ଚୀନରେ ଭୟଙ୍କର ଭୂସ୍ଖଳନ : ୨ ମୃତ୍ୟୁ

China Landslide: ଚୀନ୍‌ର ୟୂନାନ ପ୍ରଦେଶର ଜାଟୋଙ୍ଗ ସହରରେ ଏକ ବଡ଼ ଧରଣର ଦୁର୍ଘଟଣା ଘଟିଛି । ସୋମବାର ସକାଳେ ଭୂସ୍ଖଳନରେ ଅତି କମରେ ୮ ଜଣଙ୍କର ମୃତ୍ୟୁ ଘଟିଛି । ଏହା ବ୍ୟତୀତ ଅନେକ ଲୋକ ବର୍ତ୍ତମାନ ନିଖୋଜ ଥିବା ନେଇ ସୂଚନା ରହିଛି । ସ୍ଥାନୀୟ ସମୟ ସକାଳ 05:51 ରେ ଏହି ଭୂସ୍ଖଳନ ଘଟିଛି।

ବିବିସି ରିପୋର୍ଟ ଅନୁଯାୟୀ, ମାଟିତଳୁ ୫୦୦ ଲୋକଙ୍କୁ ଉଦ୍ଧାର କରାଯାଇଥିବା ବେଳେ ଆହୁରି ୪୭ ରୁ ଅଧିକ ଲୋକ ମାଟିତଳେ ପୋତି ହୋଇ ରହିଛନ୍ତି । ବର୍ତ୍ତମାନ ମଧ୍ୟ ଉଦ୍ଧାର କାର୍ଯ୍ୟ ଜାରି ରହିଛି । ଭୂସ୍ଖଳନ ଯୋଗୁଁ ୧୩ଟି ଘର ମାଟି ତଳେ ପୋତି ହୋଇ ରହିଛି । ଚୀନ ମିଡିଆର ସୂଚନା ଅନୁସାରେ, ପାଖାପାଖି ୨୦୦ ଯବାନ ଉଦ୍ଧାର କାର୍ଯ୍ୟରେ ଲାଗି ରହିଛନ୍ତି । ହେଲେ ଯେଉଁ ସ୍ଥାନରେ ଭୂସ୍ଖଳନ ହୋଇଛି ସେଠାରେ ତାପମାତ୍ରା ୪ ଡିଗ୍ରୀ ସେଲସିୟସ ରହିଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ହୋଇଛି ବୋଲି ସୂଚନା ରହିଛି ।

ଚୀନର ସିଓନ ଅଞ୍ଚଳରେ ପ୍ରବଳ ବର୍ଷା ଯୋଗୁଁ ଏପରି ଭୂସ୍ଖଳନ ହୋଇଛି । ଏହା ପୂର୍ବରୁ ୨୦୨୩ରେ ମଧ୍ୟ ଭୂସ୍ଖଲ ହୋଇଥିଲା ଯେଉଁଥିରେ ପ୍ରାୟ ୨୧ଜଣଙ୍କ ମୃତ୍ୟୁ ଘଟିଥିବା ନେଇ ସୂଚନା ରହିଥିଲା ।

English summary

China Landslide: 47 people buried in southwest.