ରୁଷ-ୟୁକ୍ରେନ ଯୁଦ୍ଧ ପାଇଁ ଅନ୍ତର୍ଜାତୀୟ ବଜାରରେ ବଢୁଛି ସାର ମୂଲ୍ୟ
ବର୍ତ୍ତମାନ ଅନ୍ତର୍ଜାତୀୟ ବଜାରରେ ରସାୟନିକ ସାରର ଦର ବୃଦ୍ଧି ଚାଷୀ ପାଇଁ ମୁଣ୍ଡବିନ୍ଧାର କାରଣ ହୋଇଛି ।
Russia Ukraine War: ଋଷ-ୟୁକ୍ରେନ ଯୁଦ୍ଧ ହେତୁ ଏହି ଦୁଇ ଦେଶ ଦୁଃଖ ଭୋଗୁଛନ୍ତି, କିନ୍ତୁ ଏହା ବିଶ୍ବର ଅନେକ ଦେଶ ମଧ୍ୟ ଏଥିରେ ପ୍ରଭାବିତ ହେଉଛନ୍ତି । ବର୍ତ୍ତମାନ ଅନ୍ତର୍ଜାତୀୟ ବଜାରରେ ରସାୟନିକ ସାରର ଦର ବୃଦ୍ଧି ଚାଷୀ ପାଇଁ ମୁଣ୍ଡବିନ୍ଧାର କାରଣ ହୋଇଛି । ଏଣେ ଏପ୍ରିଲ୍ ୧ରେ କେନ୍ଦ୍ର ସରକାରଙ୍କ ପକ୍ଷରୁ ଘୋଷଣା ହେବାକୁ ଥିବା ସାର ସବ୍ସିଡି ବିଳମ୍ବିତ ହେଉଥିବାରୁ, ଆଗାମୀ ଦିନରେ ସାର ଦର ଆହୁରି ବୃଦ୍ଧି ପାଇବା ନେଇ ଆଶଙ୍କା କରିଛି ରାଜ୍ୟ କୃଷି ବିଭାଗ ।
ରାଜ୍ୟ କୃଷି ବିଭାଗ ଅନୁସାରେ, ରୁଷିଆ-ୟୁକ୍ରେନ ଯୁଦ୍ଧ ସହିତ ବିଭିନ୍ନ କାରଣରୁ ଅନ୍ତର୍ଜାତୀୟ ବଜାରରେ ରାସାୟନିକ ସାର ଦର ୩ରୁ୪ ଗୁଣ ବୃଦ୍ଧି ପାଇଛି । ଭାରତ ନିଜ ଆବଶ୍ୟକତା ଅନୁସାରେ କିଛି ସାର ନିଜେ ଉତ୍ପାଦନ କରିଥାଏ ଏବଂ ଆଉ କିଛି ବାହାରୁ ଆମଦାନି କରିଥାଏ । ନିଜ ଉତ୍ପାଦିତ ସାର ପାଇଁ ଫସ୍ଫରିକ ଏସିଡ୍, ଡିଏପି, ପଟାସିକ୍ ରକ୍ ସମେତ ଅନ୍ୟ କଞ୍ଚାମାଲ ରୁଷ, ୟୁକ୍ରେନ, କାନାଡ଼ା, ଜୋଡାନ, ଇଜିପ୍ଟ, ଓ ବେଲାରୁଷରୁ ଆମଦାନି କରିଥାଏ । ଯୁଦ୍ଧ ଯୋଗୁଁ ଏସବୁର ଦର ବୃଦ୍ଧି ପାଇଛି। ପୁଣି ମିଳୁନାହିଁ ମଧ୍ୟ ।
ରେକର୍ଡ ସ୍ତରରେ ତେଲ ଦର
ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଋଷ ଉପରେ ଆର୍ଥିକ ପ୍ରତିବନ୍ଧକ ମୁଦ୍ରାସ୍ଫୀତିକୁ ଆହୁରି ବଢ଼ାଇ ଦେଇଛି। ଆମେରିକା, ବ୍ରିଟେନ ଓ ୟୁରୋପର ଅଧିକାଂଶ ଅଂଶ ଋଷର ତେଲ କ୍ରୟ ଉପରେ ପ୍ରତିବନ୍ଧକ ଲଗାଇଛନ୍ତି କିମ୍ବା ଏଥିରୁ ତେଲ ନକିଣିବାକୁ ନିଷ୍ପତ୍ତି ନେଇଛନ୍ତି। ଏହା ବ୍ୟତୀତ ଋଷରୁ ସାର ରପ୍ତାନି ବନ୍ଦ ହେତୁ କୃଷି ମଧ୍ୟ ପ୍ରଭାବିତ ହେବ। ଏହା ଖାଦ୍ୟ ମୁଦ୍ରାସ୍ଫୀତିକୁ ଆହୁରି ବଢ଼ାଇପାରେ। ଆମେରିକାର କୃଷି କମ୍ପାନୀଗୁଡିକରେ ଛଟେଇ ସମସ୍ୟା। ୨୦୧୪ ଠାରୁ ତେଲ ଦର ରେକର୍ଡ ସ୍ତରରେ ଅଛି। ଯଦି ଏହି ମୂଲ୍ୟ ନିୟନ୍ତ୍ରଣକୁ ଆସେ ନାହିଁ, ତେବେ ମୁଦ୍ରାସ୍ଫୀତି ୧୦%ରେ ପହଞ୍ଚିପାରେ, ଯାହା ୧୯୮୧ ପରେ ସର୍ବାଧିକ।
Click it and Unblock the Notifications
Sign in with Google