Earthquake In Japan: ତାଇୱାନ ପରେ ଭୂକମ୍ପ ଝଟକାରେ ଥରିଲା ଜାପାନ

Earthquake In Japan: ତାଇୱାନ ପରେ ଭୂକମ୍ପ ଝଟକାରେ ଥରିଲା ଜାପାନ । ରିଚ୍ଟର ସ୍କେଲରେ ଏହାର ତୀବ୍ରତା 6.3ରେ ରେକର୍ଡ କରାଯାଇଛି । ଜାପାନର ହନସୁର ପୂର୍ବ ଉପକୂଳରେ କମ୍ପନ ଅନୁଭୂତ ହୋଇଥିଲା। ଭୂକମ୍ପ ଯୋଗୁଁ ହୋଇଥିବା କମ୍ପନ ଏତେ ଶକ୍ତିଶାଳୀ ଥିଲା ଯେ ଚାଇନାରେ ପ୍ରଭାବ ପଡିଥିଲା । ଜାପାନରେ ପୂ୍ର୍ବରୁ ପଡୋଶୀ ଦେଶ ତାଇୱାନରେ 7.5 ମ୍ୟାଗ୍ନିଚ୍ୟୁଡର ବଡ଼ ଭୂକମ୍ପ ହୋଇଥିଲା । ଯାହାର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ଶକ୍ତିଶାଳୀ ଭୂକମ୍ପରେ ଲୋକେ ଖୁବ୍ ଭାବିଭିତ ହୋଇ ପଡିଥିଲେ । ଏଥିରେ 9 ଜଣଙ୍କର ମୃତ୍ୟୁ ହୋଇଥିବା ନେଇ ସୂଚନା ରହିଛି ।

ୟୁରୋପୀୟ-ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର (EMSC) ରିପୋର୍ଟ କରିଛି ଯେ ଜାପାନର ହନସୁ ଦ୍ୱୀପର ପୂର୍ବ ଭାଗରେ 6.3 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ଜାପାନ 4 ପ୍ରମୁଖ ଦ୍ୱୀପପୁଞ୍ଜରେ ଗଠିତ, ଯେଉଁଥିରେ ହକ୍କାଇଡୋ, ହନସୁ, ଶିକୋକୁ ଏବଂ କ୍ୟୁଶୁ ଅନ୍ତର୍ଭୁକ୍ତ । ଟୋକିଓ ସମେତ ସମସ୍ତ ପ୍ରମୁଖ ସହର ହନସୁରେ ଉପସ୍ଥିତ । ସୂଚନା ଅନୁସାରେ, ଭୂକମ୍ପର କେନ୍ଦ୍ରସ୍ଥଳର ଗଭୀରତା 32 କିଲୋମିଟର ରହିଛି । ବୁଧବାର ଜାପାନରେ ମଧ୍ୟ ଭୂକମ୍ପ କମ୍ପନ ଅନୁଭୂତ ହୋଇଥିଲା, ଯାହାର ତୀବ୍ରତା ମଧ୍ୟ ପ୍ରାୟ 6 ରେକର୍ଡ କରାଯାଇଥିଲା ।

English summary

Earthquake in Japan after Taiwan, know full details