ଅଜ୍ଞାତ ପର୍ଯ୍ୟଟକଙ୍କ ଫଟୋ ଉଠାଇଥିଲେ ବ୍ରିଟେନ ରାଣୀ

ରାଣୀଙ୍କ ପୂର୍ବତନ ରାଜକୀୟ ସୁରକ୍ଷା ଅଧିକାରୀ ରିଚାର୍ଡ ଗ୍ରିଫିନ୍ ଙ୍କ ଏକ କ୍ଲିପ୍ ଆଜି ଟ୍ୱିଟରରେ ଭାଇରାଲ ହୋଇଛି।

| Published: Saturday, September 10, 2022, 23:56 [IST]

ଲଣ୍ଡନ: ବ୍ରିଟେନର ଦୀର୍ଘତମ କାର୍ଯ୍ୟରତ ରାଜା ରାଣୀ ଏଲିଜାବେଥ ଦ୍ୱିତୀୟଙ୍କର ଗୁରୁବାର 96 ବର୍ଷ ବୟସରେ ଦେହାନ୍ତ ହେବା ପରେ ସମଗ୍ର ବିଶ୍ୱ ଶୋକ ପାଳନ କରିଥିବା ଦେଖିବାକୁ ମିଳିଛି । ରାଣୀଙ୍କ ପୂର୍ବତନ ରାଜକୀୟ ସୁରକ୍ଷା ଅଧିକାରୀ ରିଚାର୍ଡ ଗ୍ରିଫିନ୍ ଙ୍କ ଏକ କ୍ଲିପ୍ ଆଜି ଟ୍ୱିଟରରେ ଭାଇରାଲ ହୋଇଛି। ସ୍କାଏ ନ୍ୟୁଜକୁ ଶ୍ରେୟ ଦିଆଯାଇଥିବା ଭିଡିଓ ଚଳିତ ବର୍ଷ ଜୁନ୍ ମାସରେ ରାଣୀଙ୍କ ପ୍ଲାଟିନମ୍ ଜୁବିଲି ଉତ୍ସବର ବୋଲି ଜଣାପଡୁଛି।

ଭିଡିଓରେ, ଗ୍ରିଫିନ୍ ସ୍କଟଲ୍ୟାଣ୍ଡରେ ଏକ ପିକନିକ୍ ରେ ରାଣୀ ଏଲିଜାବେଥ୍ ଦ୍ୱିତୀୟଙ୍କ ସହ ଯିବା ସମୟକୁ ମନେ ପକାଇଛନ୍ତି ଯେଉଁଠାରେ ସେମାନେ ଆମେରିକୀୟ ଅଜଣା ପର୍ଯ୍ୟଟକଙ୍କୁ ସାମନା କରିଥିଲେ । ପର୍ଯ୍ୟଟଙ୍କ ଅଜବ ତାଙ୍କ ପାଇଁ ହାସ୍ୟାସ୍ପଦ ଥିଲା । କିଛି ଆମେରିକୀୟ ପର୍ଯ୍ୟଟ ରାଣୀଙ୍କୁ ଭେଟିବା ପରେ ସେ କେଉଁଠୁ ଆସିଥିବା ସହିତ ବର୍ତ୍ତମାନ କେଉଁଠାରେ ରୁହନ୍ତି ଆଦି ପଚାରି ବୁଝିଥିଲେ । ରାଣୀ ଲଣ୍ଡନରେ ରୁହନ୍ତି , ବର୍ତ୍ତମାନ ନିକଟରେ ଏକ ହଲି ଡେ ପାଇଁ ଆସିଥିବା କହିଥିଲେ । ଏହାପରେ ପର୍ଯ୍ୟଟକ ରାଣୀଙ୍କୁ ହିଁ ମାହାରାଣୀ ଏଲିଜାବେଥଙ୍କୁ ଭେଟିଥିବା ନେଇ ପଚାରିଥିଲେ । ହେଲେ ରାଣୀ ହସି ଦେଇ କହିଥିଲେ ମୁଁ ରାଣୀଙ୍କୁ ଭେଟି ନାହିଁ ବରଂ ଗ୍ରିଫିନ ତାଙ୍କୁ ପ୍ରତିଦିନ ଭେଟନ୍ତି।

Former Royal protection officer Richard Griffin reminisces about a picnic he went on with the Queen at Balmoral and an encounter they had with two American tourists who did not realise they were in the company of the monarch.#PlatinumJubilee: https://t.co/orTd7551d3 pic.twitter.com/snTOgEoGu1
— Sky News (@SkyNews) June 3, 2022

ଏହାପରେ ପର୍ଯ୍ୟଟକ ରାଣୀଙ୍କୁ ଗ୍ରିଫିନଙ୍କ ସହିତ ଫଟୋ ପାଇଁ କହିଥିଲେ । ଏହାପରେ ଗ୍ରିଫିନ୍ କହିଛନ୍ତି ଯେ ରାଣୀ ଫଟୋ ଉଠାଇବା ପାଇଁ ବାଧ୍ୟ ହୋଇଥିଲେ। ସୁଯୋଗ ସାକ୍ଷାତ ପରେ ରାଣୀ ହସି ହସି ଗ୍ରିଫିନଙ୍କୁ କହିଥିଲେ, ସାଙ୍ଗମାନଙ୍କୁ ଫଟୋଗ୍ରାଫ ଦେଖାଇବା ବେଳେ ଖୁବ ହସ ଲାଗେ ।

ଆମକୁ ଫୋଲୋ କରନ୍ତୁ