ପୂର୍ବତନ ରାଷ୍ଟ୍ରପତିଙ୍କ ପୁଅକୁ ଗିରଫ କଲା ପୁଲିସ, ଜାଣନ୍ତୁ କଣ ରହିଛି ପୁରା ମାମଲା

ଶ୍ରୀଲଙ୍କାର ପୂର୍ବତନ ରାଷ୍ଟ୍ରପତି ମହିନ୍ଦା ରାଜପକ୍ଷେଙ୍କ ପୁଅ ଯୋଶିତା ରାଜପକ୍ଷେଙ୍କୁ ପୁଲିସ ଶନିବାର ଗିରଫ କରିଛି। ଦୁର୍ନୀତି ମାମଲାରେ ତାଙ୍କୁ ଗିରଫ କରାଯାଇଛି। ୨୦୧୫ରେ ମହିନ୍ଦା କ୍ଷମତାରେ ଥିବା ସମୟରେ ସମ୍ପତ୍ତି କିଣାରେ ଦୁର୍ନୀତି ନେଇ ଅଭିଯୋଗ ହୋଇଥିଲା। ଏହି ମାମଲାରେ ପୂର୍ବରୁ ତାଙ୍କ ଦାଦା ତଥା ପୂର୍ବତନ ରାଷ୍ଟ୍ରପତି ଗୋଟବାୟା ରାଜପକ୍ଷେଙ୍କୁ ବି ପୁଲିସ ପଚରାଉଚରା କରିଥିଲା।

ଅଭିଯୁକ୍ତ ୟୋଶିତା ଜଣେ ପୂର୍ବତନ ନୌସେନା ଅଧିକାରୀ। ତାଙ୍କୁ ବେଲିଟାରୁ ଗିରଫ କରାଯାଇଛି। ୨୦୧୫ ପୂର୍ବରୁ ତାଙ୍କ ପିତାଙ୍କ ରାଷ୍ଟ୍ରପତିତ୍ୱ କାଳରେ ସମ୍ପତ୍ତି କ୍ରୟରେ ଅନିୟମିତତା କରିଥିବା ଅଭିଯୋଗ ହୋଇଛି। ମହିନ୍ଦା ରାଜପକ୍ଷେଙ୍କର ତିନି ପୁଅ ଅଛନ୍ତି। ୟୋଶିତା ତାଙ୍କର ଦ୍ବିତୀୟ ପୁତ୍ର। ଏହି ମାମଲାରେ ଗତ ସପ୍ତାହରେ ୟୋଶିତାଙ୍କ କାକା ତଥା ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପକ୍ଷେଙ୍କୁ ମଧ୍ୟ ପୁଲିସ ପଚରାଉଚରା କରିଥିଲା।

ମହିନ୍ଦ୍ରା ରାଜପକ୍ଷେ ଶୁକ୍ରବାର ସୁପ୍ରିମକୋର୍ଟରେ ଏକ ମୌଳିକ ଅଧିକାର ପିଟିସନ୍ ଦାଖଲ କରିଥିବା ବେଳେ ଏହି ଗିରଫଦାରୀ ହୋଇଛି। ସେମାନଙ୍କ ସୁରକ୍ଷା ଫେରାଇ ଆଣିବା ପାଇଁ ସେ ଅଦାଲତଙ୍କ ହସ୍ତକ୍ଷେପ ଲୋଡ଼ିଛନ୍ତି। ଗତ ମାସରେ ସରକାର ସେମାନଙ୍କ ସୁରକ୍ଷା କୁ ଯଥେଷ୍ଟ ହ୍ରାସ କରିଥିଲେ। ଲେପ୍ଟନଣ୍ଟ କମାଣ୍ଡର ୟୋଶିତା ଜଣେ ପୂର୍ବତନ ନୌସେନା ଅଧିକାରୀ। ସେ ମଧ୍ୟ ଶ୍ରୀଲଙ୍କାର ରାଷ୍ଟ୍ରପତିଙ୍କ ସହାୟକ, ପ୍ରଧାନମନ୍ତ୍ରୀ ଅଫିସର ମୁଖ୍ୟ କର୍ମଚାରୀଭାବେ କାମ କରିଥିଲେ ।