।
ଟିଏଲପି ଇସଲାମବାଦରେ ଆମେରିକା ଦୂତାବାସ ବାହାରେ ଇସ୍ରାଏଲ ବିପକ୍ଷରେ ବିରୋଧ ପ୍ରଦର୍ଶନ ପାଇଁ ଘୋଷଣା କରାଯାଇଛି । ଏହାଦେଖି ପାକିସ୍ତାନର ପଞ୍ଜାବ ପ୍ରାନ୍ତର ପୋଲିସର ପ୍ରମୁଖ ସାଦ ହୁସୈନ ରିଜଭୀଙ୍କୁ ଗିରଫ କରିବା ପାଇଁ ଲାହୋର ଟିଏଲପି ମୁଖ୍ୟାଳୟରେ ଛାପା ମାରିଛି । ପଞ୍ଜାବ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରେ ସହରରେ ହିଂସା ଦେଖିବାକୁ ମିଳିଛି ।
ଟିଏଲପି ମୁଖ୍ୟାଳୟ ନିକଟରେ ପୋଲିସକର୍ମୀ ନିୟୋଜିତ ରହିଛନ୍ତି । ସ୍ଥାନୀୟ ଅଞ୍ଚଳରେ ସ୍ଥିତି ଉତ୍ତେଜନାପୂର୍ଣ୍ଣ ରହିଛି । ସେପଟେ ଟିଏଲପି ଦାବି କରିଛି କି, ପୋଲିସ ସହିତ ମୁହାଁମୁହିରେ ଜଣେ କାର୍ଯ୍ୟକର୍ତ୍ତା ଜୀବନ ଯାଇଥିବା ବେଳେ ୨୦ ଜଣ ଆହତ ହୋଇଛନ୍ତି । ପୋଲିସ ଟିଏପି ପ୍ରମୁଖ ବିରୋଧରେ ଗିରଫ ୱାରେଣ୍ଟ ଜାରି କରି ମୁଖ୍ୟାଳୟରେ ଚଢାଉ କରିଥିଲା । କିନ୍ତୁ ଏଠାରେ ପୋଲିସ ଆକ୍ରମଣର ଶିକାର ହୋଇଥିଲା । ଟିଏଲପି କାର୍ଯ୍ୟକର୍ତ୍ତା ପୋଲିସକର୍ମୀ ଉପରେ ପଥରମାଡ଼ ଏବଂ ଲୁହାରେ ଆକ୍ରମଣ କରିଥିଲା ।
Click it and Unblock the Notifications
Sign in with Google