କ୍ୟାପିଟାଲ ହିଲ ହିଂସା ପରେ ଡୋନାଲ୍ଡ ଟ୍ରମ୍ପଙ୍କ ଶିକ୍ଷା ଏବଂ ପରିବହନ ସଚିବଙ୍କ ଇସ୍ତଫା
ଆମେରିକାରେ କ୍ୟାପିଟାଲ ହିଲ ହିଂସା ପରେ ଡୋନାଲ୍ଡ ଟ୍ରମ୍ପଙ୍କ କ୍ୟାବିନେଟର ଦୁଇଜଣ ସଦସ୍ୟ - ଶିକ୍ଷା ସଚିବ ବେଟି ଡିଭୋସ୍ ଏବଂ ପରିବହନ ସଚିବ ଏଲେନ୍ ଚାଓ ଇସ୍ତଫା ଦେଇଛନ୍ତି ।
ୱାଶିଂଟନ୍ : ଆମେରିକାରେ କ୍ୟାପିଟାଲ ହିଲ ହିଂସା ପରେ ଡୋନାଲ୍ଡ ଟ୍ରମ୍ପଙ୍କ କ୍ୟାବିନେଟର ଦୁଇଜଣ ସଦସ୍ୟ - ଶିକ୍ଷା ସଚିବ ବେଟି ଡିଭୋସ୍ ଏବଂ ପରିବହନ ସଚିବ ଏଲେନ୍ ଚାଓ ଇସ୍ତଫା ଦେଇଛନ୍ତି ।
ଶୁକ୍ରବାର ଦିନ ଶିକ୍ଷା ସଚିବ ଡିଭୋସ୍ ଙ୍କ ଇସ୍ତଫା କାର୍ଯ୍ୟକାରୀ ହୋଇଛି । ଡିଭୋସ କହିଛନ୍ତି ଯେ, କ୍ୟାପିଟାଲ ହିଲରେ ହୋଇଥିବା ହିଂସା ତାଙ୍କ ପାଇଁ ଏକ ଇନଫ୍ଲେକ୍ସନ୍ ପଏଣ୍ଟ । ଅପରପକ୍ଷରେ ପରିବହନ ସଚିବ ଚାଓ କହିଛନ୍ତି ଯେ ଏହି ହିଂସା ଯୋଗୁଁ ସେ ବହୁତ ଅସୁବିଧାରେ ପଡ଼ିଛନ୍ତି । ସୋମବାର ଦିନ ଚାଓଙ୍କ ଇସ୍ତଫା କାର୍ଯ୍ୟକାରୀ ହେବ ।
ଗୁରୁବାର ରାଷ୍ଟ୍ରପତି ଟ୍ରମ୍ପଙ୍କୁ ଦେଇଥିବା ଇସ୍ତଫା ପତ୍ରରେ ଡିଭୋସ କହିଛନ୍ତି, "ଆମେ ଆମେରିକାର ଲୋକଙ୍କ ତରଫରୁ ଆପଣଙ୍କ ପ୍ରଶାସନର ଅନେକ ସଫଳତାକୁ ହାଇଲାଇଟ୍ କରିବା ଏବଂ ପାଳନ କରିବା ଉଚିତ୍ । ଏହା ବଦଳରେ ଆମକୁ ହିଂସାତ୍ମକ ପ୍ରଦର୍ଶନକାରୀଙ୍କ ଦ୍ୱାରା ସୃଷ୍ଟି ହୋଇଥିବା ବିଶୃଙ୍ଖଳାକୁ ମଧ୍ୟ ସମ୍ଭାଳିବାକୁ ପଡ଼ିବ । ଏଭଳି ହିଂସାତ୍ମକ ପରିସ୍ଥିତି ଆମ ଦେଶ ପାଇଁ ଅବିଶ୍ୱାସନୀୟ ଥିଲା । ଏହା ମୋ ପାଇଁ ଇନଫ୍ଲେକ୍ସନ୍ ପଏଣ୍ଟ ଅଟେ । ସେ ଆହୁରି ମଧ୍ୟ କହିଛନ୍ତି ଯେ ଆମେରିକାର ଭବିଶ୍ୟତର ପିଲାମାନେ ଏସବୁ ଦେଖୁଛନ୍ତି ଏବଂ ସେମାନେ ଆମଠାରୁ ଶିଖୁଛନ୍ତି। ।
