ହମାସ ୟାହିୟା ସିନୱାରଙ୍କ ମୃତ୍ୟୁକୁ ସ୍ୱିକାର କଲା, ନୂଆ ମୁଖ୍ୟ ହେଲେ Khalil Hayya

Hamas New Chief Khalil Hayya: ଗୁରୁବାର ଇସ୍ରାଏଲ ଏୟାରଷ୍ଟ୍ରାଇକରେ ହମାସ ମୁଖ୍ୟ ୟାହିୟା ସିନୱାରଙ୍କର ମୃତ୍ୟୁ ହୋଇଛି । ଯାହା ପରେ ବର୍ତ୍ତମାନ ହମାସ ନିଜର ନୂତନ ନେତା ଚୟନ କରିଛି । ଖଲିଲ ୟାହିୟାଙ୍କୁ ନୂତନ ମୁଖ୍ୟ କରାଯାଇଛି। ବର୍ତ୍ତମାନର ବିବାଦରେ ହମାସର ଶୀର୍ଷ ନେତୃତ୍ୱର ବହୁ ବିଶିଷ୍ଟ ସଦସ୍ୟଙ୍କର ମୃତ୍ୟୁ ହୋଇଛି ।

ଏପରିସ୍ଥିତିରେ ସିନୱାରଙ୍କ ଉତ୍ତରାଧିକାରୀଙ୍କ ବିଷୟରେ କିଛି ନାମକୁ ନେଇ ଆଲୋଚନା ହୋଇଥିଲା। ଏଥିରେ ଖଲିଲ ୟାହିୟାଙ୍କ ନାଁ ମଧ୍ୟ ସାମିଲ ଥିଲା । ଯାହା ପରେ ଖଲିଲ ୟାହିୟାଙ୍କୁ ହମାସର ମୁଖ୍ୟ ଭାବେ ଚୟନ କରାଯାଇଛି । ଖଲିଲ ୟାହିୟା ବର୍ତ୍ତମାନ କତାରରେ ରୁହନ୍ତି । 2007 ରେ ଗାଜାରେ ଇସ୍ରାଏଲର ଏୟାର ଷ୍ଟ୍ରାଇକ୍ ସମୟରେ ତାଙ୍କର ପୁରା ପରିବାରର ମୃତ୍ୟୁ ଘଟିଥିଲା।

ଚଳିତ ବର୍ଷ ଏପ୍ରିଲରେ ଅସ୍ତ୍ରବିରତି ଉଲ୍ଲଂଘନ ମଧ୍ୟରେ ଅଲ-ୟାହିୟା ପାଞ୍ଚ ବର୍ଷ କିମ୍ବା ଅଧିକ ସମୟ ପାଇଁ ଇସ୍ରାଏଲ ସହ ଅସ୍ତ୍ରବିରତି ଉଲ୍ଲଂଘନ କରିବାକୁ ରାଜି ହେବାକୁ ଇଚ୍ଛା ପ୍ରକାଶ କରିଥିଲେ। ଆସୋସିଏଟେଡ୍ ପ୍ରେସ ଅନୁଯାୟୀ ସେ କହିଛନ୍ତି ଯେ ଯଦି ଏକ ସ୍ୱାଧିନ ପାଲେଷ୍ଟାଇନ ରାଷ୍ଟ୍ର ପ୍ରତିଷ୍ଠା ହୁଏ ତେବେ ହମାସ ନିଜର ଅସ୍ତ୍ର ଛାଡି ଏକ ରାଜନୈତିକ ଦଳରେ ପରିଣତ ହେବ।