ମିସାଇଲ ମାଡ଼କଲା ଉତ୍ତରକୋରିଆ, ଜାପାନରେ ଜରୁରୀକାଳୀନ ପରିସ୍ଥିତି ଜାରି

ଉତ୍ତର କୋରିଆ ଆଜି ସମୁଦ୍ର ଆଡକୁ ଏକାଧିକ ବାଲିଷ୍ଟିକ୍‍ କ୍ଷେପଣାସ୍ତ୍ର ନିକ୍ଷେପ କରିବା ପରେ ଜାପାନ ଜରୁରୀକାଳୀନ ପରିସ୍ଥିତି ଜାରି କରିଛି । ଦକ୍ଷିଣ କୋରିଆର ଯୁଗ୍ମ ମୁଖ୍ୟ କର୍ମଚାରୀ ଏକ ବିବୃତ୍ତିରେ କହିଛନ୍ତି, ଉତ୍ତର କୋରିଆର ରାଜଧାନୀ ଅଞ୍ଚଳରୁ ଅନେକ ବାଲିଷ୍ଟିକ କ୍ଷେପଣାସ୍ତ୍ର ନିକ୍ଷେପ ଚିହ୍ନଟ ହୋଇଛି ।

ଆମେରିକା ସେନା ପକ୍ଷରୁ କୁହାଯାଇଛି, ଉତ୍ତର କୋରିଆର ଏହି କ୍ଷେପଣାସ୍ତ୍ର ପରୀକ୍ଷଣ ସମ୍ପର୍କରେ ଆମେରିକା ସଚେତନ ରହିଛି । ଦକ୍ଷିଣ କୋରିଆର ରାଷ୍ଟ୍ରପତି ଲି ଜେ ମ୍ୟୁଙ୍ଗ୍‍' ଚୀନ୍‍ ରାଷ୍ଟ୍ରପତି ଷି ଜନ୍‍ପିଙ୍ଗ୍‍ଙ୍କ ସହ ବେଜିଂଠାରେ କଥାବାର୍ତ୍ତା ଲାଗି ପ୍ରସ୍ତୁତ ହେଉଥିବା ପରିପ୍ରେକ୍ଷୀରେ ଆମେରିକା ପକ୍ଷରୁ ଏହା କୁହାଯାଇଛି ।

ଆମେରିକା' ସେହି ଅଞ୍ଚଳର ସୁରକ୍ଷା ପ୍ରତି ଦୃଢ଼ ପ୍ରତିଶ୍ରୁତିବଦ୍ଧ ବୋଲି କହିଛି । ଆମେରିକା ରାଷ୍ଟ୍ରପତି ଡୋନାଲ୍‍ ଟ୍ରମ୍ପ' ଭେଞ୍ଜୁଏଲାର ରାଷ୍ଟ୍ରପତି ନିକୋଲାସ ମଦୁରୋ'ଙ୍କ ବିରୋଧରେ କରିଥିବା କାର୍ଯ୍ୟାନୁଷ୍ଠାନ ପରେ ଉତ୍ତର କୋରିଆ ପକ୍ଷରୁ ଏପରି କ୍ଷେପଣାସ୍ତ୍ର ପରୀକ୍ଷଣ କରାଯାଇଥିବା ସୂଚନା ମିଳିଛି । ଏହି ପରୀକ୍ଷଣ ହେଉଛି ଚଳିତ ସପ୍ତାହରେ ଉତ୍ତର କୋରିଆ ପକ୍ଷରୁ ସଦ୍ୟତମ ସାମରିକ ପ୍ରଦର୍ଶନ ବୋଲି କୁହାଯାଇଛି ।