ଏହି ଦେଶର ରାଜକୁମାରୀ ଇନଷ୍ଚାଗ୍ରାମରେ ଦେଲେ ଛାଡପତ୍ର

Dubai Princess Divorces: ଇନଷ୍ଚାଗ୍ରାମରେ ଡିଭୋର୍ସ । ଦୁବାଇର ପ୍ରଧାନମନ୍ତ୍ରୀଙ୍କ ଝିଅ ଶେଖ ମାହରା ବିନ୍ତ ମହମ୍ମଦ ବିନ୍ ରସିଦ ଅଲ ମକତୁମ ଇନଷ୍ଟାଗ୍ରାମରେ ନିଜ ସ୍ୱାମୀ ଶେଖ ମାନା ବିନ୍ ମହମ୍ମଦ ବିନ୍ ରସିଦ ବିନ୍ ମାନ ଅଲ ମକତୁରଙ୍କୁ ଛାଡପତ୍ର ଦେଇଥିବା ନେଇ ସୂଚନା ଦେଇଛନ୍ତି । ଝିଅ ସନ୍ତାନକୁ ଜନ୍ମ ଦେବାର ଦୁଇ ମାସ ପରେ ଶେଖ ମାହରା ନିଜ ସ୍ୱାମୀଙ୍କୁ ଛାଡପତ୍ର ଦେଇଛନ୍ତି। ଶେଖ ମହାରାଙ୍କର ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଅନେକ ଲୋକ ରାଜକୁମାରୀଙ୍କୁ ପ୍ରଶଂସା କରୁଛନ୍ତି।

ଶେଖ ମାହରା ନିଜ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, 'ପ୍ରିୟ ସ୍ୱାମୀ, ଯେହେତୁ ତୁମେ ଅନ୍ୟ ସାଥିଙ୍କ ସହ ବ୍ୟସ୍ତ ଅଛ, ସେଥିପାଇଁ ମୁଁ ତୁମକୁ ଛାଡପତ୍ର ଦେଉଛି, ମୁଁ ତୁମକୁ ଛାଡପତ୍ର ଦେଉଛି, ମୁଁ ତୁମକୁ ଛାଡପତ୍ର ଦେଉଛି । ଯତ୍ନ ନିଅ ତୁମର ପୂର୍ବ ପତ୍ନୀ। ରାଜକୁମାରୀଙ୍କ ଏହି ପୋଷ୍ଟ ସୋସିଆଲ ମିଡିଆରେ ଚହଳ ସୃଷ୍ଟି କିରବାରେ ଲାଗିଛି ଏବଂ ବେଶ୍ ଭାଇରାଲ ହେଉଛି ।

ସେହିପରି ଏହି ଦମ୍ପତି ଇନଷ୍ଟାଗ୍ରାମରେ ପରସ୍ପରକୁ ଅନଫଲୋ କରିଛନ୍ତି ଏବଂ ପରସ୍ପରର ସମସ୍ତ ଫଟୋ ଡିଲେଟ୍ କରିଛନ୍ତି । ତେବେ ଏହି ପୋଷ୍ଟ ଭାଇରାଲ ହେବା ପରେ କିଛି ଲୋକ ଏହା ଅନୁମାନ କରିଥିଲେ ଯେ ଶେଖ ମାହରାଙ୍କ ଆକାଉଣ୍ଟ ହ୍ୟାକ୍ ହୋଇଯାଇଛି ।

ବାସ୍ତବରେ ଏହି ଦମ୍ପତି ଗତ ବର୍ଷ ମେ ମାସରେ ବିବାହ କରିଥିଲେ ଏବଂ 12 ମାସ ପରେ, ଶେଖ ମହରା ଏକ ଝିଅକୁ ଜନ୍ମ ଦେଇଥିଲେ । ଯାହା ପରେ ସେ ସୋସିଆଲ ମିଡିଆରେ ନିଜ ଅନୁଭୂତି ସେୟାର କରିଥିଲେ । ଏପରିକି ସେ ତାଙ୍କର ଏବଂ ତାଙ୍କ ଶିଶୁଙ୍କର ଯତ୍ନ ନେଇଥିବାରୁ ଡାକ୍ତରଖାନା କର୍ମଚାରୀଙ୍କୁ ଧନ୍ୟବାଦ ଜଣାଇଥିଲେ । ଉକ୍ତ ଫଟୋରେ ତାଙ୍କ ସ୍ୱାମୀଙ୍କୁ ମଧ୍ୟ ଦେଖିବା ପାଇଁ ମିଳିଥିଲା ।

English summary

Dubai Princess Divorces Her Husband In Instagram Post.