ହିନ୍ଦୁମାନଙ୍କ ଉପରେ ଆକ୍ରମଣ ମଧ୍ୟରେ ବାଂଲାଦେଶରେ ପହଞ୍ଚିଲେ ବୈଦେଶିକ ସଚିବ ବିକ୍ରମ ମିଶ୍ରି , ହେବ ଉଚ୍ଚସ୍ତରୀୟ ଆଲୋଚନା
ବୈଦେଶିକ ସଚିବ ବିକ୍ରମ ମିଶ୍ରି ଏକ ଦିନିଆ ଗସ୍ତରେ ସୋମବାର ବାଂଲାଦେଶରେ ପହଞ୍ଚିଛନ୍ତି। ଅଗଷ୍ଟରେ ପ୍ରଧାନମନ୍ତ୍ରୀ ଶେଖ ହସିନା ସରକାରଙ୍କ ବହିଷ୍କାର ପରେ ଏହା ଭାରତରୁ ପ୍ରଥମ ଉଚ୍ଚ ସ୍ତରୀୟ ଗସ୍ତ। ମିସ୍ରିଙ୍କ ଗସ୍ତ ହାସିନାଙ୍କୁ କ୍ଷମତାରୁ ହଟାଇବା ପରେ ବାଂଲାଦେଶରେ ହିନ୍ଦୁ ସମେତ ସଂଖ୍ୟାଲଘୁଙ୍କ ଉପରେ ହୋଇଥିବା ଆକ୍ରମଣକୁ ନେଇ ନୂଆଦିଲ୍ଲୀ ଏବଂ ଢ଼ାକା ମଧ୍ୟରେ ସମ୍ପର୍କକୁ ନେଇ ତିକ୍ତତା ବଢିଛି।
ବାଂଲାଦେଶର କାର୍ଯ୍ୟକାରୀ ବୈଦେଶିକ ମନ୍ତ୍ରୀ ମହମ୍ମଦ ତାହିଦ୍ ହୁସେନ୍ଙ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି। ଢ଼ାକା ସହିତ ହିନ୍ଦୁମାନଙ୍କ ଉପରେ ହୋଇଥିବା ଆକ୍ରମଣକୁ ନେଇ ସେ ଭାରତର ଚିନ୍ତା ପ୍ରକଟ କରୁଛି ।
ଚଳିତ ବର୍ଷ ଅଗଷ୍ଟରେ ସରକାର ବିରୋଧ ଯୋଗୁଁ ହସିନା ଦେଶ ଛାଡିବାକୁ ବାଧ୍ୟ ହୋଇଥିଲେ, ଯାହା ପରେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କ ତିକ୍ତ ହୋଇପଡିଥିଲା। ହସିନା ଭାରତରେ ଆଶ୍ରୟ ନେବାର କିଛି ଦିନ ପରେ ୟୁନୁସ ମଧ୍ୟବର୍ତ୍ତୀକାଳୀନ ସରକାରର ଦାୟିତ୍ଵ ଗ୍ରହଣ କରିଥିଲେ।
ଗତ ସପ୍ତାହରେ ବାଂଲାଦେଶରେ ହିନ୍ଦୁମାନଙ୍କ ଉପରେ ଆକ୍ରମଣ ଏବଂ ହିନ୍ଦୁ ସାଧୁ ଚିନ୍ମୟ କୃଷ୍ଣ ଦାସଙ୍କ ଗିରଫ ପରେ ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ତିକ୍ତ ହୋଇପଡିଛି। ଗତ କିଛି ସପ୍ତାହ ମଧ୍ୟରେ ପଡୋଶୀ ଦେଶରେ ହିନ୍ଦୁ ତଥା ଅନ୍ୟାନ୍ୟ ସଂଖ୍ୟାଲଘୁଙ୍କ ପ୍ରତି ହିଂସା ତଥା ମନ୍ଦିର ଉପରେ ଆକ୍ରମଣ ଭଳି ଘଟଣା ଘଟିଛି ଯାହା ଉପରେ ଭାରତ ଗଭୀର ଚିନ୍ତା ପ୍ରକଟ କରିଛି।
Click it and Unblock the Notifications
Sign in with Google