ପାକିସ୍ତାନ ସେନା ଗାଡ଼ି ଉପରେ ଆତ୍ମଘାତୀ ହମଲା, BLA ଜାରି କଲା ଆତ୍ମଘାତୀ ବମ୍ବରଙ୍କ ଫଟୋ

ଇସଲାମାବାଦ : ପାକିସ୍ତାନ ସେନା ଗାଡି ଉପରେ ବଡ ଧରଣର ଆତ୍ମଘାତୀ ବିସ୍ଫୋରଣ ହୋଇଛି । ଏଥିରେ ୪୭ଜଣଙ୍କର ମୃତ୍ୟୁ ହୋଇଛି । ୩୦ ଜଣ ଆହତ ହୋଇଛନ୍ତି । ତୁର୍ବାଟ ସହରରୁ ୮କିମି ଭିତରକୁ ବେହମାନ ଅଞ୍ଚଳରେ ବିସ୍ଫୋରଣ ହୋଇଛି । ୪୭ଜଣଙ୍କର ମୃତ୍ୟୁ ହୋଇଥିବା ବେଲୁଚିସ୍ତାନ ଲିବୋରେସନ ଆର୍ମି (BLA) ଦାବି କରିଛି । ୫ ବସ୍ ଓ ୭ ସେନା ଗାଡିକୁ ଟାର୍ଗେଟ କରି ଆତ୍ମଘାତୀ ବିସ୍ପୋରଣ ହୋଇଥିଲା । ଘଟଣାର ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି । ହୁତୁ ହୁତୁ ହୋଇ ଜଳି ଯାଇଥିଲା ଗାଡି ।

ବଲୁଚ ଲିବରେସନ୍ ଆର୍ମୀ ମୁଖପାତ୍ର କହିଛନ୍ତି , ସ୍ଥାନୀୟ ଭାରତୀୟ ସମୟ ସଂଧ୍ୟା ୫ଟା ୪୫ରେ ଏହି ଆକ୍ରମଣ କରାଯାଇଛି । ତୁର୍ବତ ସହରରୁ ୮ କିଲୋମିଟର ଦୂରରେ ଏହି ଆକ୍ରମଣ କରାଯାଇଛି । ଆକ୍ରମଣ ପାଇଁ ବିଏଲଏକୁ ଦାୟୀ କରାଯାଇଛି। ୨୦୨୧ରେ ଆଫଗାନିସ୍ତାନରେ ତାଲିବାନ କ୍ଷମତାକୁ ଫେରିବା ପରଠାରୁ ପାକିସ୍ତାନ ତାର ପଶ୍ଚିମ ସୀମାନ୍ତ ଅଞ୍ଚଳରେ ପୁଣି ଥରେ ଆତଙ୍କବାଦୀ ହିଂସା ବୃଦ୍ଧି ପାଇବାରେ ଲାଗିଛି ।

ବାଲୁଚିସ୍ତାନର ସ୍ବାଧୀନତା ପାଇଁ ଲଢିଥିବା ବାଲୁଚ ଲିବରେସନ ଆର୍ମି (ବିଏଲଏ) ପାକିସ୍ତାନର ମିଥ୍ୟାକୁ ପ୍ରକାଶ କରିଛି। ବିଏଲଏ ସ୍ପଷ୍ଟ ଭାବେ କହିଛି ଯେ ସେମାନେ ସାମରିକ କନଭେନକୁ ଆକ୍ରମଣ କରି ଏହି ଆକ୍ରମଣ କରିଛନ୍ତି। ଯେଉଁଥିରେ ପ୍ରାୟ ୪୭ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦ ଜଣ ଆହତ ହୋଇଥିଲେ। ଏହି ଦାବି ସମ୍ପର୍କରେ ବିଏଲଏ ବର୍ତ୍ତମାନ ଆତ୍ମଘାତୀ ବିସ୍ଫୋରଣକାରୀଙ୍କ ଫଟୋ ପ୍ରକାଶ କରିଛି। ରିପୋର୍ଟ ଅନୁଯାୟୀ, ଆତ୍ମଘାତୀ ବିସ୍ଫୋରଣକାରୀଙ୍କ ନାମ ବାହର ଅଲି ଓରଫ କରୱାନ, ଯିଏ ବାଲୁଚିସ୍ତାନ ମୁକ୍ତି ସେନାର ମାଜିଦ ବ୍ରିଗେଡର ସକ୍ରିୟ ସଦସ୍ୟ ଥିଲେ।

ସୂଚନାଯୋଗ୍ୟ ଯେ ବାଲୁଚିସ୍ତାନ ଲିବରେସନ ଆର୍ମି (ବିଏଲଏ) ର ମାଜିଦ ବ୍ରିଗେଡ ଆତ୍ମଘାତୀ ବିସ୍ଫୋରଣକାରୀଙ୍କ ସର୍ବାଧିକ ଦଳକୁ ଅନ୍ତର୍ଭୁକ୍ତ କରିଛି। ଯେଉଁମାନେ ସେମାନଙ୍କର ଲକ୍ଷ୍ୟକୁ ସଫଳ କରିବା ପାଇଁ ନିଜ ଜୀବନକୁ ଉତ୍ସର୍ଗ କରିବାକୁ କୁଣ୍ଠାବୋଧ କରନ୍ତି ନାହିଁ । ବାଲୁଚିସ୍ତାନକୁ ମୁକ୍ତ କରିବା ପାଇଁ ଏହି ଦଳ ଅନେକ ଆତ୍ମଘାତୀ ଆକ୍ରମଣ କରିଛି।