ଏହାପୂର୍ବରୁ ପରିବହନ ସଚିବ ଚାଓ ମଧ୍ୟ ତାଙ୍କ ଇସ୍ତଫା ଘୋଷଣା କରିଥିଲେ। ଗୁରୁବାର ଅପରାହ୍ନରେ ତାଙ୍କ କର୍ମଚାରୀଙ୍କୁ ଏକ ଇ-ମେଲରେ ଚାଓ କହିଛନ୍ତି, " ରାଷ୍ଟ୍ରପତିଙ୍କ ସମର୍ଥକମାନେ ଏକ ସମାବେଶ ପରେ କ୍ୟାପିଟାଲ ବିଲଡିଂ ଉପରେ ଆକ୍ରମଣ କରିବା ପରେ ଗତକାଲି ଆମ ଦେଶ ଏକ ଦୁଃଖଦ ଘଟଣାର ସମ୍ମୁଖୀନ ହୋଇଥିଲା । ଏହା ମୋତେ ଗଭୀର ଭାବରେ ମର୍ମାହତ କରିଛି ।"
କ୍ୟାପିଟଲ ହିଲର ହିଂସାକୁ ନେଇ ଗୋଟିଏ ଦିନ ପୂର୍ବରୁ ହ୍ୱାଇଟ୍ ହାଉସର ବହୁ ବରିଷ୍ଠ କର୍ମଚାରୀ ଇସ୍ତଫା ଦେଇଥିଲେ । ଆମେରିକାର ଡେପୁଟି ନ୍ୟାସନାଲ ସିକ୍ୟୁରିଟି ପରାମର୍ଶଦାତା ମ୍ୟାଟ ପୋଟିଙ୍ଗର୍, ପ୍ରଥମ ଲେଡି ମେଲାନିଆ ଟ୍ରମ୍ପଙ୍କ ମୁଖ୍ୟ କର୍ମଚାରୀ ଷ୍ଟେଫାନି ଗ୍ରିଶାମ, ହ୍ୱାଇଟ ହାଉସର ଡେପୁଟି ପ୍ରେସ ସଚିବ ସାରା ମାଥ୍ୟୁସ ଏବଂ ହ୍ୱାଇଟ ହାଉସର ସୋସିଆଲ ସଚିବ ରିକି ନିକେଟା ଇସ୍ତଫା ଦେଇଛନ୍ତି ।
ଉତ୍ତର ଆୟର୍ଲାଣ୍ଡ ପାଇଁ ଆମେରିକାର ସ୍ୱତନ୍ତ୍ର ଦୂତ ତଥା ହ୍ୱାଇଟ ହାଉସର ପୂର୍ବତନ କାର୍ଯ୍ୟକାରୀ ମୁଖ୍ୟ ମିକ୍ ମଲଭାନେ ମଧ୍ୟ ଇସ୍ତଫା ଦେଇଛନ୍ତି । ସିବିଏସଇ ନ୍ୟୁଜକୁ ନିଜର ପ୍ରତିକ୍ରିୟା ଦେଇ ସେ କହିଛନ୍ତି, "ମୁଁ ଏଠାରେ ରହିପାରିବି ନାହିଁ । ବିଶେଷ କରି ଗତକାଲିର ଏହି ହିଂସାତ୍ମକ ଘଟଣା ପରେ ।"
ଏଥିସହିତ ଗୁରୁବାର ଦିନ ଇସ୍ତଫା ଦାଖଲ କରିଥିବା ଅନ୍ୟମାନଙ୍କ ମଧ୍ୟରେ ହ୍ୱାଇଟ ହାଉସ୍ କାଉନସିଲ୍ ଅଫ୍ ଇକୋନୋମିକ୍ ଆଡଭାଇଜର୍ସର କାର୍ଯ୍ୟକାରୀ ଚେୟାରମ୍ୟାନ୍ ଟାଇଲର ଗୁଡସ୍ପିଡ୍ ଏବଂ ଗୁଇନ୍ଦା ଏବଂ ବାଣିଜ୍ୟ ବିଭାଗର ଡେପୁଟି ଆସିଷ୍ଟାଣ୍ଟ ସଚିବ ଜନ୍ କୋଷ୍ଟେଲୋ ମଧ୍ୟ ସାମିଲ ଅଛନ୍ତି ।